Popular Bible Verses from Aesaya 53

Share

Ya wechɔɡa waa ba doo bol, ya wechɔɡa waa ba lɔɔro. Gɛ aa ɛ yá dɔ bosɔɔhna waa o dɔ deŋnetɛra, á che a ta ya dɔ bokpeɡa.

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Kpela, onee laa ya ɡwɛɡra, ne weweele kpɔ ya nɛ. Kɛ ya te liiro kɛŋɔ Korowiirii lɔɔro dɛ doo weweele dɛ kpɔ tɛr o deŋne.

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Ba ɛo hɔhɔrɔwa, kɛ o helɔ, o ta nyoa pile. O tɔ nyoa kɛŋɔ baa lawɛ pebie dɛɛ kaa kpobɔr la. O ɛo jeiih kɛŋɔ penee baa dɛ fonɛ o pona ken. O ta nyoa pile dɛ bol wobɛlbwa sese.

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Korowiirii ɡela o bonɔɔ kpeɡ o sie, dɛ do kɛŋɔ daa waa le harɛ hole ta. O ta nyanyini ne wer dɔe yá pɛla lawɔ, o wobɛlbwa ta silɛɛ dɔe yá nyinu.

Anɔ waa mɛɛ ba on nomombɔr tɛɛ, dɛ́ tɛo kpeɡri, dɛkalkɛŋɔ o kpɔ o te tɛ ba kpoo, ba kuro ja wechɔɡ-ɛɛra nɛ. O kpɔ o te ɛ saraha, dɛ lɛ nɛndamanta bwa wechɔɡa che, dɛ soŋe ba wechɔɡa men Korowii be tɛɛ ba.”

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Ba lawɔ dɛ vɛh o waa dii dɛ tɛo aŋwɛnɛ ta, dɛ kpoo. Waa dɔa sewɛ la, umee dɛ́ won baɡle o naanar waa kpaɔ? N nɛra wechɔɡa waa ba kpoo.

O ne wechɔɡ-ɛɛraa ba pɛ huɡe, dɔɔhna lalbɔɔ binii o chɔ. A lole kɛ o ta wechɔɡa ɛɛ, kɛɛ dɛ teŋe nyosone bwa.”