ᐁᐠᓴᑕᐢ 31
31
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁ ᐃᑖᐟ. 2ᒫᑎᑳ, ᐯᓴᓬᐃᓬ ᓂ ᑭ ᓇᑐᒫᐤ ᐁ ᐃᐧᔭᐠ, ᐅᑯᓯᓴ ᔪᕒᐊᐩ ᐅᑯᓯᓴ ᐦᐊᕒ, ᒍᑕ ᐅ ᐱᐢᑭᑐᑌᐃᐧᓯᐃᐧᓂᕽ ᐅᐦᒋ. 3ᓂ ᑭ ᓵᑲᐢᑭᓇᐋᐤ ᒫᑲ ᑭᓭᒪᓂᑐᐊᐧ ᐅᐟ ᐊᐦᒑᐦᑲᐧ ᐅᐦᒋ, ᐃᔨᓂᓯᐃᐧᐣ, ᓂᓯᑐᐦᑕᒧᐃᐧᐣ, ᑭᐢᑫᔨᑕᒧᐃᐧᐣ ᒥᓇ ᓇᓈᑐᕽ ᐊᑐᐢᑫᐃᐧᓇ. 4ᑭᑕ ᒥᐢᑲᐋᐧᑖᐟ ᑲᑫᑖᐃᐧ ᐅᓯᐦᒋᑫᐃᐧᓇ ᐁ ᐅᓯᐦᒋᑳᑫᐟ ᐅᓵᐃᐧ ᓱᓂᔮᐊᐧ, ᒥᓇ ᐋᐧᐱᐢᑭ ᓱᓂᔮᐊᐧ, ᒥᓇ ᐅᓵᐋᐧᐱᐢᐠ. 5ᒥᓇ ᐁ ᓇᐃᑲᐋᐧᐠ ᐊᓯᓂᔭ, ᑭᑕ ᐅᔭᔮᐟ ᒥᓇ ᑭᑕ ᓂᑖᐃᐧᑯᑕᕽ ᒥᐢᑎᑲᐧ, ᒥᓇ ᑭᑕ ᐊᑐᐢᑳᑕᕽ ᓇᓈᑐᕽ ᑐᐃᐧ ᐊᑐᐢᑫᐃᐧᓇ. 6ᐁᑯᓯ ᒥᓇ, ᒫᑎᑲ, ᓂ ᑭ ᐊᓯᒋ ᐅᔭᑭᒫᐤ ᐊᐦᐋᓬᐃᔮᑊ, ᐅᑯᓯᓴ ᐊᐦᐃᓭᒫᐠ, ᑖᐣ ᐅ ᐱᐢᑭᑐᑌᐃᐧᓯᐃᐧᓂᕽ ᐅᐦᒋ; ᒥᓇ ᐅᑌᐦᐃᐋᐧᕽ ᑲᐦᑭᔭᐤ ᐊᓂᑭ ᑳ ᐃᔨᓂᓯᐃᐧᑌᐦᐁᒋᐠ ᓂ ᑲ ᐋᐢᑖᐣ ᐃᔨᓂᓯᐃᐧᐣ, ᑭᑕ ᐅᓯᐦᑖᒋᐠ ᑲᐦᑭᔭᐤ ᐊᓂᒪ ᑳ ᑭ ᐃᑕᓱᐋᐧᑎᑖᐣ. 7ᒫᐊᐧᒋᐦᐃᑐᐃᐧ ᒥᑭᐋᐧᑊ, ᑭᐢᑫᔨᑕᒧᐦᐃᐁᐧᐃᐧᓂᐊᐧᐟ, ᒥᓇ ᑭᓭᐋᐧᑎᓯᐃᐧᓂᐊᐱᐃᐧᐣ ᐁᑯᑕ ᑳ ᑌᐦᑕᐢᑌᐠ, ᒥᓇ ᑲᐦᑭᔭᐤ ᑳ ᐋᐸᑕᕽ ᒥᑭᐋᐧᐱᕽ. 8ᒥᓇ ᒥᒋᓱᐃᐧᓈᑎᐠ ᒥᓇ ᐁᑯᑕ ᑫ ᐋᐸᑕᑭ, ᒥᓇ ᑲᓈᒋ ᐋᐧᓴᐢᑯᑌᓇᒫᑲᓈᑎᐠ ᐊᓯᒋ ᑲᐦᑭᔭᐤ ᐁᑯᑕ ᑫ ᐋᐸᑕᑭ, ᒥᓇ ᐃᐧᑭᒪᓯᑲᓂ ᐸᑭᑎᓈᓱᐃᐧᓈᐱᐢᐠ. 