Romanos 6
6
Chʌmeñonla ti' tojlel jiñi mulil
1¿Chuqui yom mi lac su'b, che' jiñi? ¿Yom ba mi lac chʌn cha'len mulil cha'añ mi' p'ojlel i yutslel i pusic'al Dios? 2Mach yomic mi' ts'ita'ic. Come jilemix i p'ʌtʌlel mulil ti lac tojlel, ¿Bajche', che' jiñi, mi mejlel lac chʌn cha'len mulil?#Rm 3.8 3¿Mach ba la' wujilic cha'añ pejtelelonla tsa'ix bʌ lac ch'ʌmʌ ja' ti Cristo Jesús,#Gl 3.27 tsa'ix chʌmiyonla yic'ot Cristo, che' bʌ tsa' chʌmi?#6.3-4 Che' mi lac ch'ʌm ja' yom mi yʌl cha'añ mi lac cochel ti bʌc'tal Cristo, jiñi cha'añ che' bʌ tsa' chʌmi lac Yum, tsa' chʌmiyonla yic'ot, che' ja'el ba' ora tsa' tejchi ch'ojyel ba'añ chʌmeño' bʌ, tsa' tejchiyonla ch'ojyel yic'ot cha'añ cuxul mi lac cajñel che' bajche' cuxul ja'el (Gl 3.27; Col 2.12). 4Che' mi lac ch'ʌm ja' mi lac chʌmel yilal yic'ot mi lac tem mujquel yic'ot Cristo cha'añ mi lac cha' tsiji' ilan pañimil che' bajche' Cristo tsa' tejchi loq'uel ba'añ chʌmeño' bʌ ti' p'ʌtʌlel Dios lac Tat.
5Come mi temel tsa' ajñiyonla yic'ot Cristo che' bʌ tsa' chʌmi, che'ʌch ja'el temel mi caj lac tejchel ch'ojyel che' bajche' tsa' tejchi ch'ojyel ba'añ chʌmeño' bʌ. 6Come la cujil tsa' ch'ijle ti cruz lac tsucul pusic'al#6.6 Lac tsucul pusic'al: Yom mi' yʌl mach bʌ uts'atic lac ñusa q'uiñ ti yam bʌ ora (Ef 4.22; Col 3.9). yic'ot Cristo, cha'añ mi' jisʌntel i p'ʌtʌlel mulil ti lac pusic'al, cha'añ ma'añix mi lac chʌn yuman mulil.#6.6 Q'uele Gl 2.19-20; 5.24-25. Ma'añix mi lac chʌn yuman mulil: Q'uele Rm 5.21. 7Come jiñi tsa'ix bʌ chʌmi, colbilix ti' p'ʌtʌlel mulil.#1 P 4.1 8Mi tsa' chʌmiyonla la quic'ot Cristo, la cujil ja'el cuxul mi caj la cajñel yic'ot,#2 Tm 2.11 9come la cujil tejchemix ch'ojyel Cristo ba'añ chʌmeño' bʌ, mach mejlix ti cha' chʌmel, come ma'añix i p'ʌtʌlel chʌmel ti' tojlel. 10Come che' bʌ tsa' chʌmi Cristo, junyajl jach tsa' chʌmi cha'añ i tojol mulil;#Heb 7.27; 9.26-28; 1 P 3.18 wʌle cuxul cha'añ mi' ñuq'uesan Dios.#6.10 6.2,7. La cujil cha'añ lac Yum Jesucristo ma'añic tsi' cha'le mulil pero tsi' ch'ʌmʌ ti' wenta i mul pejtelel wiñicob x'ixicob (2 Cor 5.21; Heb 4.14; 1 P 2.24); che' bʌ tsi' yʌc'ʌ i bʌ ti chʌmel tsi' loc'sa ti p'ʌtʌlel chʌmel pejtelel jiñi mu' bʌ i ñopob, v. 6. 11Che' ja'el jatetla, ña'tanla jilemix i p'ʌtʌlel mulil ti la' tojlel, pero cuxuletla cha'añ mi la' ñuq'uesan Dios ti Cristo Jesús, lac Yum.#6.11 Q'uele Rm 6.3-11; 1 Cor 1.9; Gl 3.27; Fil 1.1; Col 1.4. Che' temel añonla yic'ot Cristo, yom ja'el temel mi lac cajñel yic'ot lac pi'ʌlob ti xñopt'añ (Rm 12.5; Gl 3.28). Lac cuxtʌlel mach bʌ añic mi' jilel, yom mi yʌl cha'añ temel mi lac cajñel yic'ot Cristo (Rm 6.23).
