Tơlơi Bơrơđah 17

Đah Kơmơi Rih Răm Prŏng

1 # Yêr 51:13. Giơ̆ng anŭn sa čô amăng tơjuh čô ling jang djă tơjuh boh čơlŭ rai hăng laĭ kơ kâo: “Rai bĕ, kâo či kơčrâo brơi ih ƀuh tơlơi phat kơđi đah kơmơi hing ang rih răm, pô hlăk dŏ ber ƀơi ngŏ khul glung ia. 2#Êsai 23:17; Yêr 51:7.Ƀing pơtao ƀơi lŏn tơnah ngă tơlơi soh rih răm hăng ñu, laih anŭn mơnuih mơnam ƀơi lŏn tơnah ăt măt yua kơ tơpai rih răm ñu mơ̆n.” 3#Bơrđ 13:1.Yang Bơngăt Hiam gom kâo, laih anŭn ling jang ba kâo nao pơ tơdrŏn tač. Pơ anŭn, kâo ƀuh sa čô đah kơmơi dŏ ber ƀơi rŏng sa drơi hlô mriah tơthu bă hăng anăn tơlơi pơhiăp ƀrưh hmiah kơ Ơi Adai. Hlô anŭn hmâo tơjuh boh akŏ laih anŭn pluh ƀĕ tơki. 4#Yêr 51:7.Đah kơmơi anŭn buh ao mriah tăm laih anŭn mriah huč, pơhrôp ñu pô hăng mah, boh pơtâo yom laih anŭn boh pơtâo ačung. Ñu djă amăng tơngan ñu sa boh čơlŭ mah bă hăng tơlơi sat, tơlơi grĭ hơƀak mơ̆ng tơlơi rih răm ñu. 5Ƀơi athơi ñu hmâo čih laih sa anăn bă tơlơi hơgơ̆m: “Babilôn prŏng prin, amĭ kơ ƀing đah kơmơi rih răm laih anŭn khul tơlơi sat tŭt lŏn tơnah.” 6Kâo ƀuh đah kơmơi anŭn măt hăng drah ƀing rơgoh hiam laih anŭn drah ƀing ngă gơ̆ng jơlan kơ Yêsu. Tơdang kâo ƀuh ñu kâo kơtuă hling hlang biă mă.

7Samơ̆ ling jang laĭ kơ kâo: “Hyư̆m ih dŏ kơtuă hling lĕ? Kâo či pơblang brơi kơ ih thâo tơlơi hơgơ̆m kơ đah kơmơi anŭn, laih anŭn kơ hlô ñu đĭ hmâo tơjuh boh akŏ laih anŭn pluh ƀĕ tơki. 8#Đaniel 7:7; Bơrđ 11:7; Adoh 69:28.Hlô ih ƀuh hlâo dih hmâo laih, ră anai ƀu hmâo tah, giăm tơbiă mơ̆ng hlŭng dlam laih anŭn nao kơ tơlơi răm rơngiă. Ƀing mơnuih dŏ amăng lŏn tơnah ƀu hmâo ôh anăn čih amăng hơdrôm hră tơlơi hơdip mơ̆ng rơnŭk hrih lŏn tơnah, či kơtuă hling tơdang ƀuh hlô anŭn, yua kơ hlâo adih ñu hmâo laih, laih anŭn ră anai ƀu hmâo dơ̆ng tah, samơ̆ ñu či rai dơ̆ng.

9Amăng tơlơi anai khŏm hmâo tơlơi rơgơi laih anŭn tơlơi kơhnâo: tơjuh boh akŏ jing tơjuh boh čư̆, anih đah kơmơi anŭn dŏ ber. Gơñu ăt jing tơjuh čô ƀing pơtao mơ̆n: 10Rơma čô amăng ƀing gơñu tơglưh laih, sa čô ăt dŏ wai lăng, laih anŭn sa čô pơkŏn aka truh ôh. Tơ ñu truh, ñu kơnơ̆ng dŏ ƀiă đôč, ƀu sui ôh. 11Bơ kơ hlô hlâo anŭn hmâo laih, samơ̆ ră anai ƀu hmâo dơ̆ng tah, ñu anŭn jing pơtao tal sapăn, ñu ăt jing amăng ƀing tơjuh čô pơtao mơ̆n, laih anŭn hlăk nao pơ tơlơi răm rơngiă. 12#Đaniel 7:24.Pluh ƀĕ tơki ih hmâo ƀuh anŭn jing pluh čô pơtao aka ƀu mă tŭ ôh tơlơi dưi wai lăng, samơ̆ gơñu či mă tŭ tơlơi dưi jing pơtao hrŏm hơbĭt hăng hlô anŭn amăng sa mông. 13Ƀing pơtao anŭn hmâo hrŏm sa pran jua jao brơi tơlơi kơtang laih anŭn tơlơi dưi gơñu kơ hlô. 14Gơñu či pơblah hăng Ană Triu, laih anŭn Ană Triu či dưi hĭ hăng ƀing gơñu, yua kơ Ñu jing Khua Yang kơ abih bang ƀing khua yang laih anŭn Pơtao kơ abih bang ƀing pơtao, laih anŭn ƀing dŏ hrŏm hơbĭt hăng Ñu jing ƀing Ơi Adai hmâo iâu laih, ruah laih, laih anŭn jing ƀing tŏng ten, ăt či dưi hĭ mơ̆n.”

15Laih anŭn ling jang laĭ kơ kâo: “Khul glung ia ih ƀuh anŭn, anih đah kơmơi rih răm dŏ ber, jing ƀing ană plei pla, ƀing mơnuih lu, ƀing kơnŭng djuai mơnuih, laih anŭn khul tơlơi pơhiăp phara phara. 16Pluh ƀĕ tơki ih hmâo ƀuh laih anŭn hlô či bơrơmŭt kơ đah kơmơi rih răm anŭn. Ƀing gơñu či mă hĭ abih mơnơ̆ng ñu hmâo, ngă brơi ñu dŏ mơhlŭn; gơñu či ƀơ̆ng asar đah kơmơi rih răm, laih anŭn čuh hĭ ñu amăng apui. 17Yua kơ Ơi Adai hmâo pioh laih amăng pran jua gơñu khŏm ngă tơlơi Ơi Adai kiăng; gơñu sa pran jua hrŏm hơbĭt jao brơi tơlơi dưi wai lăng gơñu kơ hlô, tơl boh pơhiăp Ơi Adai dưi krĕp djơ̆ hĭ. 18Laih anŭn đah kơmơi ih hmâo ƀuh anŭn jing plei prŏng prŏng prin wai lăng ƀơi ƀing pơtao lŏn tơnah.”

Currently Selected:

Tơlơi Bơrơđah 17: JRA2016

Highlight

Copy

Compare