Popular Bible Verses from Tơlơi Bơrơđah 21

Share

Ñu či sut hĭ ia mơta mơ̆ng mơta ƀing gơ̆, laih anŭn ăt ƀu hmâo dơ̆ng tah tơlơi djai brŭ, tơlơi kơ-ŭ kơ-uăn, tơlơi čŏk hia, ƀôdah tơlơi ruă nuă, yua kơ abih bang khul tơlơi blŭng hlâo rơgao hĭ laih.”

Pô dŏ ƀơi gre pơtao laĭ: “Anai nê, kâo či ngă pơphrâo glaĭ abih bang mơnơ̆ng.” Laih anŭn Ñu laĭ dơ̆ng: “Čih bĕ, yua kơ khul boh pơhiăp anŭn năng lăp đaŏ kơnang laih anŭn tơpă sĭt.”

Kâo hmư̆ sa asăp kraih tơbiă mơ̆ng gre pơtao, laĭ tui anai: “Anai nê, sang Ơi Adai dŏ hrŏm hơbĭt hăng mơnuih mơnam. Ñu či dŏ hrŏm hơbĭt hăng ƀing gơ̆, laih anŭn ƀing gơ̆ či jing ƀing ană plei pla Ñu, Ơi Adai pô yơh či dŏ hrŏm hơbĭt hăng ƀing gơ̆.

Giơ̆ng anŭn Ñu laĭ hăng kâo: “Giơ̆ng laih yơh! Kâo jing Alpha laih anŭn Ômêga, jing čơdơ̆ng phŭn laih anŭn hnal tuč. Hlơi pô mơhao, Kâo či brơi ñu mơñum đôč đač mơ̆ng akŏ ia tơlơi hơdip.

Hlơi pô dưi či mă tŭ khul tơlơi anai ngă kong ngăn; Kâo či jing Ơi Adai ñu, laih anŭn ñu či jing ană Kâo.

Samơ̆ bơ kơ ƀing lêl, ƀing ƀu đaŏ, ƀing grĭ grañ, ƀing pơdjai mơnuih, ƀing rih răm, ƀing pơjâu, ƀing kơkuh kơ rup trah, laih anŭn abih bang ƀing pơhiăp ƀlor, anih pioh brơi kơ ƀing gơñu jing dơnao apui. Boh pơtâo kơsŭm dŏ jă nanao. Anŭn jing tơlơi djai tal dua.”

Hlăk anŭn kâo ƀuh adai phrâo laih anŭn lŏn tơnah phrâo; yua kơ adai blŭng hlâo laih anŭn lŏn tơnah blŭng hlâo rơngiă hĭ laih, laih anŭn ia rơsĭ ƀu hmâo dơ̆ng tah.

Kâo ăt ƀuh mơ̆n plei rơgoh hiam jing plei Yêrusalem phrâo, trŭn rai mơ̆ng Ơi Adai hăng adai dih, hmâo pơhrôp laih hrup hăng sa čô dra pơkô̆ pre bưp rơkơi ñu.

Plei anŭn ƀu kiăng kơ yang hrơi ƀôdah blan pơčrang ñu dơ̆ng ôh, yua kơ tơlơi guh kơang Ơi Adai pơčrang plei anŭn, laih anŭn Ană Triu jing apui kơđen kơ plei anŭn. Ƀing djuai mơnuih či rơbat nao hăng tơlơi bơngač plei anŭn; laih anŭn ƀing pơtao ƀơi lŏn tơnah či ba tơlơi guh kơang ƀing gơñu mŭt amăng plei anŭn.