Tơlơi Bơrơđah 21

Adai Phrâo, Lŏn Tơnah Phrâo

1 # Êsai 65:17; 66:22; II Pê 3:13. Hlăk anŭn kâo ƀuh adai phrâo laih anŭn lŏn tơnah phrâo; yua kơ adai blŭng hlâo laih anŭn lŏn tơnah blŭng hlâo rơngiă hĭ laih, laih anŭn ia rơsĭ ƀu hmâo dơ̆ng tah. 2#Êsai 52:1; Bơrđ 3:12; Êsai 61:10.Kâo ăt ƀuh mơ̆n plei rơgoh hiam jing plei Yêrusalem phrâo, trŭn rai mơ̆ng Ơi Adai hăng adai dih, hmâo pơhrôp laih hrup hăng sa čô dra pơkô̆ pre bưp rơkơi ñu. 3#Êsê 37:27; Lêwi 26:11,12.Kâo hmư̆ sa asăp kraih tơbiă mơ̆ng gre pơtao, laĭ tui anai: “Anai nê, sang Ơi Adai dŏ hrŏm hơbĭt hăng mơnuih mơnam. Ñu či dŏ hrŏm hơbĭt hăng ƀing gơ̆, laih anŭn ƀing gơ̆ či jing ƀing ană plei pla Ñu, Ơi Adai pô yơh či dŏ hrŏm hơbĭt hăng ƀing gơ̆. 4#Êsai 25:8; Êsai 35:10; 65:19.Ñu či sut hĭ ia mơta mơ̆ng mơta ƀing gơ̆, laih anŭn ăt ƀu hmâo dơ̆ng tah tơlơi djai brŭ, tơlơi kơ-ŭ kơ-uăn, tơlơi čŏk hia, ƀôdah tơlơi ruă nuă, yua kơ abih bang khul tơlơi blŭng hlâo rơgao hĭ laih.”

5Pô dŏ ƀơi gre pơtao laĭ: “Anai nê, kâo či ngă pơphrâo glaĭ abih bang mơnơ̆ng.” Laih anŭn Ñu laĭ dơ̆ng: “Čih bĕ, yua kơ khul boh pơhiăp anŭn năng lăp đaŏ kơnang laih anŭn tơpă sĭt.” 6#Êsai 55:1.Giơ̆ng anŭn Ñu laĭ hăng kâo: “Giơ̆ng laih yơh! Kâo jing Alpha laih anŭn Ômêga, jing čơdơ̆ng phŭn laih anŭn hnal tuč. Hlơi pô mơhao, Kâo či brơi ñu mơñum đôč đač mơ̆ng akŏ ia tơlơi hơdip. 7#II Sa 7:14; Adoh 89:26,27.Hlơi pô dưi či mă tŭ khul tơlơi anai ngă kong ngăn; Kâo či jing Ơi Adai ñu, laih anŭn ñu či jing ană Kâo. 8Samơ̆ bơ kơ ƀing lêl, ƀing ƀu đaŏ, ƀing grĭ grañ, ƀing pơdjai mơnuih, ƀing rih răm, ƀing pơjâu, ƀing kơkuh kơ rup trah, laih anŭn abih bang ƀing pơhiăp ƀlor, anih pioh brơi kơ ƀing gơñu jing dơnao apui. Boh pơtâo kơsŭm dŏ jă nanao. Anŭn jing tơlơi djai tal dua.”

