Jabura 51
51
Ala mataran beete junubu kafari koe la
1Dauda la beete do le ka, min be donden beeti bɔɔlanu la kuntige bolo. 2Wo ka a taran, Dauda bata jeena ma Baseba fɛ. Wo kɔma, annabi Natan naata na a la junube la ko fɔ a ye.#51:2 Samiyɛli la ko kitabu filaɲɔgɛ fɛlɛ, sora 11 anun 12 (2 Samiyɛli 11-12. Dauda ko beete tɔ:
3Ee Ala, hinnɛ n na iko i to be dariren i la fonisireya mala n ɲɛ.
Yandi, i la kinikinɛ banba sabu la, i ni n na junube kafari.
4I ni n ko n na wali koroŋɛnu ma feu.
I ni n nasaniyan n na junube bɛ ma.
5N be n na ko koroŋɛ talɔnden;
wagate bɛ n be n na junube yenden.
6N be wo junube maren ile len na, i dɔrɔn!
Min koron i ye, n ka wolo ma.
Wo butɔ, i tini n makiiti, tɔɲa si to le i ye,
kɔnɔ bele i la kiiti sa la.
7Bɔɔla n nɛɛnɛ ka n bue jigan, n mu junubutɔɛ le la;
a ka n sɔtɔ wagate min tɔ han bi, wo junube kote le be n kunma.
8Kɔnɔ tɔɲa tini to mɔgɛ sondoŋɛ tɔ, wolo di i ye.
I be hakkili ɲinma yitala n na n juse tɔ.
9Hisopi yanba si mɔgɛ lasaniyan,
awa ile tugun ni n ko, alako n na junube ni bɔɔ n ma.
I ni n saniyan alako n ni beeya fɔɛn iko kuta be.
10Ɲagaliŋɛ nun sɛɛwa dii n ma,
i ka nde min juse makasa, i mɛn ni a ma, n juse ni sa.
11I kɔ sɔ n na junube la,
i ni n na ko koroŋɛ bɛ bɔɔ n ma.
12Ee Ala, n sondoŋɛ ma sondon saniyandeŋɛ la,
i ni hakkili ɲinma dii n ma, min si n ɲamatelen i ma.
13I kana n nafili n ni bɔɔ i kɛnna.
I kana i Hakkili saniyandeŋɛ bɔɔ n bolo.
14Sɛɛwa dii n ma i la malakise la ko la,
anun limaniya, min si n dɛman.
15N si i la kila yita le i sɔsɔlanu la,
alako junubutɔɛnu ni saagi i ma.
16Ee Ala, n nakisilá! N bata ma mɔgɛ faga koe sabu la.#51:16 Dauda to ka jeena ma Baseba fɛ wagate min tɔ, a mɛn naata yamɔre sa anu ni Baseba la kaye Uri sɔ kɛlɛ ɲatɔ, alako a ni faga. Samiyɛli la ko kitabu filaɲɔgɛ fɛlɛ, sora 11 (2 Samiyɛli 11).
Yandi n kunka,
alako n ni i la teleŋɛ yita sɛɛwa butɔ.
17N Marige, i ni n nɛŋɛ lawuli i tantu koe la,
alako n ni i la ko fɔ a ɲinma la.
18I bele diren n na sarika ye betunna.
N na sarika bintannɛŋɛ tugun te i hɛnɛ,
ka wo ma n si wo bɔɔ le nun i ye.
19Min mu sarika yati yati la Ala ye, fan majige le.
Ka min juse bata makasa, i te balan wo tigi la.
20Ile le kusan mɔ dɛmanna.
Wo butɔ, i ni hinnɛ Siyɔn saa la.
Iyon, i ni Darisalamu saa tatta mɛn nawuli.
21Wo wagate, i si ɲagalin de sarika telendeŋɛ la, anun sarika bintannɛŋɛ.
Wo si a taran, tuuranu le be bɔɔla sarika la i la sarika bɔɔ dula tɔ.
Currently Selected:
Jabura 51: MOG
Highlight
Share
Compare
Copy
Want to have your highlights saved across all your devices? Sign up or sign in
