Jabura 33
33
Ala la kuma, anun a la malagire
1Ee wole telenbaganu, wo ni beete bɔɔ Alatala ye sɛɛwa la!
A bɛnta mɔgɔ telendeŋɛnu ni a tantu.
2Wo Alatala tantu kɔra la,
wo ni kɔndin julukolo taŋɛ botege a ye.
3Wo ni beeti nama bɔɔ a ye,
wo ni wakkilɛ wo mala basirifeŋɛnu la, anun wo kulɛ mayɛlɛreŋɛ la.
4Bayi, Alatala la kuma mu tɔɲa la.
A be a la wale bɛ lakamalila sɔɔbɛ la.
5A la yamɔrenu makanta koe, anun tagamaŋɛ teleŋɛ butɔ, wolo di a ye.
Dunuya be faren Alatala la ɲinmaya la.
6Saŋɛ data Alatala la kuma fɔreŋɛ le la,
a ka a butɔfeŋɛnu bɛ da a da fɔɲɛ la.
7A be ba je tugun madɛnden a ni to tatta kɔma,
a be ba banba madɛnden a ni a ma a tɔnɛ la a wagate.
8Wo butɔ, a bɛnta le duge bɛ ni kilan Alatala la,
dunuya mɔgɛ bɛ ɲan ni sɛrɛn a la.
9Iyon, ale tini kuma min fɔ, wo ni ma.
Ale tini yamɔre sa, a ni ma kisanna.
10Alatala be sii gbɛtɛnu la natanu tiɲala,
a ni anu mira koenu ma fufafu la.
11Kɔnɔ Alatala la natá le si to a ɲaama,
a jusu butɔ miranu si sabati juruya bɛ ye kudai.
12See min na Ala mu Alatala la, hɛra be wo see ye.
Ɲagaliŋɛ be bɔnsɛ ye, Alatala ka min jigan a tɛŋɛ la.
13Bɔɔla saŋɛ tɔ, Alatala be fɛlɛre mala,
a be a ɲa sɔren adamadeŋɛ bɛ la.
14A be sabatiren ka min na,
a be dunuya mɔgɛnu bɛ lasagala.
15Min be adamadeŋɛ juse daren dɔndɔ dɔndɔ,
a be a hakkile toren wonu bɛ la wale ma.
16Mansa yo te kisi kɛlɛ tɔ a la sɔɔrenu sabu la.
Sɔɔri yo tugun te kisi a yɛtɛ sɛnbɛ la.
17Soee tugun mu fufafu le la malakisi koe la.
A sɛnbɛ te nɔ a laborilá lakisila kɛlɛ tɔ.
18Ade, kɔnɔ minnu be kilanden Alatala la, anu be anu yigi saren a la kanunteya ma,
Alatala be a ɲa sɔren wondelen na.
19Wo butɔ, a be anu nɛɛ lakisila anu to be faga koe tɔ,
a ni anu balu kɔnkɔ wagate.
20Mɔ la lannanteya be tagaren Alatala le ma.
Ale le be mɔ dɛmanna, ale le be mɔ kantala.
21Iyon, mɔ juse ni sɛɛwa ale le la,
mɔ mɛn be dɛnkɛnɛyaren a tɔgɔ saniyandeŋɛ le ma.
22Ee Alatala, i ni i la fonisireya yita mɔ la,
iko mɔ to be mɔ yige saren i ma.
Currently Selected:
Jabura 33: MOG
Highlight
Copy
Compare
Share
Want to have your highlights saved across all your devices? Sign up or sign in
