Popular Bible Verses from ETALEYEHINA 16

Share

“Itaniŋiete! Attu adi ni ihuo olohoho. Hotomunoi lia, ollo odulo 'to amijio, buo fe odulo erriria aboŋojin honyi jio ŋadi inyi adaha ihiji waati aŋaturoi, ette ariri inyahina inyi.”

Attati ajilo etilleji iluahina arrany honyi ihari Yufrets enne ittokon, ette itayoho aari ania ihuhumaniere nekoi jio obuok hullo ofuonni 'to teduoŋi holoŋ.

Isi hunia oloholioo miniaŋa hunyia, owoni 'to iko agolon ihaniere eduariti. Iluri nyia isi jio oobuok hutta fau 'daŋ, ittuttubaniere isi ifere to Oloŋ enne ittokon ono Hollum, Laduarani.

Attati ni igonyuna oloholioo hunihoi hunno orrohoji, hunne iyyaluni eddodduohi. Ojiŋuni nyia eddodduohi hunia to hutuk nyamanit, to hutuk hahuanyani iko to hutuk ekianani enyabani ollo ojio 'to jio ekiana inyi eram Hollum.

Osuak nyia enohit onno orroho 'to ania aati, ette isi imorio afure Hollum, ollo owon 'to iko aduaran itihotiere ettigemita hunia. Ati obeŋi nyia isi idehini eyyata hosi, ette itahabuyo inyi.

Ania, ette ajilo etteri iluahina arrany honyi attany afau, buo atoŋos hunno orrohoji buo fe omiji bebe ette isur ihuattek waati hunyia owoni 'to iko eherit ono ahuanyani, buo fe ihuattek hia hunyia itahabuye 'to arrijiori honyi.

Ottubani nyia oloholioo hunia oobuok 'daŋ jio amaji anna anya Armageddon, te ekiana Ebrei.