Romanos 5
5
Jiñi mu' bʌ lac taj che' mi laj q'uejlel ti toj
1Dios mi' q'uelonla ti toj cha'añ tsa' lac ñopo, añix i ñʌch'tʌlel lac pusic'al yic'ot Dios cha'añ ti' caj tsa' lac ñopo lac Yum Jesucristo.#Ef 2.14-17; Jn 14.27 2Cha'añ ti' caj Jesucristo mu' bʌ lac ñop, ochemoñixla ja'el ti' yutslel i pusic'al Dios; jiñi cha'añ xuc'ulonla; tijicñayonla#5.2 Tijicñayonla: Jiñʌch lac tijicñʌyel ch'oyol bʌ ti Dios, mach tilemic ti lac bajñel p'ʌtʌlel (2 Cor 10.17; Fil 3.3). cha'añ mi caj lac taj i ñuclel Dios.#5.2 Ili t'añ ya' toj mi wen al ti Rm 8.18-25. 3Mach cojic jach jiñi, tijicñayonla ja'el cha'añ jiñi wocol mu' bʌ la cu'bin, come la cujil jiñi wocol tac mi' yʌq'ueñonla lac p'ʌtʌlel ti pijt.#Stg 1.2-3 4I xuc'tʌlel lac pusic'al ti' pijtaya, mi yʌq'ueñonla lac p'ʌtʌlel cha'añ mi laj cuch wocol; che' mi laj cuch wocol, mi' p'ojlel lac pijtaya ti Dios. 5Che' woliyonla ti pijt, mach lolomic jach, come la cujil i c'uxbiya Dios tsa'ix i but'beyonla ti lac pusic'al ti jiñi Ch'ujul bʌ Espíritu#Hch 2.17 tsa' bʌ aq'uentiyonla.
6Che' bʌ ma'añic tsa' mejli lac bajñel coltañ lac bʌ, tsa' chʌmi Cristo cha'añ xjontolilob.#5.6 Q'uele 1 P 3.18; 1 Cor 15.3; 2 Cor 5.14-15; Gl 1.4. Tsa' chʌmi che' ti yorajlel (Gl 4.4). 7Isujm ma'añic majqui mi yʌc' i bʌ ti' chʌmel cha'añ i coltʌntel juntiquil, mi cha'añic juntiquil toj bʌ, tic'ʌl añ mu' bʌ i yʌc' i bʌ ti chʌmel cha'añ mi' coltañ juntiquil wen uts bʌ i pusic'al.#5.7 I tajol añ mach mi' yʌc' i bʌ ti chʌmel cha'añ juntiquil tsa' bʌ i colta ti ñaxan. 8Pero Dios tsi' pʌsʌ i c'uxbiya ti lac tojlel, ba ora tsa' chʌmi Cristo cha'añonla che' xmulilontola.#Jn 3.16; 1 Jn 4.10; Rm 5.6 9Jiñi cha'añ wʌle mi laj q'uejlel ti toj cha'añ jach i ch'ich'el Cristo; jiñi cha'añ mi caj laj coltʌntel ti Cristo che' mi' tsictiyel i mich'ajel Dios. 10Che' i contrajonla Dios, tsa' chʌmi i Yalobil cha'añ mi yuts-esan lac pusic'al yic'ot Dios. Wʌle che' uts-esʌbilix lac pusic'al yic'ot Dios,#2 Cor 5.18-20 mi caj laj coltʌntel cha'añ tsiji' bʌ i cuxtʌlel Cristo.#Rm 6.8-11; 8.10-11; Heb 7.24-25 11Mach cojic jach jiñi, pero tijicñayonla ti Dios cha'añ lac Yum Jesucristo, come Cristo tsi' yuts-esa lac pusic'al yic'ot Dios.
Adán yic'ot Cristo
12Jiñi cha'añ tsa' ochi mulil ti pañimil cha'añ ti' caj i mul juntiquil wiñic. Jiñi mulil mi yʌc' chʌmel,#Gn 2.15-17; 3.6-19; 1 Cor 15.22,45-49 jiñi cha'añ mi lac chʌmel ti lac pejtelel, come tsa' lac laj cha'le mulil ti lac pejtelel. 13Che' maxto ts'ijbubilic jiñi mandar añix mulil ti pañimil, pero che' maxto añic mandar, maxto añic mulil ti' wenta wiñicob x'ixicob.#Rm 4.15 14Tsi' cha'le yumʌntel jiñi chʌmel ti' yorajlel Adán c'ʌlʌl ti Moisés, anquese maxto añic tsi' ñusayob mandar che' bajche' Adán;#Gn 2.16-17; 3.11-12; Rm 7.7 jiñi Adán jiñʌch i lajintel Cristo mu' bʌ caj i tilel.
