ᐁᐠᓴᑕᐢ 32
32
1 #
ᐃᓯᐦᒋᑫᐃᐧᓂᐋᐧᐊᐧ 7:40
ᐃᐢᐱ ᒫᑲ ᐊᔨᓯᔨᓂᐊᐧᐠ ᐃᐧᔮᐸᐦᑕᑭᐠ ᒧᓯᓴ ᐁᑳ ᒪᔭᐤ ᐁ ᐯ ᓈᑎᑯᒋᐠ ᐊᐧᒋᕽ ᐅᐦᒋ, ᐊᔨᓯᔨᓂᐊᐧᐠ ᑭ ᒫᒪᐃᐧ ᒫᐊᐧᒋᐦᐃᑐᐊᐧᐠ ᐊᓂᑕ ᐁ ᐊᔮᔨᐟ ᐁᕒᐊᓇ, ᐅᒥᓯ ᒫᑲ ᐁ ᑭ ᐃᑖᒋᐠ, ᐸᓯᑯ, ᐅᓯᐦᑕᒪᐃᐧᓈᐣ ᒪᓂᑐᐊᐧᐠ ᑫ ᓂᑳᓄᑖᑯᔮᐦᑭᐠ; ᒋᑫᒫ ᐃᐧᔭ ᐊᐊᐧ ᒧᓯᐢ, ᐊᓇ ᓈᐯᐤ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᑯᔮᕽ, ᓇᒪᐃᐧᔭ ᓂ ᑭᐢᑫᔨᑌᓈᐣ ᑖᓂᓯ ᐁᔨᑎᑫᐧ. 2ᐁᕒᐊᐣ ᒫᑲ ᐅᒥᓯ ᑭ ᐃᑌᐤ, ᑫᒋᑯᓂᑯᐠ ᐅᓵᐃᐧᓱᓂᔮᐃᐧ ᑖᐱᑌᐱᓱᓇᐠ ᐅᐦᑕᐊᐧᑳᐋᐧᕽ ᑳ ᑭᑲᒧᔨᐟ ᑭᐃᐧᐋᐧᐊᐧᐠ ᑭᑯᓯᓯᐋᐧᐊᐧᐠ, ᒥᓇ ᑭᑖᓂᓯᐋᐧᐊᐧᐠ, ᐯ ᒥᔨᐠ ᒫᑲ. 3ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᑫᒋᑯᓀᐊᐧᐠ ᐅᓵᐃᐧᓱᓂᔮᐃᐧ ᑖᐱᑌᐱᓱᓇ ᐅᐦᑕᐊᐧᑳᐋᐧᕽ ᑳ ᑭᑲᒧᔨᐟ, ᐁᑯᓯ ᐁ ᑭ ᒥᔮᒋᐠ ᐁᕒᐊᓇ. 4#1 ᑭᐦᒋ ᐅᑭᒫᐊᐧᐠ 12:28; ᐃᓯᐦᒋᑫᐃᐧᓂᐋᐧᐊᐧ 7:41ᑭ ᐅᑎᓂᒣᐤ ᒫᑲ ᐁ ᒥᔨᑯᐟ, ᐁᑯᓯ ᐁ ᑭ ᐅᓯᐦᐋᐟ ᒪᓯᓈᐱᐢᑭᓯᑲᓇ ᐋᐸᒋᐦᒋᑲᐣ ᐅᐦᒋ, ᑭ ᐅᓯᐦᐁᐤ ᒫᑲ ᑎᐦᑳᐱᐢᑭᓯᑲᓂ ᒧᐢᑐᓱᓯᓯᑳᓇ, ᐅᒥᓯ ᒫᑲ ᑭ ᐃᑌᐧᐊᐧᐠ, ᐁᐊᐧᑯᓂᐠ ᐅᑭ ᑭ ᒪᓂᑐᒪᐠ ᐃᐢᕒᐁᐃᓬ, ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᐢᑭᐠ. 5ᐃᐢᐱ ᒫᑲ ᐁᕒᐊᐣ ᐃᐧᔮᐸᐦᑕᕽ, ᑭ ᐅᓯᐦᑕᒪᐁᐧᐤ ᐸᑭᑎᓈᓱᐃᐧᓈᐱᐢᑯᔨᐤ; ᐁᕒᐊᐣ ᒫᑲ ᑭ ᐯ ᑖᑯᑌᐤ ᐅᒥᓯ ᒫᑲ ᐁ ᑭ ᐃᑌᐧᐟ, ᐋᐧᐸᑫ ᐁᑲᐧ ᑫ ᐃᐧᑯᑫᐢᑖᐦᐟ ᑳ ᑎᐯᔨᐦᒋᑫᐟ. 