Jabura 52
52
Ala be ɲagankata min nagiriren janfante ye
1Dauda la mɔgɔ lakaran beete do le ka, min be donden beeti bɔɔlanu la kuntige bolo. 2Kuma le ka Doyegi Edɔmi kaa la ko tɔ, min ka a fɔ Sayulu ye aa Dauda be Ahimelɛki bata.#52:2 Samiyɛli la ko kitabu fɔlɛ fɛlɛ, sora 21 haaya 2 han 10; anun sora 22 haaya 6 han 23 (1 Samiyɛli 21:2-10; 22:6-23).
3Ee ile sɛnbɛ tige, i be wasula i la ko koroŋɛnu la fenna?
Ala la fonisireya le be ɲɔ kudai.
4I be fɛrɛnu ɲinila ka i si donu tiɲa i nɛŋɛ la.
I nɛŋɛ be janfa mala le tun,
i da di iko mure.
5Ko koroŋɛ di i ye ka tanbi a ɲinma la;
foniya di i ye kuma telendeŋɛ ko.
Beeti bɔɔlá la suleŋɛ donden.
6Ee, ile janfa kuma fɔlá,
kuma koroŋɛ fɔ koe di i ye!
7Wo butɔ, Ala si i la ko tiɲa le abada!
A ni giripɛ i ma ka i wuruntun i bata,
ka i bɔɔ mɔgɔ balureŋɛnu tɛma duge kunma.
Beeti bɔɔlá la suleŋɛ donden.
8Telenbaganu tini wo yen, anu si kilan Ala la wale la.
Anu ni jele wo ko koron malá ma, ka naa a fɔ:
9«Wo a fɛlɛ, kaye min ma laa Ala la malatanga la,
fɔ a be laaren a yɛtɛ la bannaya banba le la nun.
A ka a yɛtɛ tajigan mɔgɔ sɛnbɛma la a la mɔgɔ tiɲa koe butɔ.»
10Kɔnɔ nde be toren de Ala batu boŋɛ butɔ iko oliwiye lɔgɔ barikɛreŋɛ.
N be yigi saren Ala la fonisireya danbale le ma han kudai.
11Ee Ala, n si i tantu le abada i la ko mareŋɛnu la ko la;
n si a yita le i la lannante mɔgɛnu ɲala
ka a fɔla n hakkile be ile le ma, bayi i kaɲin.
Currently Selected:
Jabura 52: MOG
Highlight
Share
Compare
Copy
Want to have your highlights saved across all your devices? Sign up or sign in