12Jiñi cha'añ mach mi la' chʌn yuman mulil ti la' bʌc'tal yujil bʌ chʌmel, mach mi' la' jac'ben i colosojlel la' pusic'al. 13Mach mi la' wʌc' la' bʌc'tal cha'añ mi' c'ʌjñibʌyel cha'añ jontolil, aq'uen la' bʌ Dios,#6.13 Rm 12.1. Iliyi yom mi yʌl: Cha'añ mach mi lac chʌn cha'len mulil… Yom mi lac cʌq'uen lac bʌ Dios ti junyajlel cha'añ ti melol i ye'tel. come tejchemetixla ch'ojyel ti' tojlel chʌmeño' bʌ, cha'añ mi' c'ʌjñibʌyel la' bʌc'tal ti' tojlel Dios ti' melol chuqui toj. 14Come mach chʌn añetixla ti' p'ʌtʌlel mulil cha'añ mi la' jac'; come ma'añetixla ti' wenta jiñi mandar, añetixla ti' yutslel i pusic'al Dios.#Col 3.1-10
X'e'telob cha'añ chuqui tac toj#Jn 8.31-36; 2 P 2.19
15¿Chuqui yom che' jiñi? ¿Yom ba mi lac chʌn cha'len mulil che' ma'añoñixla ti' wenta jiñi mandar, come añoñixla ti' yutslel i pusic'al Dios? Mach yomic mi ts'ita'ic. 16¿Mach ba la' wujilic che' mi la' wotsan la' bʌ ti' ye'tel ti' tojlel juntiquil wiñic, x'e'teletla i cha'añ che' woli la' jac'ben i t'añ? Jiñi mu' bʌ i jac'ben mulil mi' chʌmel. Jiñi mu' bʌ i jac'ben Dios mi' taj toj bʌ i pusic'al. 17Wocolix i yʌlʌ Dios, anquese wajali chucbiletla ti' p'ʌtʌlel mulil, pero wʌle tsa'ix la' jac'ʌ ti jump'ejl la' pusic'al jiñi cʌntesa tsa' bʌ aq'uentiyetla. 18Tsa'ix loc'sʌntiyetla ti mulil; wʌle ochemetixla ti' wiñic Dios cha'añ mi la' jac' chuqui toj. 19Mic cha'len t'añ che' bajche' wiñic#6.19 Mic cha'len t'añ che' bajche' wiñic: Pablo mi' cʌn cha'añ wen wocol toj mi' ch'ʌmbeñob isujm, yom cha'añ pejtelel jiñi mu' bʌ i pejcañob ili juñ, mi' ch'ʌmbeñob isujmlel pejtelel woli bʌ i su'beñob. Come wocol mi la' ch'ʌmben isujm come wiñiquetla: Ili t'añ yom mi' yʌl cha'añ maxto añic mi' wen ch'ʌmbeñob isujmlel che' bajche' yom mi' yajñelob ti ñopol Cristo yic'ot maxto añic mi' wen ch'ʌmbeñob isujm jiñi wen t'añ. come wocol mi la' ch'ʌmben isujm come wiñiquetla, che' bajche' tsa' la' wʌc'ʌ la' bʌc'tal cha'añ mi la' mel chuqui tac bi'bi' yic'ot chuqui tac jontol; wʌle che' yom mi la' wʌc' la' bʌc'tal cha'añ mi la' mel chuqui tac toj cha'añ ch'ujul mi la' wajñel.
20Che' ba' ora chuculetla ti mulil, ma'añic mi' mejlel la' mel chuqui toj. 21¿Chuqui tsa' la' taja ti mulil, che' jiñi? Wʌle che' mi la' cha' ña'tan la' mul, mi la' cha'len quisin, come la' wujil mi' chʌmelob jiñi mu' bʌ i cha'leñob mulil. 22Pero wʌle che' loc'sʌbiletixla ti' p'ʌtʌlel mulil, yic'ot che' i wiñiquetixla Dios, woli la' taj la' sʌc-esʌntel yic'ot la' cuxtʌlel mach bʌ añic mi' jilel.#Pr 12.28 23Come i tojol jiñi mulil, jiñʌch chʌmel, pero lac majtañ mu' bʌ i yʌq'ueñonla Dios jiñʌch laj cuxtʌlel mach bʌ añic mi' jilel ti lac Yum Cristo Jesús.#Rm 5.12,21
Currently Selected:
Romanos 6: NTCH
Highlight
Share
Compare
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C.