6#1 ᑲᕒᐃᐣᑎᔭᓇ 10:7ᐃᐧᐸᐨ ᑫᑭᓭᐹ ᒫᑲ ᑭ ᐊᐧᓂᐢᑳᐊᐧᐠ ᐁᑯᓯ ᐁ ᑭ ᐸᑭᑎᓈᓱᒋᐠ ᒪᒍᐢᑌᐦᐊᒫᑫᐃᐧᓇ, ᒥᓇ ᐁ ᑭ ᐯᑖᒋᐠ ᐯᔭᑕᑭ ᐸᑭᑎᓈᓱᐃᐧᓇ; ᐊᔨᓯᔨᓂᐊᐧᐠ ᒫᑲ ᑭ ᓇᐦᐊᐱᐊᐧᐠ ᑭᑕ ᒥᒋᓱᒋᐠ ᒥᓇ ᑭᑕ ᒥᓂᐦᑫᐧᒋᐠ, ᐁᑯᓯ ᐁ ᑭ ᐸᓯᑯᒋᐠ ᑭᑕ ᒣᑕᐁᐧᒋᐠ.
7ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᓂᔮ, ᓂᐦᑖᒪᒋᐁᐧ, ᒋᑫᒫ ᑭᐟ ᐊᔨᓯᔨᓂᒪᐠ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᑐᑕᐊᒋᐠ, ᓂᓯᐊᐧᓈᒋᐦᐅᐊᐧᐠ. 8ᑭᔨᐱ ᑭ ᐸᐢᑫᐋᐧᐠ ᐊᓂᒪ ᒣᐢᑲᓇᐤ ᑳ ᑭ ᐃᑕᓱᐋᐧᑕᑭᐠ, ᑭ ᐅᓯᐦᑕᒫᓱᐊᐧᐠ ᒧᐢᑐᓱᓯᓯᑳᓇ ᒥᓇ ᑭ ᐊᔭᒥᐦᐋᐃᐧ ᐊᑐᐢᑲᐁᐧᐊᐧᐠ; ᑭ ᐸᑭᑎᓈᓱᐢᑕᐁᐧᐊᐧᐠ ᐁ ᐃᑌᐧᒋᐠ, ᐁᐊᐧᑯᓂᐠ ᐅᑭ ᑭ ᒪᓂᑐᒪᐠ ᐃᐢᕒᐁᐃᓬ, ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᐢᑭᐠ. 9ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᓂ ᑭ ᐋᐧᐸᒫᐊᐧᐠ ᐅᑭ ᐊᔨᓯᔨᓂᐊᐧᐠ, ᒋᐢᐟ ᒫᑲ ᓇᐢᐱᐨ ᒪᐢᑲᐃᐧᑲᐧᔭᐁᐧᐊᐧᐠ ᐅᑭ ᐊᔨᓯᔨᓂᐊᐧᐠ. 