1Korinto 13

Abuaran Taji

1Duadi bu aremik ni ekiana etuhe waati iko huno ajilohien, buo alla abeŋ abuaran taji jihoŋ, ara ni ihuo egolo onno okuat 'to kuyya emeri enne itanniŋa keleŋ keleŋ. 2#Mat 17:20; 21:21; Mar 11:23Duadi bu awon ni iko agolon ittittoyere, kuyya olofioro 'daŋ buo amijana hirre 'daŋ hunne idimai 'to; kuyya neruk onno oremik 'to ikaf adoŋiok, buo abeŋ awon iko abuaran taji, ara ni ariŋ asai. 3Duadi bu esiarak ni asaŋ hoŋ 'daŋ, buo fe esiarak ahuan hoŋ oŋida osuahini#13:3 oŋida osuahini : ojiori omuk egierita jio, itadarari., buo abeŋ awon iko neruk, ettallik ni irumana obo ayiji.

4Iyaŋuno abuaran taji adihan iko anyalami; obeŋ inyi iyaŋuno ahaini kuyya etadara. 5Obeŋ abuaran taji iyaŋuno agolon hou kuyya aluo kuyya ehutuk; buo fe obeŋ ottunatta agoce itaji. 6Obeŋ abuaran taji omuno eyyau, ati omuno inyi elahode. 7Omir abuaran taji erre 'daŋ; ittallik neruk honyi iko eyihina honyi buo adihan honyi ipuahan. 8Osio abuaran taji 'tulaŋ. Ati esiorita ihuo, arahan a hekianani Hollum, ekiana te etuhe hunno olufaji iko olofioro, otuhorio adi isi 'daŋ. 9Nyio, obeŋi olofioro hohoi ottubai buo fe arahan hohoi a hekianak Hollum obeŋ ottuba; 10ati alla attu ariŋ onno ottuba 'to, otuhoro adi onno obeŋ 'to ottuba. 11Ninyia hara ni a hito, arai nyia ekenita hoŋ iko egigilita buo ehanita hoŋ ihuo huno eto. Ihuania, abolo ni, abeŋi emanyiti iloduri inyiahi siruna jihoŋ. 12Ariŋ enne egonyu ihuania, ara ihuo arrijiori enne egonyu totua miraya anattillar; ati efuonni adi igonyuna inyi ihuo ara inyi luŋa. Aŋati, anna amijak ni ihuania; ati attu adi ni imijana inyi 'daŋ ihuo onno omijaniere Hollum nani. 13Tania, odulori adi erre huna hunihoi huna: neruk, eyihina iko abuaran taji. Ati, abuaran taji anna agalik 'to hunnomuk hunia 'daŋ.

Currently Selected:

1Korinto 13: EA2003

Highlight

Copy

Compare