Popular Bible Verses from 1Korinto 13

Share

Iyaŋuno abuaran taji adihan iko anyalami; obeŋ inyi iyaŋuno ahaini kuyya etadara. Obeŋ abuaran taji iyaŋuno agolon hou kuyya aluo kuyya ehutuk; buo fe obeŋ ottunatta agoce itaji.

Omir abuaran taji erre 'daŋ; ittallik neruk honyi iko eyihina honyi buo adihan honyi ipuahan.

Obeŋ abuaran taji omuno eyyau, ati omuno inyi elahode.

Tania, odulori adi erre huna hunihoi huna: neruk, eyihina iko abuaran taji. Ati, abuaran taji anna agalik 'to hunnomuk hunia 'daŋ.

Osio abuaran taji 'tulaŋ. Ati esiorita ihuo, arahan a hekianani Hollum, ekiana te etuhe hunno olufaji iko olofioro, otuhorio adi isi 'daŋ.

Duadi bu aremik ni ekiana etuhe waati iko huno ajilohien, buo alla abeŋ abuaran taji jihoŋ, ara ni ihuo egolo onno okuat 'to kuyya emeri enne itanniŋa keleŋ keleŋ.

Duadi bu awon ni iko agolon ittittoyere, kuyya olofioro 'daŋ buo amijana hirre 'daŋ hunne idimai 'to; kuyya neruk onno oremik 'to ikaf adoŋiok, buo abeŋ awon iko abuaran taji, ara ni ariŋ asai.

Duadi bu esiarak ni asaŋ hoŋ 'daŋ, buo fe esiarak ahuan hoŋ oŋida osuahini, buo abeŋ awon iko neruk, ettallik ni irumana obo ayiji.

Ninyia hara ni a hito, arai nyia ekenita hoŋ iko egigilita buo ehanita hoŋ ihuo huno eto. Ihuania, abolo ni, abeŋi emanyiti iloduri inyiahi siruna jihoŋ.