10ᐁᑳᑐᑕᐃᐧᐣ ᒫᑲ ᓂ ᑭᓯᐋᐧᓯᐃᐧᐣ ᑭᑕ ᑭᓯᑌᐤ ᐃᐧᔭᐋᐧᐤ ᐅᐦᒋ ᒥᓇ ᑭᑕ ᓂᓯᐊᐧᓈᒋᐦᐊᑭᐠ; ᐁᑯᓯ ᑭᔭ ᐅᐦᒋ ᓂ ᑲ ᐅᓯᐦᐋᐊᐧᐠ ᐁ ᑭᐢᑕᐢᑳᓀᓯᒋᐠ ᐊᔨᓯᔨᓂᐊᐧᐠ; 11#ᓇᒼᐸᕒᐢ 14:13-19ᒧᓯᐢ ᒫᑲ ᑭ ᒪᐃᐧᒧᐢᑕᐁᐧᐤ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ ᐅᒥᓯ ᐁ ᑭ ᐃᑌᐧᐟ, ᑎᐯᔨᐦᒋᑫᔭᐣ, ᑖᓀᐦᑭ ᑳ ᑭᓯᐢᑕᐊᐧᒋᐠ ᑭᐟ ᐊᔨᓯᔨᓂᒪᐠ ᑳ ᑭ ᐯ ᐅᐦᑐᐦᑕᐊᒋᐠ ᐃᒋᑊᐟ ᐊᐢᑭᕽ ᑭᐦᒋ ᑲᐢᑭᐦᐁᐃᐧᓯᐃᐧᓂᕽ ᒥᓇ ᐁ ᓱᐦᑳᔨᐊᐧᕽ ᑭᒋᐦᒋ. 12ᑫᑲᐧᐩ ᐅᐦᒋ ᑫ ᐱᑭᐢᑫᐧᒋᐠ ᐊᓂᑭ ᐃᒋᑊᐟ ᐊᔨᓯᔨᓂᐊᐧᐠ, ᑭᑕ ᐃᑌᐧᒋᐠ, ᑲᑲᔦᔨᓯᐃᐧᐣ ᐱᑯ ᐅᐦᒋ ᑳ ᑭ ᐯ ᐊᐧᔭᐃᐧᑕᐦᐋᐟ ᑭᑕ ᓂᐸᐦᐋᐟ ᐊᐧᒋᕽ, ᒥᓇ ᑭᑕ ᓂᓯᐊᐧᓈᒋᐦᐋᐟ ᐊᐢᑭᕽ ᐅᐦᒋ? ᑫᐧᐢᑭ ᑭ ᑭᐦᒋ ᑭᓯᐋᐧᓯᐃᐧᓂᕽ ᐅᐦᒋ, ᒥᓇ ᐳᓀᔨᑕ ᐅᒪ ᒪᒑᔨᐃᐧᐣ ᑳ ᐃᐧ ᑐᑕᐊᐧᑭᐠ ᑭᐟ ᐊᔨᓯᔨᓂᒪᐠ. 13#ᒉᓂᓯᐢ 22:16,17; 17:8ᑭᐢᑭᓯᑐᑕᐃᐧᐠ ᐁᑊᕒᐁᐋᒼ, ᒥᓇ ᐋᐃᓴᐠ, ᒥᓇ ᐃᐢᕒᐁᐃᓬ ᑭᐟ ᐊᑐᐢᑫᔮᑲᓇᐠ, ᐊᓂᑭ ᑭᔭ ᑎᐱᔭᐤ ᑳ ᑭ ᑭᐦᒋ ᐃᑕᒋᐠ, ᒥᓇ ᑳ ᑭ ᐃᑕᒋᐠ, ᓂ ᑲ ᒥᐦᒉᑐᐋᐊᐧᐠ ᑭᐟ ᐊᐋᐧᓯᒥᓯᐋᐧᐊᐧᐠ ᑖᐱᐢᑯᐨ ᐊᒐᐦᑯᓴᐠ ᑭᓯᑯᕽ, ᑲᐦᑭᔭᐤ ᒫᑲ ᐅᒪ ᐊᐢᑭ ᑳ ᑭ ᒫᒥᐢᑯᑕᒫᐣ ᓂ ᑲ ᒥᔮᐊᐧᐠ ᑭᐟ ᐊᐋᐧᓯᒥᓴᐠ, ᑳᑭᑫ ᒫᑲ ᑭᑕ ᑎᐯᔨᐦᑕᒪᐧᐠ. 14ᑳ ᑎᐯᔨᐦᒋᑫᐟ ᒫᑲ ᑭ ᑫᐧᐢᑫᔨᑕᒼ ᐊᓂᒪ ᒫᒑᔨᐃᐧᐣ ᑳ ᑭ ᐃᑌᔨᑕᕽ ᑭᑕ ᑐᑕᐋᐧᐟ ᐅᐟ ᐊᔨᓯᔨᓂᒪ.
