Popular Bible Verses from Romanos 5

Share

Pero Dios tsi' pʌsʌ i c'uxbiya ti lac tojlel, ba ora tsa' chʌmi Cristo cha'añonla che' xmulilontola.

Che' woliyonla ti pijt, mach lolomic jach, come la cujil i c'uxbiya Dios tsa'ix i but'beyonla ti lac pusic'al ti jiñi Ch'ujul bʌ Espíritu tsa' bʌ aq'uentiyonla.

Mach cojic jach jiñi, tijicñayonla ja'el cha'añ jiñi wocol mu' bʌ la cu'bin, come la cujil jiñi wocol tac mi' yʌq'ueñonla lac p'ʌtʌlel ti pijt. I xuc'tʌlel lac pusic'al ti' pijtaya, mi yʌq'ueñonla lac p'ʌtʌlel cha'añ mi laj cuch wocol; che' mi laj cuch wocol, mi' p'ojlel lac pijtaya ti Dios.

Dios mi' q'uelonla ti toj cha'añ tsa' lac ñopo, añix i ñʌch'tʌlel lac pusic'al yic'ot Dios cha'añ ti' caj tsa' lac ñopo lac Yum Jesucristo. Cha'añ ti' caj Jesucristo mu' bʌ lac ñop, ochemoñixla ja'el ti' yutslel i pusic'al Dios; jiñi cha'añ xuc'ulonla; tijicñayonla cha'añ mi caj lac taj i ñuclel Dios.

Che' bʌ ma'añic tsa' mejli lac bajñel coltañ lac bʌ, tsa' chʌmi Cristo cha'añ xjontolilob.

Jiñi cha'añ wʌle mi laj q'uejlel ti toj cha'añ jach i ch'ich'el Cristo; jiñi cha'añ mi caj laj coltʌntel ti Cristo che' mi' tsictiyel i mich'ajel Dios.

Cha'añ ti' caj i ñusa t'añ juntiquil wiñic ca'bʌl tsa' q'uejliyob ti xmulil; che' ja'el cha'añ ti' caj i jac' t'añ juntiquil wiñic ca'bʌl mi' caj i q'uejlelob ti toj.

Mach cojic jach jiñi, pero tijicñayonla ti Dios cha'añ lac Yum Jesucristo, come Cristo tsi' yuts-esa lac pusic'al yic'ot Dios.