15Pero jiñi lac majtañ mach mejlic ti lajintel yic'ot i mul Adán, cha'añ ti' mul juntiquil wiñic, ca'bʌl tsa' chʌmiyob, pero tsa' utsi p'ojli i yutslel i pusic'al Dios yic'ot lac majtañ ti' tojlel ca'bʌlob cha'añ ti' yutslel i pusic'al juntiquil wiñic, jiñʌch Jesucristo.#5.15 Adán tsi' yotsa mulil, yic'ot tojmulil yic'ot chʌmel; pero Jesucristo tsi' ch'ʌmʌ tilel toj bʌ lac pusic'al, yic'ot lac coltʌntel yic'ot lac cuxtʌlel. 16Jiñi lac majtañ mach lajalic bajche' jiñi wocol mu' bʌ lac taj cha'añ ti' mul Adán, come cha'añ ti mul juntiquil tsa' tejchi meloñel yic'ot tojmulil, pero jiñi lac majtañ tsa' tili cha'añ ti' caj añ ca'bʌl mulil, cha'añ mi laj q'uejlel ti' toj. 17Cha'añ ti' mul juntiquil wiñic mi' chʌmelob pejtelel wiñicob x'ixicob, pero ñumen mi caj i tajob i cuxtʌlel ti jiñi juntiquil wiñic, Jesucristo, jiñi mu' bʌ i ch'ʌmob ti' wenta jiñi ñuc bʌ i yutslel i pusic'al Dios yic'ot toj bʌ i pusic'al mu' bʌ i tajob ti majtañ.
18Cha'añ ti' mul Adán tsa' tili tojmulil ti' tojlel pejtelel wiñicob x'ixicob, che' ja'el cha'añ ti toj bʌ i melbal Cristo mi' q'uejlelob ti toj pejtelel wiñicob x'ixicob, cha'añ cuxul mi' yajñelob.#1 Cor 15.22 19Cha'añ ti' caj i ñusa t'añ juntiquil wiñic ca'bʌl tsa' q'uejliyob ti xmulil; che' ja'el cha'añ ti' caj i jac' t'añ juntiquil wiñic ca'bʌl mi' caj i q'uejlelob ti toj.#Is 53.11
20Tsa' tili mandar cha'añ mi' tsictiyel woli' p'ojlel mulil,#5.20 Jiñi mandar i cha'añ Moisés tsa' tili che' wen ca'bʌlix mulil ti pañimil. pero che' bʌ tsa' p'ojli mulil,#Rm 3.20; 4.15; Gl 3.19 ñumen ca'bʌl tsa' p'ojli i yutslel i pusic'al Dios. 21Come che' bajche' jiñi mulil tsi' cha'le i yumʌntel ti chʌmel, che'ʌch ja'el mi' mel i yumʌntel i yutslel i pusic'al Dios cha'añ tsa' aq'uentiyonla toj bʌ lac pusic'al, cha'añ cuxul mi lac cajñel ti pejtelel ora ti lac Yum Jesucristo.#5.21 Q'uele Rm 6.23. Pablo mi' pʌs jiñi mulil che' bajche' juntiquil wiñic mu' bʌ i cha'len i yumʌntel, yic'ot che' mi laj q'uel jiñi cap. 6 yic'ot 7 mi yʌl cha'añ lajalʌch bajche' juntiquil yumʌl mu' bʌ i yʌc' ti majtañ e'tel wiñicob x'ixicob. Che' ja'el i yutslel i pusic'al Dios mi' lajin che' bajche' juntiquil wiñic mu' bʌ i cha'len i yumʌntel. Che' mi laj q'uel ja'el jiñi Rm 6.18, jiñi toj bʌ lac pusic'al mu' bʌ i yʌq'ueñonla Dios ti lac majtañ, lajalʌch bajche' juntiquil yumʌl wen bʌ i pusic'al.
Currently Selected:
Romanos 5: NTCH
Highlight
Share
Compare
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C.
