Popular Bible Verses from Tơlơi Bơrơđah 17

Share

Gơñu či pơblah hăng Ană Triu, laih anŭn Ană Triu či dưi hĭ hăng ƀing gơñu, yua kơ Ñu jing Khua Yang kơ abih bang ƀing khua yang laih anŭn Pơtao kơ abih bang ƀing pơtao, laih anŭn ƀing dŏ hrŏm hơbĭt hăng Ñu jing ƀing Ơi Adai hmâo iâu laih, ruah laih, laih anŭn jing ƀing tŏng ten, ăt či dưi hĭ mơ̆n.”

Giơ̆ng anŭn sa čô amăng tơjuh čô ling jang djă tơjuh boh čơlŭ rai hăng laĭ kơ kâo: “Rai bĕ, kâo či kơčrâo brơi ih ƀuh tơlơi phat kơđi đah kơmơi hing ang rih răm, pô hlăk dŏ ber ƀơi ngŏ khul glung ia.

Hlô ih ƀuh hlâo dih hmâo laih, ră anai ƀu hmâo tah, giăm tơbiă mơ̆ng hlŭng dlam laih anŭn nao kơ tơlơi răm rơngiă. Ƀing mơnuih dŏ amăng lŏn tơnah ƀu hmâo ôh anăn čih amăng hơdrôm hră tơlơi hơdip mơ̆ng rơnŭk hrih lŏn tơnah, či kơtuă hling tơdang ƀuh hlô anŭn, yua kơ hlâo adih ñu hmâo laih, laih anŭn ră anai ƀu hmâo dơ̆ng tah, samơ̆ ñu či rai dơ̆ng.

Ƀơi athơi ñu hmâo čih laih sa anăn bă tơlơi hơgơ̆m: “Babilôn prŏng prin, amĭ kơ ƀing đah kơmơi rih răm laih anŭn khul tơlơi sat tŭt lŏn tơnah.”