Popular Bible Verses from IBRINYU 5

Share

Ai ketyüketsü kenko we peshülo kelanyu chvü thyü hü nyo, tsüdan we a-nyun sen-o tha rüchün kenye kela genyu tha kegwa keshvu sha kekholo hünyo.

Lo ntsoka hile hagun le me senkethyüe thyülo zü so, tson-e hagun le meno Sunggigü jo a-binzen keri dan zope hagun hi ni mvulo shvu bin laso. Hagun le ketyüketsü kenko mvule nyüzü sen mvulo shvu bin laso. Kechamvule temi lihigüe nyüzü pe a-gintho thyü kehü nyu le kentsen keseri nyu a-sikesha ndi zun, a-le nyuhonyu thyü kebin zun genyu.

A-le Sunggigü nyue a-le kenjün thyü kelo nyu jo kezen jvü shalo. Lo a-le gwapen kelo siki, a-jo zen kelonyu aphu genyu kethonthen kenikelo bin gü thyü lo laso.

A-le kazü hinyu yhun ketseka kesinyu-e a-kenishülo kegwa gü ka ayhüphu che lo nra tetso-o a-shwikenjün hi-o kehi thyü sa. Lo a-le Sunggigü shye nshvu kehü genyu a-kehi thyü pe a-tsü.