15ᒧᓯᐢ ᒫᑲ ᑭ ᑫᐧᐢᑭᑳᐸᐃᐧᐤ, ᐁᑯᓯ ᐁ ᑭ ᓂᐦᑖᒪᒋᐁᐧᐟ ᐊᐧᒋᕽ ᐅᐦᒋ, ᒥᓇ ᐊᓂᐦᐃ ᓂᓱ ᓇᐸᑳᐱᐢᑲᐧ ᑭᐢᑫᔨᑕᒧᐦᐃᐁᐧᐃᐧᐣ ᐁ ᑕᐦᑯᓈᐟ ᐅᒋᐦᒋᕽ; ᐊᓂᑭ ᓇᐸᑳᐱᐢᑲᐧᐠ ᐋᔨᑕᐤ ᑭ ᒪᓯᓇᐃᑳᓱᐊᐧᐠ; ᓇᐸᑌ ᒥᓇ ᑫᐧᐢᑭᑌ ᑭ ᒪᓯᓇᐃᑳᓱᐊᐧᐠ. 16ᐊᓂᑭ ᒫᑲ ᓇᐸᑳᐱᐢᑲᐧᐠ ᑭᓭᒪᓂᑐ ᐅᐟ ᐊᑐᐢᑫᐃᐧᐣ, ᒥᓇ ᐊᓂᒪ ᒪᓯᓇᐦᐃᑫᐃᐧᐣ ᑭᓭᒪᓂᑐ ᐅ ᒪᓯᓇᐦᐃᑫᐃᐧᐣ ᐁ ᒪᓯᓈᐱᐢᑲᐦᐃᑳᑌᐠ ᓇᐸᑳᐱᐢᑯᕽ. 17ᐃᐢᐱ ᒫᑲ ᒑᐢᔪᐊ ᐱᔦᐦᑕᕽ ᐁ ᐯᐦᑖᑯᓯᔨᐟ ᐊᔨᓯᔨᓂᐊᐧ ᐁ ᓵᐦᑯᐁᐧᔨᐟ ᐅᒥᓯ ᑭ ᐃᑌᐤ ᒧᓯᓴ, ᒪᑌᐧ ᓄᑎᓂᑐᓈᓂᐊᐧᐣ ᑲᐯᓯᐃᐧᓂᕽ. 18ᐅᒥᓯ ᒫᑲ ᑭ ᐃᑎᐠ, ᓇᒪᐃᐧᔭ ᐁ ᐯᐦᑖᑯᓯᒋᐠ ᐊᓂᑭ ᑳ ᓵᑯᑖᐧᒋᐠ ᐁ ᓵᐦᑯᐁᐧᒋᐠ, ᐊᐦᐳ ᐁ ᒪᐃᐧᒧᑫᒋᐠ ᐊᓂᑭ ᐁ ᓵᑯᐃᐦᒋᐠ; ᒫᑲ ᐁ ᐯᐦᑖᑯᓯᒋᐠ ᐁ ᓂᑲᒧᒋᐠ ᑳ ᐯᐦᑕᒫᐣ.
