Jabura 32
32
Junubutɔɛ la junube kafari koe
1Dauda la mɔgɔ lakaran beete do le ka.
Hɛra be mɔgɛ ye, min na junube bata bɔɔ a ma,
min na wali koroŋɛ bata kafari.
2Hɛra be mɔgɛ ye, Alatala te min bita a la wali koroŋɛ la ko la,
anun mamafue bele min hakkile tɔ.
3N to ma n na wali koroŋɛ talɔn, n ma nɔ bɔɔla tɔɔrɛ tɔ.
Tele tɔ bɛ n be kɛnɛ tɔɔrɔla le nun.
4I bata i bole sa n ma nun, ka n ɲagankata sue nun tele.
N bata nagasi iko tele be sɔren kifeŋɛ min ma janfue butɔ.
Beeti bɔɔlá la suleŋɛ donden.
5Awa, n nata n na junube yita i la,
n ma n na wali koroŋɛ dogon bitugun.
N bata a fɔ: «Fɔ n ni n na junube ɲakaran ile Alatala ye.»
Ile Alatala bata n na junube kote bɔɔ n ma.
Beeti bɔɔlá la suleŋɛ donden.
6Wolo mu, lannanteya mɔgɛ bɛ bɛnta anu ni i táran a wagate.
Ka tɔɔrɛ koloyata iko banbaraŋɛ, a te fenfen ma anu la.
7Alatala, ile be maren taaku dula la n ɲɛ.
I mɛn si n natanga suunɛ ma.
N si ɲagalin sɔnkɛ layɛlɛ le i la malakise sabu la i be min bɛ maren n ɲɛ.
Beeti bɔɔlá la suleŋɛ donden.
8A bɛnta wo ni kila min jokki, n si wo lakaran de a la.
N si n hakkile to le wo la ko ma, n mɛn si wo lasi le.
9Wo kana to iko soee, ka wo ma sofale hakkili bɔnɛ,
min te latagaman fɔ mɔgɛ ni karafue ladon a da tɔ.
10Ko dumɛndeŋɛ siyama be mandiren mɔgɔ koroŋɛ ye,
kɔnɔ min be laaren Alatala la,
a la fonisireya si wo tigi lamilin de.
11Mɔgɔ telendeŋɛnu, wo sɛɛwa Alatala la, wo mɛn ni ɲagalin.
Wo Ala tantu ɲagaliŋɛ butɔ wo kulɛ mayɛlɛreŋɛ la,
wole minnu juse be telenden a ye.
Currently Selected:
Jabura 32: MOG
Highlight
Copy
Compare
Share
Want to have your highlights saved across all your devices? Sign up or sign in
