Popular Bible Verses from ᐁᐠᓴᑕᐢ 32

Share

ᐃᐢᐱ ᒫᑲ ᐊᔨᓯᔨᓂᐊᐧᐠ ᐃᐧᔮᐸᐦᑕᑭᐠ ᒧᓯᓴ ᐁᑳ ᒪᔭᐤ ᐁ ᐯ ᓈᑎᑯᒋᐠ ᐊᐧᒋᕽ ᐅᐦᒋ, ᐊᔨᓯᔨᓂᐊᐧᐠ ᑭ ᒫᒪᐃᐧ ᒫᐊᐧᒋᐦᐃᑐᐊᐧᐠ ᐊᓂᑕ ᐁ ᐊᔮᔨᐟ ᐁᕒᐊᓇ, ᐅᒥᓯ ᒫᑲ ᐁ ᑭ ᐃᑖᒋᐠ, ᐸᓯᑯ, ᐅᓯᐦᑕᒪᐃᐧᓈᐣ ᒪᓂᑐᐊᐧᐠ ᑫ ᓂᑳᓄᑖᑯᔮᐦᑭᐠ; ᒋᑫᒫ ᐃᐧᔭ ᐊᐊᐧ ᒧᓯᐢ, ᐊᓇ ᓈᐯᐤ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᑯᔮᕽ, ᓇᒪᐃᐧᔭ ᓂ ᑭᐢᑫᔨᑌᓈᐣ ᑖᓂᓯ ᐁᔨᑎᑫᐧ.

ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᓂᔮ, ᓂᐦᑖᒪᒋᐁᐧ, ᒋᑫᒫ ᑭᐟ ᐊᔨᓯᔨᓂᒪᐠ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᑐᑕᐊᒋᐠ, ᓂᓯᐊᐧᓈᒋᐦᐅᐊᐧᐠ. ᑭᔨᐱ ᑭ ᐸᐢᑫᐋᐧᐠ ᐊᓂᒪ ᒣᐢᑲᓇᐤ ᑳ ᑭ ᐃᑕᓱᐋᐧᑕᑭᐠ, ᑭ ᐅᓯᐦᑕᒫᓱᐊᐧᐠ ᒧᐢᑐᓱᓯᓯᑳᓇ ᒥᓇ ᑭ ᐊᔭᒥᐦᐋᐃᐧ ᐊᑐᐢᑲᐁᐧᐊᐧᐠ; ᑭ ᐸᑭᑎᓈᓱᐢᑕᐁᐧᐊᐧᐠ ᐁ ᐃᑌᐧᒋᐠ, ᐁᐊᐧᑯᓂᐠ ᐅᑭ ᑭ ᒪᓂᑐᒪᐠ ᐃᐢᕒᐁᐃᓬ, ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᐢᑭᐠ.

ᐃᐢᐱ ᒫᑲ ᐁᕒᐊᐣ ᐃᐧᔮᐸᐦᑕᕽ, ᑭ ᐅᓯᐦᑕᒪᐁᐧᐤ ᐸᑭᑎᓈᓱᐃᐧᓈᐱᐢᑯᔨᐤ; ᐁᕒᐊᐣ ᒫᑲ ᑭ ᐯ ᑖᑯᑌᐤ ᐅᒥᓯ ᒫᑲ ᐁ ᑭ ᐃᑌᐧᐟ, ᐋᐧᐸᑫ ᐁᑲᐧ ᑫ ᐃᐧᑯᑫᐢᑖᐦᐟ ᑳ ᑎᐯᔨᐦᒋᑫᐟ. ᐃᐧᐸᐨ ᑫᑭᓭᐹ ᒫᑲ ᑭ ᐊᐧᓂᐢᑳᐊᐧᐠ ᐁᑯᓯ ᐁ ᑭ ᐸᑭᑎᓈᓱᒋᐠ ᒪᒍᐢᑌᐦᐊᒫᑫᐃᐧᓇ, ᒥᓇ ᐁ ᑭ ᐯᑖᒋᐠ ᐯᔭᑕᑭ ᐸᑭᑎᓈᓱᐃᐧᓇ; ᐊᔨᓯᔨᓂᐊᐧᐠ ᒫᑲ ᑭ ᓇᐦᐊᐱᐊᐧᐠ ᑭᑕ ᒥᒋᓱᒋᐠ ᒥᓇ ᑭᑕ ᒥᓂᐦᑫᐧᒋᐠ, ᐁᑯᓯ ᐁ ᑭ ᐸᓯᑯᒋᐠ ᑭᑕ ᒣᑕᐁᐧᒋᐠ.

ᑭ ᐊᔨᑭᐣ ᒫᑲ ᐃᐧᔮᐸᕽ, ᒧᓯᐢ ᑭ ᐃᑌᐤ ᐊᔨᓯᔨᓂᐊᐧ, ᑭ ᑭ ᒪᒋᑐᑌᓈᐋᐧᐤ ᑭᐦᒋ ᒪᒋᐃᐦᑎᐃᐧᐣ; ᐁᑲᐧ ᒫᑲ ᓂ ᑲ ᓈᑖᐤ ᑳ ᑎᐯᔨᐦᒋᑫᐟ; ᒫᐢᑯᐨ ᑭ ᑲ ᑭ ᐊᔭᒥᐦᐁᐢᑕᒫᑎᓈᐋᐧᐤ ᑭ ᒪᒋᐃᐦᑎᐃᐧᓂᐋᐧᐤ ᐅᐦᒋ.