19ᑭ ᐊᔨᐦᑭᕽ ᒫᑲ ᐃᐢᐱ ᑭᓯᐋᐧᐠ ᑲᐯᓯᐃᐧᓂᕽ ᐁ ᐃᐦᑖᐟ, ᑭ ᐋᐧᐸᒣᐤ ᐊᓂᐦᐃ ᒧᐢᑐᓱᓯᓯᑳᓇ ᒥᓇ ᐁ ᓂᒥᐃᑐᔨᐟ; ᒧᓯᐢ ᒫᑲ ᑭ ᑭᐦᒋ ᑭᓯᐋᐧᓯᐤ ᑭ ᐁᐧᐱᓀᐤ ᒫᑲ ᓇᐸᑳᐱᐢᑲᐧ ᐅᒋᐦᒋᕽ ᐅᐦᒋ, ᐁᑯᓯ ᐁ ᑭ ᐱᑯᓯᒫᐟ ᓂᐦᒋ ᐊᐧᒋᕽ, 20ᑭ ᐅᑎᓀᐤ ᒫᑲ ᐊᓂᐦᐃ ᒧᐢᑐᓱᓯᓯᑲᓇ ᑳ ᑭ ᐅᓯᐦᐋᔨᐟ, ᐁᑯᓯ ᐁ ᑭ ᓴᐢᑲᐋᐧᐟ ᒥᓇ ᐁ ᑭ ᐱᑭᓂᐳᔮᐟ ᒥᓇ ᐁ ᑭ ᐸᑲᐢᑕᐁᐧᐋᐧᐟ ᓂᐱᕽ ᒥᓇ ᐁ ᑭ ᒥᓂᑲᐧᐋᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 21ᒧᓯᐢ ᒫᑲ ᐅᒥᓯ ᑭ ᐃᑌᐤ ᐁᕒᐊᓇ, ᑫᑲᐧᐩ ᑳ ᑐᑖᐢᑭᐠ ᐅᑭ ᐊᔨᓯᔨᓂᐊᐧᐠ, ᓈᐢᐱᐨ ᒥᐢᑕᐦᐃ ᑳ ᑭ ᒪᒋᑐᑕᒧᐊᒋᐠ? 22ᐁᕒᐊᐣ ᒫᑲ ᐅᒥᓯ ᑭ ᐃᑌᐧᐤ, ᑭᔮᒼ ᐁᑳᐃᐧᔭ ᐅ ᑭᓯᐋᐧᓯᐃᐧᐣ ᓂᐟ ᐅᑭᒫᒼ ᑭᑕ ᑭᓯᑌᔨᐤ; ᑭ ᑭᐢᑫᔨᒫᐊᐧᐠ ᐊᔨᓯᔨᓂᐊᐧᐠ ᒪᒋ ᑫᑲᐧᐩ ᐁ ᒥᔦᐧᔨᑕᐦᑭᐠ. 23ᒋᑫᒫ ᓂ ᑭ ᐃᑎᑲᐧᐠ, ᐅᓯᐦᑕᒪᐃᐧᓈᐣ ᒪᓂᑐᐊᐧᐠ ᑫ ᓂᑳᓄᑖᑯᔮᐦᑭᐠ; ᒋᑫᒫ ᐃᐧᔭ ᐊᐊᐧ ᒧᓯᐢ, ᐊᓇ ᓈᐯᐤ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᑐᑕᐃᑯᔮᕽ, ᓇᒪᐃᐧᔭ ᓂ ᑭᐢᑫᔨᑌᓈᐣ ᑖᓂᓯ ᐁᔨᑎᑫᐧ. 24ᐅᒥᓯ ᒫᑲ ᓂ ᑭ ᐃᑖᐊᐧᐠ, ᐊᐃᐧᔭᐠ ᐁᔮᐋᐧᑫᐧ ᐅᓵᐃᐧᓱᓂᔮᐊᐧ, ᑭᔮᒼ ᑭᑕ ᑫᒋᑯᓀᐤ. ᐁᑯᓯ ᒫᑲ ᓂ ᑭ ᒥᔨᑲᐧᐠ; ᐃᐢᑯᑌᕽ ᒫᑲ ᓂ ᑭ ᐃᓯᐁᐧᐱᓈᐤ, ᐁᑯᓯ ᒫᑲ ᑭ ᐅᐦᒋᐤ ᐊᐊᐧ ᒧᐢᑐᓱᓯᓯᑳᐣ.
