Romanos 4
4
Tsa' bʌ i pʌsbeyonla Abraham
1¿Chuqui yom mi la cʌl che' jiñi? ¿Chuqui tsi' taja Abraham jiñi lac ñojte'el? 2Che' tsa'ic q'uejli ti toj Abraham cha'añ wen bʌ i melbal; che' jiñi mi mejlel i su'b i bʌ ti ñuc, pero mach ti' tojlelic Dios. 3¿Chuqui mi' yʌl i Ts'ijbujel Dios? Abraham tsi' ñopo Dios, jiñi cha'añ Dios tsi' q'uele ti toj,#Gn 15.6; Gl 3.6; Stg 2.23 che'en. 4Pero jiñi mu' bʌ i cha'len e'tel, mi' ch'ʌm i tojol, mach i majtañic, i tojolʌch ti e'tel; 5pero Dios mi' ñusʌbeñob i mul jiñi mach bʌ tojobic mu' bʌ i ñopob. Mi' yotsañob ti' wenta. Dios mi' q'uelob ti toj cha'añ jach tsi' ñopoyob, mach cha'añic ti wen bʌ i melbal. 6Che' bajche' mi' yʌl David ja'el cha'añ tijicña jiñi wiñic mu' bʌ i q'uejlel ti toj ti Dios, mach cha'añic ti wen bʌ i melbal. 7David tsi' yʌlʌ:
“Tijicñayob jiñi
mu' bʌ i ñusʌbentelob i jontolil,
yic'ot jiñi mach bʌ añix mi' chʌn ña'tʌbentel
i mul ti Dios.#Gn 15.6; Dt 19.15
8Tijicña jiñi wiñic
mach bʌ añic mi' ña'tʌbentel i mul ti lac Yum”.#Sal 32.1-2
9¿Cojach ba tijicñayob jiñi tsepbilo' bʌ i pʌchʌlel?#Rm 2.25; 3.30 ¿Mach ba tijicñayobic ja'el jiñi mach bʌ tsepbilobic i pʌchʌlel? Come mic su'b lojon tsa' q'uejli ti toj Abraham cha'añ tsi' ñopo Dios. 10¿Baqui ora tsa' q'uejli ti toj? ¿Jim ba che' tsepbilix i pʌchʌlel o che' maxto tsepbilic? Tsa' q'uejli ti toj che' maxto tsepbilic i pʌchʌlel. 11Ti wi'il tsa' tsepbenti i pʌchʌlel Abraham#Gn 17.10,23-27 cha'añ i yejtal yic'ot i sellojlel toj bʌ i pusic'al tsa' bʌ aq'uenti cha'añ tsi' ñopo Dios che' maxto tsepbilic i pʌchʌlel, cha'añ mi' yochel ti' tat pejtelelob mu' bʌ i ñopob Dios che' mach tsepbilobic i pʌchʌlel, cha'añ che' jiñi mi' q'uejlelob ti toj ja'el cha'añ tsi' ñopoyob. 12I tatʌch jiñi tsepbilo' bʌ i pʌchʌlel, mach cojic jach tsi' ch'ʌmʌyob tsep pʌchʌlel, pero tsi' ñopoyob ja'el, che' jiñi woli' tsajcañob lac tat Abraham tsa' bʌ i ñopo Dios che' maxto tsepbilic i pʌchʌlel.
