Jabura 16
16
Dɛnkɛnɛya koe Ala ma anun lannanteya la
1Dauda la beeti sɛbɛreŋɛ do le ka.
Ala, i ni n makanta, bayi n be tangare ɲinila ile le la.
2N bata a fɔ Alatala ye n ko:
«N Marige mu ile le la; ko ɲinma yo bele ile kɔma.»
3Anun kɛ duge mɔgɔ saniyandeŋɛnu kan,
n na sɛɛwa be wonu tɔ, anu kaɲin koola.
4Minnu be kuyenu batula, wonu la ɲagankata si kunmasa.
Kɔnɔ nde te sarika base labɔɔ kuyenu ye,
n te anu tɔgɛ ɲan fɔ n da la.
5Alatala, ile le mu n na kɛɛ la,
i be ko ɲinma mɔɔle bɛ mala n ɲɛ.
Ile le mu n sɔtɔfeŋɛ makantalá la.
6Ala ka n mafanna don n bolo a ɲinma la;
kɛɛ belebele be n bolo, n bata ɲagalin.
7N bata Alatala matɔgɔ, a be malase diila n ma;
hali sue tɔ n juse be n kawandila.
8N bata Alatala to n ɲakɔtɔ wagate bɛ;
a to be n bolo ɲinma tɔ, n te nɔ lamagala.
9Wolo mu, n juse be sɛɛwaren, n ni ɲagalin n nɛ tɔ.
Iyon, n bale be suleŋɛ tɔ lannanteya butɔ,
10bayi i te naa ɲina n nɛɛ ma laakira.
I te nɔ a tola i kanunteŋɛ ni toli gabure tɔ.
11Ade, kɔnɔ i si kila yita n na, n si kise sɔtɔ min na;
sɛɛwa banba be i dula,
ko ɲinmanu te ban i bolo ɲinma tɔ abada.
Currently Selected:
Jabura 16: MOG
Highlight
Copy
Compare
Share
Want to have your highlights saved across all your devices? Sign up or sign in