9ᒥᓇ ᐸᑭᑎᓈᓱᐃᐧᓈᐱᐢᐠ ᐃᑕ ᒪᒍᐢᑌᐦᐊᒫᑫᐃᐧᓇ ᑳ ᐸᑭᑎᓂᑳᑌᑭ, ᐊᓯᒋ ᑲᐦᑭᔭᐤ ᐁᑯᑕ ᑳ ᐋᐸᑕᑭ ᒥᓇ ᑳᓯᑫᐧᐃᐧᔮᑲᐣ ᐊᓯᒋ ᐁ ᐅᓯᑎᐊᐧᕽ. 10ᒥᓇ ᑳ ᒥᔪᒋᑳᑌᑭ ᑭᑭᐢᑳᒋᑲᓇ ᒥᓇ ᑲᓈᒋ ᑭᑭᐢᑳᒋᑲᓇ ᐁᕒᐊᐣ ᐊᔭᒥᐦᐁᐃᐧᔨᓂᐤ ᑭᑕ ᑭᑭᐢᑲᕽ ᒥᓇ ᐅᑯᓯᓴ ᐅ ᑭᑭᐢᑳᒋᑲᓂᔨᐊᐧ, ᑭᑕ ᐊᑐᐢᑫᒋᐠ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᓂᕽ. 11ᒥᓇ ᑐᒥᓂᑲᐣ, ᒥᓇ ᐃᐧᑭᒫᓯᑲᐣ ᐁ ᐃᐧᑭᒫᑲᐧᑭ ᒪᐢᑭᑭᔭ ᑫ ᐋᐸᑕᕽ ᐊᓂᑕ ᑳ ᑲᓈᑕᕽ; ᑲᐦᑭᔭᐤ ᐊᓂᒪ ᑳ ᑭ ᐃᑕᓱᐋᐧᑎᑖᐣ ᑭᑕ ᑐᑕᒪᐧᐠ.
12ᑳ ᑎᐯᔨᐦᒋᑫᐟ ᒫᑲ ᑮ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑌᐧᐟ, 13ᐊᔭᒥᐃᐠ ᑭᐢᑕ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐅᒥᓯ ᑭᑕ ᐃᑕᒋᐠ, ᑖᐯᐧ ᓂᐟ ᐊᔭᒥᐦᐁᑭᓯᑳᒼ ᑭ ᑲ ᓈᑲᑕᐁᐧᔨᑌᓈᐋᐧᐤ; ᒋᑫᒫ ᐁᐊᐧᑯ ᐁ ᑭᐢᑭᓇᐋᐧᒋᑌᐠ ᐁ ᐃᑕᐱᐢᑖᑐᔭᕽ ᓂᔭ ᒥᓇ ᑭᔭᐋᐤ, ᐃᔨᑯᕽ ᑫ ᐊᑎ ᐋᔭᓂᐢᑫ ᐱᒫᑎᓯᔦᐠ; ᑭᑕ ᑭᐢᑫᔨᑕᒣᐠ ᓂᔭ ᐁ ᑎᐯᔨᐦᒋᑫᔮᐣ ᑳ ᑲᓈᒋᐃᑕᑯᐠ. 14ᐁᐊᐧᑯ ᒫᑲ ᐅᐦᒋ ᑫ ᓈᑲᑕᐁᐧᔨᑕᒣᐠ ᐊᔭᒥᐦᐁᑭᓯᑳᐤ; ᒋᑫᒫ ᑲᓈᑕᐣ ᑭᔭᐋᐧᐤ ᐅᐦᒋ; ᑕᐦᑐ ᐊᐃᐧᔭᐠ ᑳ ᐊᐧᓈᑖᐟ ᑫᐦᒋᓇ ᑭᑕ ᓂᐸᐦᐋᐤ; ᒋᑫᒫ ᑭᐢᐱᐣ ᐊᐃᐧᔭᐠ ᐊᑐᐢᑫᒋ ᐁᑯᑕ, ᐁᐊᐧᑯ ᐊᐦᒑᕽ ᑭᑕ ᒪᓂᐁᐧᐸᐋᐧᐤ ᐅᐟ ᐊᔨᓯᔨᓂᒪ ᐅᐦᒋ. 15#ᐁᐠᓴᑕᐢ 20:8-11; 23:12; 