Plei Yêrusalem Phrâo

9Sa amăng tơjuh čô ling jang hmâo djă laih tơjuh čơlŭ bă tơlơi răm ruă hnal tuč rai pơ kâo hăng laĭ: “Rai bĕ, kâo či kơčrâo brơi ih dra pơkô̆ jing bơnai kơ Ană Triu.” 10#Êsê 40:2.Yang Bơngăt Hiam gom kâo, pŭ ba kâo pơ sa boh čư̆ prŏng glong biă mă, laih anŭn Ñu kơčrâo brơi kâo ƀuh plei rơgoh hiam jing plei Yêrusalem, mơ̆ng Ơi Adai hăng mơ̆ng adai adih trŭn rai, 11tơlơi kơmlă kơ tơlơi guh kơang Ơi Adai; tơlơi kơmlă Ñu kar hăng sa asar boh pơtâo yom biă mă, kar hăng sar boh pơtâo jaspidi, bơngač jơngeh hrup hăng mơnĭl. 12#Êsê 48:30-35.Plei hmâo bơnư̆ prŏng laih anŭn glong, hmâo pluh dua boh amăng jang, laih anŭn ƀơi amăng jang anŭn hmâo pluh dua čô ling jang dŏ. Laih anŭn ƀơi amăng jang anŭn arăng čih anăn pluh dua kơnŭng djuai ƀing ană Israel. 13Gah ngŏ hmâo klâo boh amăng jang, gah kơdư hmâo klâo boh, gah dơnŭng hmâo klâo boh, gah yŭ hmâo klâo boh. 14Bơnư̆ plei anŭn hmâo pluh dua atur, ƀơi atur anŭn arăng čih anăn pluh dua čô khua ding kơna kơ Ană Triu. 15#Êsê 40:3.Ling jang pơhiăp hăng kâo djă sa ƀĕ gai pơkă ngă hăng mah, kiăng pơkă plei anŭn, amăng jang, laih anŭn bơnư̆ ñu. 16Plei anŭn pă mơta thar, yong ñu mơđơr hăng da ñu. Ñu pơkă plei anŭn hăng gai pơkă ñu, laih anŭn hmâo dua rơbâo pă rơtuh kilômet;#21:16 12.000 stat mơdơ̆ hăng 2.400 km. yong, da, laih anŭn boh dơ̆ng ñu mơđơr kar kaĭ. 17Ling jang ăt pơkă mơ̆n bơnư̆ plei, dơ̆ng ñu hmâo năm pluh met,#21:17 Boh hră phŭn: 144 kubit. tui hăng gai pơkă ană mơnuih, laih anŭn ăt jing gai pơkă ling jang mơ̆n. 18#Êsai 54:11-12.Pơnăng bơnư̆ ngă hăng boh pơtâo jaspidi, laih anŭn plei anŭn ngă hăng mah rơgoh, bơngač jơngeh hrup hăng mơnĭl. 19Atur bơnư̆ plei ngă pơhrôp hăng djŏp mơta boh pơtâo yom. Atur tal sa ngă hăng boh pơtâo jaspidi, tal dua hăng boh pơtâo saphirơ, tal klâo hăng boh pơtâo kalsêdôn, tal pă hăng boh pơtâo êmêrôt, 20tal rơma hăng boh pơtâo ônik, tal năm hăng boh pơtâo karnêlian, tal tơjuh hăng boh pơtâo krisôlit, tal sapăn hăng boh pơtâo beril, tal dua rơpăn hăng boh pơtâo tôpas, tal pluh hăng boh pơtâo krisôpras, tal pluh sa hăng boh pơtâo hiasin, tal pluh dua hăng boh pơtâo amêtis. 21Pluh dua boh amăng jang ngă hăng pluh dua asar boh pơtâo ačung, rĭm amăng jang ngă hăng kơnơ̆ng sa asar boh pơtâo ačung đôč. Jơlan amăng plei ngă hăng mah rơgoh, bơngač jơngeh hrup hăng mơnĭl.

22Kâo ƀu ƀuh ôh sang kơkuh pơpŭ amăng plei anŭn, yua kơ Khua Yang jing Ơi Adai Dưi Kơtang laih anŭn Ană Triu jing sang kơkuh pơpŭ kơ plei anŭn. 23#Êsai 60:19,20.Plei anŭn ƀu kiăng kơ yang hrơi ƀôdah blan pơčrang ñu dơ̆ng ôh, yua kơ tơlơi guh kơang Ơi Adai pơčrang plei anŭn, laih anŭn Ană Triu jing apui kơđen kơ plei anŭn. 24#Êsai 60:3.Ƀing djuai mơnuih či rơbat nao hăng tơlơi bơngač plei anŭn; laih anŭn ƀing pơtao ƀơi lŏn tơnah či ba tơlơi guh kơang ƀing gơñu mŭt amăng plei anŭn. 25#Êsai 60:11.Khul bah amăng jang plei abih hrơi ƀu krư̆ ôh, yua kơ pơ anŭn ƀu či hmâo mlam dơ̆ng ôh. 26Arăng či ba tơlơi guh kơang laih anŭn tơlơi pơpŭ kơ khul djuai mơnuih mŭt amăng anŭn. 27#Êsai 52:1; Êsê 44:9.Abih bang ƀing hơƀak drak, ƀing ngă tơlơi bơrơmŭt khĕl, ƀing pleč ƀlor leng kơ ƀu dưi mŭt amăng plei anŭn ôh, samơ̆ kơnơ̆ng ƀing mơnuih hmâo anăn čih laih amăng sŏp hră tơlơi hơdip Ană Triu đôč dưi mŭt.

Currently Selected:

Tơlơi Bơrơđah 21: JRA2016

Highlight

Copy

Compare