ᐁᐠᓴᑕᐢ 33
33
1 #
ᒉᓂᓯᐢ 12:7;
ᒉᓂᓯᐢ 26:3;
ᒉᓂᓯᐢ 28:13
ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᓂᔮᐠ, ᓯᐯᐧᑌᐠ ᐅᑕ ᐅᐦᒋ, ᑭᔭ ᒥᓇ ᐊᔨᓯᔨᓂᐊᐧᐠ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐯᓯᐊᐧᒋᐠ, ᐃᑐᐦᑕᐦᐃᐠ ᐊᐢᑭᕽ ᑳ ᑭ ᑭᐦᒋᐃᑕᑭᐠ ᐁᑊᕒᐁᐋᒼ, ᐋᐃᓴᐠ. ᒥᓇ ᒉᑲᑊ, ᐁ ᐃᑌᐧᔮᐣ, ᑭ ᓂᐦᑖᐃᐧᑭᐦᐋᑲᓇᐠ ᓂ ᑲ ᒥᔮᐊᐧᐠ. 2ᐁᑯᓯ ᓂ ᑲ ᐃᓯᑎᓴᐋᐧᐤ ᐅᑭᓯᑯ ᑭᑕ ᓂᑳᓄᑖᐢᐠ; ᓂ ᑲ ᐊᐧᔭᐃᐧᑎᓴᐋᐧᐤ ᒫᑲ ᐊᓇ ᑫᓇᓇᐃᐟ, ᐊᓇ ᐋᒪᕒᐊᐃᐟ, ᒥᓇ ᐊᓇ ᐦᐃᑕᐃᐟ, ᒥᓇ ᐊᓇ ᐯᕒᐃᓴᐃᐟ, ᒥᓇ ᐊᓇ ᐦᐊᐃᐸᐃᐟ ᒥᓇ ᐊᓇ ᒉᑊᔪᓴᐃᑕ. 3ᐊᐢᑭ ᑳ ᐱᒥᒋᐊᐧᕽ ᑐᑐᓵᐳ ᒥᓇ ᐋᒧᓯᓯᐹᐢᑲᐧᐟ; ᒋᑫᒫ ᓇᒪᐃᐧᔭ ᓂᔭ ᑭ ᑲ ᐃᐧᒉᐃᐧᑎᓈᐋᐧᐤ ᒣᑳᐧ ᐊᔨᕽ; ᐊᔨᐢ ᑭ ᓯᑐᐃᐧᑲᐧᔭᐁᐧᐃᐧ ᐊᔨᓯᔨᓂᐃᐧᓈᐋᐧᐤ; ᐁᑳ ᑭᑕ ᒣᐦᒋᐃᑕᑯᐠ ᒣᑳᐧᐨ ᐁ ᐃᑐᐦᑌᔦᐠ.
4ᐃᐢᐱ ᒫᑲ ᐊᔨᓯᔨᓂᐊᐧᐠ ᐱᔦᐦᑕᐦᑭᐠ ᐅᐦᐃ ᐋᔨᒥᑖᑯᓯᐃᐧᓇ, ᑭ ᒫᑐᐊᐧᐠ, ᐁᑯᓯ ᓇᒪᐃᐧᔭ ᐊᐃᐧᔭᐠ ᐳᓯᐢᑲᒼ ᐅ ᐊᐧᐁᐧᓯᐅᐃᐧᓇ. 5ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐅᒥᓯ ᑭ ᑲ ᐃᑖᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭ ᓯᑐᐃᐧᑲᐧᔭᐁᐧᐃᐧ ᐊᔨᓯᔨᓂᐃᐧᓈᐋᐧᐤ; ᑭᐢᐱᐣ ᐃᐧᒉᐃᐧᑕᑳᐧᐃᐧ ᐊᐦᐳ ᐊᒋᔭᐤ, ᑭ ᑲ ᒣᐦᒋ ᓂᓯᐊᐧᓈᒋᐃᑎᓈᐋᐧᐤ; ᐁᑯᓯ ᒫᑲ ᐸᑭᑎᓇᒧᐠ ᑲᐦᑭᔭᐤ ᑭ ᐊᐧᐁᐧᓯᐅᐃᐧᓂᐋᐧᐊᐧ, ᑭᑕ ᑭᐢᑫᔨᑕᒫᐣ ᑖᓂᓯ ᑭᑕ ᐃᑐᑖᑕᑯᐠ. 6ᐃᐢᕒᐁᐃᓬ ᒫᑲ ᐅᐟ ᐊᐋᐧᓯᒥᓴ ᑭ ᑫᒋᑯᐢᑲᒪᐧᐠ ᐅ ᐊᐧᐁᐧᓯᐅᐃᐧᓂᐋᐧᐊᐧ ᐊᓂᑕ ᐦᐋᕒᐃᑊ ᐊᐧᒋᕽ ᐁᑯᐢᐱ ᐅᐦᒋ.