34:21; 35:2; ᓬᐃᐱᑎᑲᐢ 23:3; ᑎᔪᑕᕒᐊᓇᒥ 5:12-14ᓂᑯᑖᓱᑭᓯᑳᐤ ᐊᑐᐢᑫᐃᐧᐣ ᑭᑕ ᑐᒋᑳᑌᐤ; ᒫᑲ ᐃᐧᔭ ᑌᐸᑯᑊ ᑕᐦᑐ ᑭᓯᑳᐤ ᐁᐊᐧᑯ ᐊᓂᒪ ᐊᔦᐧᐱᐃᐧ ᑭᓯᑳᐤ ᑭᑕ ᑲᓈᒋ ᐊᔦᐧᐱᕽ, ᐁ ᑲᓈᑕᕽ ᑭᑕ ᐊᑐᐢᑫᐢᑖᐦᐟ ᑳ ᑎᐯᔨᐦᒋᑫᐟ; ᐊᐃᐧᔭᐠ ᑫ ᑐᑕᒧᑫᐧ ᐊᑐᐢᑫᐃᐧᐣ ᐁ ᐊᔦᐧᐱᐃᐧ ᑭᓯᑳᐠ ᑫᐦᒋᓈ ᑭᑕ ᓂᐸᐦᐋᐤ. 16ᐁᐊᐧᑯ ᒫᑲ ᐅᐦᒋ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᓈᑲᑕᐁᐧᔨᑕᒪᐧᐠ ᐊᔦᐧᐱᐃᐧ ᑭᓯᑳᐤ ᑭᑕ ᑎᐱᑐᑕᑭᐠ ᐊᔦᐧᐱᐃᐧ ᑭᓯᑳᐤ ᐃᔨᑯᕽ ᑫ ᐋᔮᓂᐢᑫ ᐱᒫᑎᓯᒋᐠ, ᑳᑭᑫ ᑭᑕ ᐅᐟ ᐊᓱᑕᒫᑯᐃᐧᓂᒋᐠ. 17#ᐁᐠᓴᑕᐢ 20:11ᐁᐊᐧᑯ ᐁ ᑭᐢᑭᓇᐋᐧᒋᑌᐠ ᐁ ᐃᑕᐱᐢᑖᑐᔭᕽ ᓂᔭ ᒥᓇ ᑭᔭᐋᐧᐤ, ᒥᓇ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳᑭᑫ; ᒋᑫᒫ ᓂᑯᑖᐧᓱᑭᓯᑳᐤ ᑳ ᑎᐯᔨᐦᒋᑫᐟ ᑭ ᐅᓯᐦᑖᐤ ᑭᓯᐠ ᒥᓇ ᐊᐢᑭ, ᑌᐸᑯᑊ ᒫᑲ ᐁ ᑕᐦᑐ ᑭᓯᑳᔨᐠ ᑭ ᐊᔦᐧᐱᐤ ᐁᑯᓯ ᐁ ᑭ ᐋᐢᑌᓯᕽ.
18ᑭ ᒥᔦᐤ ᒫᑲ ᒧᓯᓴ, ᐃᐢᐱ ᐁ ᐳᓂ ᐃᐧᒋᐱᑭᐢᑫᐧᒫᐟ ᐊᓂᑕ ᓴᐃᓇᐩ ᐊᐧᒋᕽ, ᓂᓱ ᐁ ᓇᐸᑭᓯᔨᐟ ᑭᐢᑫᔨᑕᒧᐦᐃᐁᐧᐃᐧᓈᐱᐢᑲᐧ, ᓇᐸᑳᐱᐢᑲᐧ, ᑭᒪᓭᓇᒼ ᐅᒋᐦᒋ ᐁ ᐅᐦᒋ ᒪᓯᓇᐃᑳᓱᒋᐠ.
Currently Selected:
ᐁᐠᓴᑕᐢ 31: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
