IBRINYU 4
4
1Tsügenyu a-kerüyü nyu yülo nrün jole kebin zun genyu, hagun temi nme-e no tsünyu yülo mvukela thyü mvu nrün genyu ngun nshvulo nu. 2Kechamvule tsüdan hontse ngun-e jolokegwa gü nyülo laso; ai tsüdan le jo gü nyü kethyü ka ketenyen le sinmvu kela genyu jo tsügü kenyü genyu anyugun kechwi nme-e hyulo mvula. 3Tson-e ngun tenyen kehü dan le kerüyü tsünyu yüzhü nyo. A-le zokeshü hontse,
“Ale anyun kenta nyu swe kethyü
hontse:
‘Anyugun no a kerüyü bin nyu yü loho!’ ” Kazü thyülo keri kanyu a-tho dan thyü penlo la yatse-e. 4Kechamvule a-le dika yo nmeka jon tsenyü rüla hihontse zo njü, “Lo Sunggigü le jon tsenyü nyü a-tho aphu genyu rüyülo.” 5Lo hinyu we a-le kezo le: “Anyugun no thame ka-e akerüyü nyu yülo ho.” 6Lo peha nyu we yülo titse kethyü jo le bin nyo, ai nduka jolokegwa zo pe hi kela dan we jo zen mvukela genyu yülo mvula tsekethyü sha bin laso. 7Tsügenyu “Nthu” tson-o tsüsiki kethon ki David mün nyu ngüka zoshü kela hontse khenyüme jon nme tho ni-o:
“Hagun le nthu a-khwe nyülo yatselo
hagun nyun rüla nya,” tson hünyo.
8Lo Joshua le kerüyü khipe anyugun tsüla yatselo, Sunggigü le tsüsiki tsangkeben jon kecha nme rüla zoni loho. 9Tsügenyu Sunggigü temi dan genyu we kerüyü jon nme le bin zun. 10Lo Sunggigü kerüyü nyu yü kelanyu le, tsünyu le a-tho nyu rüyü tinkela hontse rüyü tinla ti. 11Tsügenyu temi nme-e no jozen mvukela tsüdan hontse chela mvule kerüyü tsünyu yülo titse kethyü hagun yhen thyülo nu.
12Kechamvule Sunggigü Jo gü le kerhün lo kekvu kebin jo, zhethon yi kepen nyeki gwakvu, nnyun lo nkapu jenkho sen-o n keren lo ntsin nyu nyu ai yü gü nnyun kendo kerüchün lo nle thyü nyü kebin dan ai kese-o shalo hü nyo. 13Lo tson-o a-le nyhun keshü dan nme-e a-yhühyu ka kebulo bin mvu, tsüntimvule nle a-mhundyü nyu gungü n npvü nrüla pe zo kü nrün gü yhütyü mhundyü nyu we tha aphu khishwi pe ndo njü nyo.
Jisu Le Peshükeda TsIngü
14Lo nle tsang pvüthü kü kela n Peshükeda gü, Jisu, Sunggigü Nyugü le kebin si genyu nle zoshwi keshü nketenyen gü tezen tsekho sen bin lo nu. 15Kechamvule n peshü kedagü le nkvu kemvu nyyu nphi rüchünlo keho gü mvu, ai nhontseo tha aphu nyu a-semen-e a-we kemu nme-e ndi. 16Tsügenyu ngun shwikenjün hyulo, lo nmvulo keshvu ka-e a-no n njün-o ncheshü nrün genyu ngun nshvumvu tse shwikenjün keda bin gü kho nni gunlo nu.
Currently Selected:
IBRINYU 4: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
