Jabura 91
91
Tangare min be sɔtɔla Ala sɛnbɛma niiniŋɛ kɔtɔ
1Mɔgɛ min be sabatiren sutura butɔ Ala kɛnna, Ala min mayɛlɛta,
wo tigi be a sulenna Ala sɛnbɛma niiniŋɛ le kɔtɔ.
2N ko Alatala ma: «N natangalá nun n yige mu ile le la;
n na Ala, n be n kuŋɛ taakula ile min na.»
3Iyon, ale Ala le be i lakisila jule ma min be yɛlɛren i ye,
anun bandiya min si tanbi mɔgɛ ma teriya la ka faga ma.
4A si i mabutin de, a si i dogon de a gaba kɔtɔ
iko susu deŋɛ tini sori a nɛɛnɛ gabataŋɛnu kɔtɔ.
A la dugutɛgɛya si i latanga le iko sɔɔrenu la nɛgɛ lefa.
5Hali i tɛrɛnnata le fondo la sue tɔ, i te kilan.
Hali ndaka min be filila tele tɔ, i te kilan a la.
6Hali bandiya min be yilɛla dibe tɔ, i te kilan a la.
Hali gbaloe min be kasara mala tele bande tɔ, i te kilan a la.
7Hali mɔgɔ wulu dɔndɔ fagata i kɛnna,
ka wo ma mɔgɔ wulu tan i la miliŋɛ tɔ,
fenfen te ile kan yen.
8I ɲanu laka tun,
i si mɔgɔ koroŋɛnu sɔŋɛ dii ɲa yen de.
9Ka i ka a fɔ: «Alatala, ile le mu n natangalá la»,
ka i ka a hanige i ni i kuŋɛ taaku Ala dula, Ala min mayɛlɛta,
10fenfen koron te i masɔtɔ,
gbaloe yo te a madon i bata la.
11Bayi i be tagala kan do kan,
a si a la malekanu yamɔri le i kanta koe la.
12Anu si i tanbɛ le anu bole tɔ,
alako i kana i kɛn natugu kure la.
13I si tagaman de jata nun fintoe tɔ,
i si jata deŋɛ nun kaa matɛn de.
14Alatala ko: «N na ko to be diyaren a ye,
a mɛn bata n lɔn,
wolo mu n si a lakisi le n ni a latanga.
15A tini n mataran, n si a jaabi le.
Nde yɛtɛ mɛn si to a fɛ tɔɔrɛ butɔ.
N si a lafulen de n mɛn ni a kun nawuli.
16N si simaya yanfama dii a ma min si a wasa.
N si n na malakise yita le a la.»
Currently Selected:
Jabura 91: MOG
Highlight
Share
Compare
Copy
Want to have your highlights saved across all your devices? Sign up or sign in
