Aesaya 53
53
1Anee nɛra la chaŋe ŋɔ,
“Umee dɛ́ fe yarada waa yaa dɛ bol nɔɔ?
Umee dɛ́ fe jemɛ kɛŋɔ
Korowiirii ɛaɔ?#Jɔn 12:38; Rom 10:16
2Korowiirii ɡela o bonɔɔ kpeɡ
o sie, dɛ do kɛŋɔ
daa waa le harɛ hole ta.
O ta nyanyini ne wer dɔe
yá pɛla lawɔ,
o wobɛlbwa ta silɛɛ dɔe
yá nyinu.
3Nɛra haoh dɛ vɛoh,
o na wahala ne weweele.
Nɛra nao, dɛ laa sie kpɔ o nɛ.
Ya ta on kpɔe ɛ wobɛlbwa,
dɛ berɛ habɔɔ kpoo.#Mak 9:12
4Kpela, onee laa ya ɡwɛɡra,
ne weweele kpɔ ya nɛ.#Mat 8:17
Kɛ ya te liiro kɛŋɔ
Korowiirii lɔɔro
dɛ doo weweele
dɛ kpɔ tɛr o deŋne.
5Ya wechɔɡa waa ba doo bol,
ya wechɔɡa waa ba lɔɔro.#Mat 27:26; Rom 4:25
Gɛ aa ɛ yá dɔ bosɔɔhna
waa o dɔ deŋnetɛra,
á che a ta ya dɔ bokpeɡa.#1Pi 2:23-25
6Ya bwa do kɛ peera
aa kpaŋa ken,
bɛlbwa ɛɛ kaa bela
waa dɛ nyin,
asɛ Korowii ɡel deŋnetɛra
a fe aa chɛ yaa la
bwa ba o nɛ.#2Kɔ 5:21
7Ba ɛo hɔhɔrɔwa, kɛ o helɔ,
o ta nyoa pile.#Mat 26:63
O tɔ nyoa kɛŋɔ baa lawɛ
pebie dɛɛ kaa kpobɔr la.#Wep 5:6
O ɛo jeiih kɛŋɔ penee
baa dɛ fonɛ o pona ken.
O ta nyoa pile dɛ bol
wobɛlbwa sese.
8Ba lawɔ dɛ vɛh o
waa dii dɛ tɛo
aŋwɛnɛ ta, dɛ kpoo.
Waa dɔa sewɛ la,
umee dɛ́ won baɡle
o naanar waa kpaɔ?
N nɛra wechɔɡa
waa ba kpoo.
9O ne wechɔɡ-ɛɛraa
ba pɛ huɡe,
dɔɔhna lalbɔɔ binii o chɔ.#Mat 27:57-60
A lole kɛ o ta wechɔɡa ɛɛ,
kɛɛ dɛ teŋe nyosone bwa.”
10Korowii ŋɔ,
“Men Korowii tetooraa ba
doo bol, o na wahala.
O seo la ɛ bolchɔɡe
dii saraha,
dɛ kpɔ nɛra wechɔɡa
baa ɛa dɛɛ kɛ ba.
Waa wona ɛ ɡɛ la, wɛɛ dɔ
mkpajaŋee dɛ́ na o naanar,
ásɛ a che o nɛɛ waa
men Korowii
aa maɡla bil la ɛ kɛrɛdɛ.
11O soɡa bini wahala waa
baa na habɔɔ la,
wɛɛ berɔɔ dɔ mkpa,
dɛ́ jemɛ kɛŋɔ
o ta wahala nae pɛɛpɛɛ.
N bonɔɔ o waa aa toɡra,
o lɛ nɛndamanta wechɔɡa
che nomanta,
mɛɛ che o seo la taa,
dɛ́ kpɔ ba wechɔɡa kɛ ba.#Rom 5:18
12Anɔ waa mɛɛ ba on
nomombɔr tɛɛ,
dɛ́ tɛo kpeɡri, dɛkalkɛŋɔ
o kpɔ o te tɛ ba kpoo,
ba kuro ja wechɔɡ-ɛɛra nɛ.
O kpɔ o te ɛ saraha, dɛ lɛ
nɛndamanta bwa
wechɔɡa che,
dɛ soŋe ba wechɔɡa men
Korowii be tɛɛ ba.”
Currently Selected:
Aesaya 53: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