7ᒧᓯᐢ ᒫᑲ ᑭ ᒫᓇ ᐅᑎᓇᒼ ᐊᓂᒪ ᒥᑭᐋᐧᑊ ᒥᓇ ᑭ ᐅᔭᐢᑭᑖᐤ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ, ᐋᐧᔭᐃᐧᐢ ᑲᐯᓯᐃᐧᓂᕽ ᐅᐦᒋ; ᑭ ᐃᓯᔨᐦᑳᑕᒼ ᒫᑲ, ᒫᐊᐧᒋᐦᐃᑐᐃᐧ ᒥᑭᐋᐧᑊ. ᑭ ᐃᐢᐸᔨᐤ ᒫᑲ ᑲᐦᑭᔭᐤ ᐊᐃᐧᔭᐠ ᑳ ᓇᑐᓇᐋᐧᐟ ᑳ ᑎᐯᔨᐦᒋᑫᔨᐟ ᑭ ᐃᑐᐦᑌᐤ ᐁᑯᑌ ᒫᐊᐧᒋᐃᑐᐃᐧ ᒥᑭᐋᐧᐱᕽ, ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ ᐁ ᐊᔮᐠ. 8ᑭ ᐊᔨᑭᐣ ᒫᑲ ᐃᐢᐱ ᒧᓯᐢ ᐁᐧᔭᐃᐧᒋ ᑭᑕ ᐃᑐᑌᐟ ᒥᑭᐋᐧᐱᕽ, ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᐸᓯᑯᐊᐧᐠ, ᒥᓇ ᑭ ᓂᐸᐃᐧᐊᐧᐠ, ᑲᐦᑭᔭᐤ ᐊᔨᓯᔨᓂᐤ ᐁ ᐃᐢᑳᐧᑌᒥᐊᐧᓂᔨᐠ ᐃᐧᑭ, ᐁᑯᓯ ᐁ ᓄᓴᐋᐧᐸᒫᒋᐠ ᒧᓯᓴ ᐱᔨᐢ ᐁ ᐱᐦᑐᑫᔨᐟ ᒥᑭᐋᐧᐱᕽ. 9ᑭ ᐊᔨᑭᐣ ᒫᑲ ᐃᐢᐱ ᒧᓯᐢ ᐱᔨᑐᑫᒋ ᒥᑭᐋᐧᐱᕽ, ᑳ ᓴᒪᑕᐢᑯᐊᐧᕽ ᑭ ᐯ ᔮᓯᐸᔨᐤ, ᐁᑯᓯ ᑭ ᑭᐱᒋᒪᑲᐣ ᐃᑕ ᐁ ᐃᐢᑳᐧᑌᒥᐊᐧᕽ ᒥᑭᐋᐧᑊ; ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ. 10ᑲᐦᑭᔭᐤ ᐊᔨᓯᔨᓂᐊᐧᐠ ᒫᑲ ᐋᐧᐸᐦᑕᒪᐧᐠ ᐊᓂᒪ ᐁ ᓴᒪᑕᐢᑯᐊᐧᕽ ᐁ ᑭᐱᒋ ᐊᔮᐠ ᐁᑯᑕ ᐁ ᐃᐢᑳᐧᑌᒥᐊᐧᕽ ᒥᑭᐋᐧᑊ; ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᐸᓯᑯᐊᐧᐠ ᒥᓇ ᑭ ᐊᔭᒥᐋᐊᐧᐠ, ᑲᐦᑭᔭᐤ ᐊᔨᓯᔨᓂᐤ ᐁ ᐃᐢᑳᐧᑌᒥᐊᐧᓂᔨᐠ ᐃᐧᑭ. 11ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐅᐦᑎᐢᑲᐤ, ᑖᐱᐢᑯᐨ ᐊᔨᓯᔨᓂᐤ ᑳ ᐃᓯ ᐃᐧᒋᐱᑭᐢᑫᐧᒫᐟ ᐅᑐᑌᒪ. ᐁᑯᓯ ᑳᐃᐧ ᒥᓇ ᑭ ᐯ ᑭᐁᐧᐤ ᑲᐯᓯᐃᐧᓂᕽ; ᒫᑲ ᐅᐟ ᐊᑐᐢᑫᔮᑲᓇ ᒑᐢᔪᐊ, ᐅᑯᓯᓴ ᓇᐣ, ᐅᐢᑭᓂᑭᐤ, ᓇᒪᐃᐧᔭ ᐊᐧᔭᐃᐧᐤ ᒥᑭᐋᐧᐱᕽ ᐅᐦᒋ.