25ᐃᐢᐱ ᒫᑲ ᒧᓯᐢ ᐃᐧᔮᐸᒫᐟ ᐊᔨᓯᔨᓂᐊᐧ ᐱᑯ ᐃᓯ ᐁ ᐃᓯᐦᒋᑫᔨᐟ; (ᒋᑫᒫ ᐁᕒᐊᐣ ᑭ ᐸᑭᑎᓂᑲᐧᐠ ᐱᑯ ᐃᓯ ᑭᑕ ᐃᑐᑕᐦᑭᐠ ᑭᑕ ᒣᑕᐋᐧᑳᑎᑯᒋᐠ ᑳ ᐸᑳᐧᑎᑯᒋᐠ;) 26ᒧᓯᐢ ᑭ ᓂᐸᐃᐧᐤ ᐊᓂᑕ ᐁ ᐃᐢᑳᐧᑌᒥᐊᐧᕽ ᑲᐯᓯᐃᐧᐣ ᐁᑯᓯ ᑭ ᐃᑌᐧᐤ, ᐊᐁᐧᓇ ᐃᐧᔨᒉᐋᐧᐟ ᑳ ᑎᐯᔨᐦᒋᑫᔨᐟ? ᑭᔮᒼ ᓂ ᑲ ᐯ ᓈᑎᐠ. ᑲᐦᑭᔭᐤ ᒫᑲ ᐅᑯᓯᓴ ᓬᐃᐸᐩ, ᑭ ᒫᒪᐃᐧ ᒫᐊᐧᒋᐦᐃᑐᐊᐧᐠ ᐃᑕ ᐁ ᐊᔮᔨᐟ. 27ᐅᒥᓯ ᒫᑲ ᑭ ᐃᑌᐤ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᑲᐦᑭᔭᐤ ᓈᐯᐤ ᑳ ᐃᐦᑕᓯᔦᐠ ᑭᑕ ᐸᑲᐧᑌᐦᐅᑐᑕᒼ ᐃᓴᐁᐧᐢᐠ, ᐁᑯᓯ ᑳᑫᐧᑯᐢᐠ ᐊᑐᑌᐠ ᒥᓇ ᐊᑭᓀᐢᑲᒧᐠ ᑳ ᑕᐦᑐ ᐃᐢᑳᐧᑌᒥᐊᐧᑭ ᑲᐯᓯᐃᐧᓂᕽ ᐁᑯᓯ ᑭᑕ ᓂᐸᐁᐤ ᑳ ᐃᐦᑕᓯᐟ ᐊᔨᓯᔨᓂᐤ ᐅᒋᐋᐧᒪ, ᒥᓇ ᑳ ᐃᐦᑕᓯᐟ ᐊᔨᓯᔨᓂᐤ ᐅ ᐃᐧᒉᐋᐧᑲᓇ, ᒥᓇ ᑳ ᐃᐦᑕᓯᐟ ᐊᔨᓯᔨᓂᐤ ᐃᐧᒋᐊᔨᓯᔨᓂᐊᐧ, 28ᐊᓂᑭ ᒫᑲ ᓬᐃᐸᐩ ᐅᑯᓯᓴ ᑭ ᑐᑕᒪᐧᐠ ᐊᓂᒪ ᑳ ᑭ ᐃᑌᐧᔨᐟ ᒧᓯᓴ; ᐁᑯᓯ ᒫᑲ ᑭ ᓂᐱᐊᐧᐠ ᐊᔨᓯᔨᓂᐊᐧᐠ ᐁᑯᐢᐱ ᐁ ᑭᓯᑳᐠ ᓈᐣᑕᐤ ᓂᐢᑖᐧᐤ ᑭᐦᒋᒥᑖᐦᑐᒥᑕᓇᐤ. 29ᒋᑫᒫ ᒧᓯᐢ ᑭ ᐃᑌᐧᐤ, ᐸᑭᑎᓂᓱᐢᑖᕽ ᑳ ᑎᐯᔨᐦᒋᑫᐟ ᐊᓄᐦᐨ ᑳ ᑭᓯᑳᐠ, ᑳ ᐃᐦᑕᓯᐟ ᐊᔨᓯᔨᓂᐤ ᐅᑎ ᐅᑯᓯᓴ, ᒥᓇ ᐅᒋᐋᐧᒪ; ᑭᑕ ᐸᑭᑎᓇᒫᑯᔦᐠ ᓴᐁᐧᔨᑖᑯᓯᐃᐧᐣ ᐊᓄᐦᐨ ᑳ ᑭᓯᑳᐠ.
