Jabura 17
17
Ala mataraŋɛ dɛmare la teleŋɛ butɔ
1Dauda la Ala mataraŋɛ.
Ee Alatala, i ni n tarili kulɛ mɔɛ, bayi a be telenden.
I ni i tolomasɔ n na mamataraŋɛ la, min bele bɔɔren janfante da tɔ.
2I yɛtɛ da ni n na kiite sa;
i ɲa sɔ n na teleŋɛ la.
3I ka n juse fɛlɛ, i ka a butɔ koe lɔn sue tɔ, i ka n nakɔrɔsi,
i te fenfen taran ɲɔ.
N te sɔn kuma koroŋɛ ni bɔɔ n da tɔ.
4Mɔgɔ gbɛtɛnu ka fenfen min ma,
nde kan be n hakkile tola i la kuma fɔreŋɛnu le ma.
N te funmantenu la kila jokki.
5N kɛŋɛnu be sɔren i la kila le tɔ;
anu ma lamaga ma feu.
6Ee Ala, n be i kelela, bayi ile le be n jaabila.
I ni i tolomasɔ n na, i ni n na kuma mɔɛ.
7I la hinnɛnteya banbale yita n na,
ile min be mɔgɛnu lakisila anu jaguenu ma i sɛnbɛ la,
mɔgɛ minnu be tangare ɲinila i la.
8I ni mɛnni n ma iko i ɲa kole;
i ni n dogon i gaba kɔtɔ.
9Wolo si a ma, mɔgɔ koroŋɛ minnu be n namilinden,
anu be diren n nɛ bɔɔla, wonu te nɔ sɔtɔ n ma.
10Anu bata anu jusu bɛlɛya;
anu da be wasu kumanu fɔla.
11Anu ka n kɛnbaanu jokki, anu ɲan bata n namilin,
anu be wagate kɔnɔnden, ka n naboe duge tɔ.
12Anu be toren iko jata min be diren fondo mafarala,
a nun jata deŋɛ min be dula dogondeŋɛ tɔ fondo bita koe la.
13Alatala, yandi i ni wuli, i ni anu labɛn, i ni anu laboe.
I ni n nakisi ko koron malanu ma i la faŋɛ la.
14Ee Alatala, n nakisi mɔgɛnu ma i sɛnbɛ la,
minnu be anu tɛŋɛ sɔtɔla kɛ dunuya pɛti.
I ni anu bue lafa ko bɛlɛŋɛ la, wo ni ma anu sɔŋɛ la i be min mandiren anu ye.
Anu la deŋɛnu tugun ni wasa wo sɔŋɛ la,
a tɔɛ ni to anu mamareŋɛnu ye.
15Kɔnɔ nde kan si i ɲakɔtɔ yen de teleŋɛ sabu la.
N tini kunɛn wagate min tɔ, n si wasa le i yen koe la.
Currently Selected:
Jabura 17: MOG
Highlight
Copy
Compare
Share
Want to have your highlights saved across all your devices? Sign up or sign in