12ᐁᑯᓯ ᒧᓯᐢ ᑭ ᐃᑌᐤ ᑳ ᑎᐯᔨᐦᒋᑫᔨᐟ, ᒫᑎᑲ, ᐅᒥᓯ ᑭᐟ ᐃᓯᐣ, ᐃᑐᐦᑕᐦᐃᐠ ᐅᑭ ᐊᔨᓯᔨᓂᐊᐧᐠ; ᓇᒪᐋᐧᐨ ᒫᑲ ᑯᐦ ᑭᐢᑫᔨᑕᒧᐦᐃᐣ ᐊᐁᐧᓇ ᑫ ᐃᓯᑎᓴᐦᐊᐧᐟ ᑭᑕ ᐃᐧᒉᐃᐟ. ᐁᔨᐁᐧᕽ ᒫᑲ ᑭ ᑭ ᐃᑖᐧᐣ, ᑭ ᑭᐢᑫᔨᒥᑎᐣ ᑭ ᐃᐧᔪᐃᐧᐣ ᐅᐦᒋ, ᒥᓇ ᑭ ᑭ ᒥᐢᑫᐣ ᑭᑕ ᒥᔪ ᑲᓇᐋᐧᐸᒥᑖᐣ. 13ᐁᑲᐧ ᒫᑲ ᑭ ᐸᑯᓭᔨᒥᑎᐣ, ᑭᐢᐱᐣ ᑳ ᒥᐢᑲᒧᐋᐧᓂ ᑭᑕ ᒥᔪ ᑲᓇᐋᐧᐸᒥᔭᐣ, ᐋᐧᐸᐦᑕᐦᐃᐣ ᐁᑲᐧ ᑭ ᐸᑯᓭᔨᒥᑎᐣ ᑭᐟ ᐃᑌᔨᑖᑯᓯᐃᐧᐣ, ᑭᑕ ᑭᐢᑫᔨᒥᑖᐣ, ᑭᑕ ᑭ ᐅᐦᒋ ᒥᐢᑲᒫᐣ ᑭ ᒥᔪ ᑭᑖᐸᑫᐃᐧᐣ, ᒥᓇ ᒥᑐᓀᔨᑕ ᐅᑭ ᑳ ᐃᑕᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᔭ ᑭᐟ ᐃᔨᓂᒪᐠ. 14ᑭ ᐃᑎᐠ ᒫᑲ, ᑫᐦᒋᐋᐧᐠ ᑭ ᑲ ᐃᐧᒉᑎᐣ ᒥᓇ ᑭ ᑲ ᒥᔨᑎᐣ ᐊᔦᐧᐱᐃᐧᐣ. 15ᑭ ᐃᑌᐤ ᒫᑲ, ᑭᐢᐱᐣ ᐁᑳ ᑫᐦᒋᐋᐧᐠ ᐃᐧᒉᐃᐧᔭᓂ, ᐁᑳᐃᐧᔭ ᐅᑕ ᐅᐦᒋ ᓯᐯᐧᑕᐃᐣ. 16ᒋᑫᒫ ᑖᓂᓯ ᑫ ᑭ ᐃᓯ ᑭᐢᑫᔨᑖᑲᐧᕽ ᐁ ᑭ ᒥᐢᑲᒫᐣ ᑭᑕ ᐃᓯ ᒥᔪ ᑭᑖᐸᒥᔭᐣ, ᓂᔭ ᒥᓇ ᑭᐟ ᐃᔨᓂᒪᐠ? ᓇᒪ ᒋ ᐁᑯᓯ ᑭᑕ ᐃᐧᒉᐃᐧᔮᕽ ᐁᑯᓯ ᑭᑕ ᐱᐢᑭᐦᒋ ᐊᔮᔮᕽ, ᑭᔭ ᒥᓇ ᑭᐟ ᐊᔨᓯᔨᓂᒪᐠ, ᑲᐦᑭᔭᐤ ᐊᔨᓯᔨᓂᐊᐧᐠ ᐅᐦᒋ ᐊᐧᐢᑭᑕᐢᑲᒥᐠ ᑳ ᐊᔮᒋᐠ?
17ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᓂ ᑲ ᐃᐦᑐᑌᐣ ᐅᒪ ᒥᓇ ᑳ ᑭ ᐃᐧᐦᑕᒪᐣ; ᒋᑫᒫ ᑭ ᑭ ᒥᐢᑫᐣ ᑭᑕ ᒥᔪᑲᓇᐋᐧᐸᒥᑖᐣ ᒥᓇ ᑭ ᑭᐢᑫᔨᒥᑎᐣ ᑭ ᐃᐧᔪᐃᐧᐣ ᐅᐦᒋ. 18ᑭ ᐃᑌᐧᐤ ᒫᑲ, ᐋᐧᐸᐦᑕᐦᐃᐣ ᑭ ᐸᑯᓭᔨᒥᑎᐣ ᑭ ᑭᐢᑌᔨᑖᑯᓯᐃᐧᐣ. 19#ᕒᐅᒪᓇ 9:15ᑭ ᐃᑎᐠ ᒫᑲ, ᓂ ᑲ ᐃᓯᒋᑳᐣ ᑲᐦᑭᔭᐤ ᓂ ᒥᔮᐧᑎᓯᐃᐧᐣ ᑭᑕ ᐱᒫᐸᑕᒪᐣ, ᒥᓇ ᓂ ᑲ ᐃᐧᐦᑌᐣ ᐅ ᐃᐧᔪᐃᐧᐣ ᑳ ᑎᐯᔨᐦᒋᑫᐟ ᐁ ᐱᒫᐸᑕᒪᐣ, ᐁᑯᓯ ᓂ ᑲ ᑭᑎᒫᑭᓇᐋᐧᐤ ᐊᓇ ᐁ ᐃᐧ ᑭᑎᒫᑭᓇᐊᐧᐠ, ᒥᓇ ᓂ ᑲ ᑭᓭᐋᐧᑐᑕᐋᐧᐤ ᐊᓇ ᐁ ᐃᐧ ᑭᓭᐋᐧᑐᑕᐊᐧᐠ. 20ᑭ ᐃᑎᐠ ᒫᑲ, ᓇᒪᐃᐧᔭ ᑭ ᑲ ᐋᐧᐸᐦᑌᐣ ᓂᐦᑳᐧᑲᐣ; ᒋᑫᒫ ᓇᒪᐃᐧᔭ ᓂ ᑲ ᑭ ᑲᓇᐋᐧᐸᒥᐠ ᐊᔨᓯᔨᓂᐤ ᐁᑯᓯ ᑭᑕ ᐱᒫᑎᓯᐟ. 21ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᒫᑎᑲ, ᐃᐦᑕᑲᐧᐣ ᐃᑕ ᑳ ᐊᔮᔮᐣ ᒋᑭ, ᐁᑯᓯ ᑭ ᑲ ᓂᐸᐃᐧᐣ ᑭᐢᑖᐱᐢᑳᕽ; 22ᑭᑕ ᐊᔨᑭᐣ ᒫᑲ ᒣᑳᐧᐨ ᐁ ᐱᒥᐸᔨᐠ ᓂ ᒪᓂᑐᐋᐧᐢᑌᐃᐧᐣ, ᑭ ᑲ ᐸᑭᑎᓂᑎᐣ ᑖᐢᑳᐱᐢᑳᕽ, ᒥᓇ ᑭ ᑲ ᐊᑲᐧᓇᐅᑎᐣ ᓂᒋᐦᒋ ᐅᐦᒋ ᒣᑳᐧᐨ ᐁ ᐱᒥ ᒪᔮᐢᑳᑖᐣ. 23ᐁᑲᐧ ᒫᑲ ᑫ ᐅᑎᓇᒫᐣ ᓂᒋᐦᒋ ᐁᑯᓯ ᑭ ᑲ ᐊᐧᐸᑎᐣ ᓂᐢᐱᐢᑲᐧᐣ; ᒫᑲ ᓂᐦᑳᐧᑲᐣ ᓇᒪᐃᐧᔭ ᑭᑕ ᓄᑲᐧᐣ.
Currently Selected:
ᐁᐠᓴᑕᐢ 33: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