30ᑭ ᐊᔨᑭᐣ ᒫᑲ ᐃᐧᔮᐸᕽ, ᒧᓯᐢ ᑭ ᐃᑌᐤ ᐊᔨᓯᔨᓂᐊᐧ, ᑭ ᑭ ᒪᒋᑐᑌᓈᐋᐧᐤ ᑭᐦᒋ ᒪᒋᐃᐦᑎᐃᐧᐣ; ᐁᑲᐧ ᒫᑲ ᓂ ᑲ ᓈᑖᐤ ᑳ ᑎᐯᔨᐦᒋᑫᐟ; ᒫᐢᑯᐨ ᑭ ᑲ ᑭ ᐊᔭᒥᐦᐁᐢᑕᒫᑎᓈᐋᐧᐤ ᑭ ᒪᒋᐃᐦᑎᐃᐧᓂᐋᐧᐤ ᐅᐦᒋ. 31ᒧᓯᐢ ᒫᑲ ᑳᐃᐧ ᑭ ᓈᑌᐤ ᑳ ᑎᐯᔨᐦᒋᑫᔨᐟ, ᐅᒥᓯ ᐁ ᑭ ᐃᑌᐧᐟ, ᑭᓯᓈᑕᑲᒥᐠ ᐊᓂ, ᐅᑭ ᐊᔨᓯᔨᓂᐊᐧᐠ ᑭ ᒪᒋᑐᑕᒪᐧᐠ ᑭᐦᒋ ᒪᒋᑐᑕᒧᐃᐧᐣ, ᑭ ᐅᓯᐦᑕᒫᓱᐊᐧᐠ ᒪᓂᑐᑳᓇ ᐅᓵᐃᐧᓱᓂᔮᐊᐧ ᐅᐦᒋ. 32#ᓂᑲᒧᓇ 69:28; ᑭᐢᑫᔨᐦᑖᑯᐦᑫᐃᐧᐣ 3:5ᐁᔨᐁᐧᕽ ᒫᑲ ᐁᑲᐧ, ᑭᐢᐱᐣ ᑫ ᐳᓀᔨᑕᒪᐋᐧᐊᐧᑌᓂᐠ, ᐅ ᒪᒋᑐᑕᒧᐃᐧᓂᐋᐧᐤ; ᑭᐢᐱᐣ ᒫᑲ ᓇᒪᐃᐧᔭ, ᑳᓯᐯᐦᐅᐣ ᑭ ᐸᑯᓭᔨᒥᑎᐣ, ᑭ ᒪᓯᓇᐦᐃᑲᓂᕽ ᐅᐦᒋ ᑳ ᑭ ᒪᓯᓇᐦᐊᒪᐣ. 33ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐊᐃᐧᔭᐠ ᐁ ᑭ ᒪᒋᑐᑕᐃᐧᐟ, ᐁᐊᐧᑯ ᑫ ᑳᓯᐯᐊᐧᐠ ᓂ ᒪᓯᓇᐦᐃᑲᓂᕽ ᐅᐦᒋ. 34ᐁᑲᐧ ᒫᑲ ᓂᔮ, ᓇᑕᐃᐧ ᑭᐢᑭᓄᑖᐃᐠ ᐊᔨᓯᔨᓂᐊᐧᐠ ᐃᑕ ᑳ ᑭ ᐃᐧᐦᑕᒫᑖᐣ; ᒫᑎᑲ, ᓄᑭᓯᑯᒼ ᑭ ᑲ ᓂᑳᓄᑖᐠ; ᐁᔨᐁᐧᕽ ᒫᑲ ᐊᓂᒪ ᑭᓯᑳᐤ ᐅᑎᐦᑕᑳᐧᐃᐧ ᓂ ᑲ ᑭᑭ ᐅᑎᐦᑖᐊᐧᐠ ᐅ ᒪᒋᐃᑎᐃᐧᓂᐋᐧᐤ. 35ᑳ ᑎᐯᔨᐦᒋᑫᐟ ᒫᑲ ᑭ ᐃᑖᐢᐱᓀᐁᐧᐤ ᐊᔨᓯᔨᓂᐊᐧ, ᒋᑫᒫ ᐁ ᑭ ᐅᓯᐦᐋᒋᐠ ᐊᓂᐦᐃ ᒧᐢᑐᓱᓯᓯᑳᓇ ᐁᕒᐊᓇ ᑳ ᑭ ᐅᓯᐦᐋᔨᐟ.
Currently Selected:
ᐁᐠᓴᑕᐢ 32: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