Mi la cʌq'uentel jiñi albil bʌ t'añ che' mi' lac ñop Dios
13Mach cha'añic ti' jac'ol jiñi mandar tsa' su'benti Abraham yic'ot i p'olbal mux i yʌq'ueñtelob jiñi pañimil ti' wenta;#Gn 17.4-6; 22.17-18; Gl 3.29; 1 P 1.4 pero cha'añ jach tsi' ñopo Dios tsa' q'uejli ti toj. 14Pero mi jiñi albil bʌ t'añ i cha'añob jach jiñi mu' bʌ i jac'ob jiñi mandar, che' jiñi lolom jach mi lac ñop Dios, ma'añic i c'ʌjñibal jiñi tsa' bʌ i yʌlʌ Dios cha'añ mi' caj i yʌq'ueñonla.#Gl 3.18 15Come i ñusʌntel jiñi mandar mi' techben i mich'ajel Dios, pero che' ma'añic mandar ma'añic chuqui mi' ñusʌntel.#4.15 Q'uele Rm 1.18; Rm 5.13 mi' wen tsictesan. 16Jiñi cha'añ mi lac taj jiñi albil bʌ t'añ ti' yutslel i pusic'al Dios cha'añ tsa' lac ñopo, che' jiñi mi' ts'ʌctiyel jiñi t'añ ti' tojlel pejtelel i p'olbal Abraham mu' bʌ i ñopob Dios, mach cojic jach mu' bʌ i ñopob mandar, pero yaño' bʌ ja'el mu' bʌ i ñopob Dios che' bajche' Abraham. Jiñʌch lac tat ti lac pejtelel.#4.16 Q'uele Gl 3.7. I p'olbal: yom mi' yʌl pejtelel mu' bʌ i ñopob Dios mi judíojob o mi gentilob. 17Che' bajche' ts'ijbubil: “Tsa' c wa'chocoyet ti' tat wiñicob x'ixicob ti ca'bʌl lum tac”.#Gn 17.5 Jiñi Dios tsa' bʌ i ñopo Abraham jiñʌch mu' bʌ i yʌq'ueñob i cuxtʌlel jiñi chʌmeño' bʌ, mu' bʌ i mel ti' p'ʌtʌlel jach i t'añ jiñi maxto bʌ añic ti yam bʌ ora.
18Anquese ma'añic tsi' ña'ta Abraham bajche' mi' caj ti ts'ʌctiyel jiñi t'añ, tsi' chʌn ñopo ti' xuc'tʌlel i pusic'al, cha'añ mi caj i yochel ti' tat ca'bʌl wiñicob x'ixicob ti ca'bʌl lum, che' bajche' tsa' su'benti: “Che'i mi' caj ti ajñel ca'bʌl a p'olbal”.#Gn 15.5 19Ma'añic tsa' lujb-a i ñop anquese tsi' ña'ta ma'añix i yorajlel cha'añ mi' yajñel i yalobil come ts'itajax yom ts'ʌctiyel jo'c'al i ja'bilel, che' ja'el ñoxix Sara.#Gn 17.17; 18.11; Heb 11.11-12 20Ma'añic tsi' wis cʌyʌ i ñop, ma'añic tsa' tejchi tilebixel bʌ i pusic'al cha'añ jiñi t'añ tsa' bʌ su'benti ti Dios, tsa' p'ʌt-a i pusic'al ti ñopol Dios, tsi' su'bu i ñuclel Dios. 21Ti jump'ejl i pusic'al tsi' ña'ta añ i p'ʌtʌlel Dios cha'añ mi' ts'ʌctesan jiñi tsa' bʌ i yʌlʌ. 22Jiñi cha'añ tsa' q'uejli ti toj cha'añ tsi' ñopo Dios.#Gn 15.6
23Mach cha'añic jach Abraham, tsa' ts'ijbunti jiñi t'añ “Tsa' q'uejli ti toj”, 24pero cha'añonla ja'el mu' bʌ lac ñop Dios, tsa' bʌ i teche ch'ojyel lac Yum Jesús ba'añ chʌmeño' bʌ, mi laj q'uejlel ti toj, 25come Jesús tsa' ajq'ui ti chʌmel cha'añ mi' toj lac mul, yic'ot tsa' tejchi ch'ojyel cha'añ mi laj q'uejlel ti toj.#Rm 6.1-11; 1 Cor 15.14; 1 Cor 15.17
Currently Selected:
Romanos 4: NTCH
Highlight
Share
Compare
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C.
