Popular Bible Verses from Jabura 32

Share

A bɛnta wo ni kila min jokki, n si wo lakaran de a la. N si n hakkile to le wo la ko ma, n mɛn si wo lasi le.

Alatala, ile be maren taaku dula la n ɲɛ. I mɛn si n natanga suunɛ ma. N si ɲagalin sɔnkɛ layɛlɛ le i la malakise sabu la i be min bɛ maren n ɲɛ. Beeti bɔɔlá la suleŋɛ donden.

Awa, n nata n na junube yita i la, n ma n na wali koroŋɛ dogon bitugun. N bata a fɔ: «Fɔ n ni n na junube ɲakaran ile Alatala ye.» Ile Alatala bata n na junube kote bɔɔ n ma. Beeti bɔɔlá la suleŋɛ donden.

Hɛra be mɔgɛ ye, min na junube bata bɔɔ a ma, min na wali koroŋɛ bata kafari.

Hɛra be mɔgɛ ye, Alatala te min bita a la wali koroŋɛ la ko la, anun mamafue bele min hakkile tɔ.

Wolo mu, lannanteya mɔgɛ bɛ bɛnta anu ni i táran a wagate. Ka tɔɔrɛ koloyata iko banbaraŋɛ, a te fenfen ma anu la.