IBRINYU 5
5
1Lo peshükeda lihigüe temi dan nyu kejü pe no temi dan sunka Sunggigü mhundyü nyu mele tesha keshü dan lo kemu dan rokethyü lotho dan thyü nrün genyu bin njü hünyo. 2A-le a-npvüe gwa pen kemvu genyu a-le tha shati kemvunyu lo thyüzü kehünyu ge a-nyun bwenlo gwa. 3Tsügenyu a-le a-npvü a-kemu genyu metse lo temi dan kemu genyu metse tha pe rotho thyü mvulo shvu. 4Tson-o temi nme-e a-npvü zankechwi tsügü khi pe a-ge shülo hü mvu, ai Aaron hontse Sunggigü npvü kolo hünyo. 5Tsühontse Khrista ko a-npvü a-thyü ketetso pe peshükeda thyülo mvu, ai a-ka,
“Nle Anyu le;
Ale nthu n nnyulo laso,”
tse zokeshü gü le a-kejü shü.
6Lo kecha nme ka ko a-le hihontse zo,
“Nle Melkizedek hontse kethonthen
peshükeda thyü laso.”
7A-le kazü hinyu yhun ketseka kesinyu-e a-kenishülo kegwa gü ka ayhüphu che lo nra tetso-o a-shwikenjün hi-o kehi thyü sa. Lo a-le Sunggigü shye nshvu kehü genyu a-kehi thyü pe a-tsü. 8A-le Sunggigü nyue a-le kenjün thyü kelo nyu jo kezen jvü shalo. 9Lo a-le gwapen kelo siki, a-jo zen kelonyu aphu genyu kethonthen kenikelo bin gü thyü lo laso. 10Lo Sunggigü le a-lope Melkizedek peshükeda hontse peshükeda thyü shü laso.
Ketenyen Nyu Ranikela
11Melkizedek rüla tha kechon kezoi le bin nyo, ai hagun nyetin rügü kela genyu a-kon zokho pe hagun zen tsen laso. 12Lo ntsoka hile hagun le me senkethyüe thyülo zü so, tson-e hagun le meno Sunggigü jo a-binzen keri dan zope hagun hi ni mvulo shvu bin laso. Hagun le ketyüketsü kenko mvule nyüzü sen mvulo shvu bin laso. 13Kechamvule temi lihigüe nyüzü pe a-gintho thyü kehü nyu le kentsen keseri nyu a-sikesha ndi zun, a-le nyuhonyu thyü kebin zun genyu. 14Ai ketyüketsü kenko we peshülo kelanyu chvü thyü hü nyo, tsüdan we a-nyun sen-o tha rüchün kenye kela genyu tha kegwa keshvu sha kekholo hünyo.
Currently Selected:
IBRINYU 5: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
