INPÂKNA HLABU 91
91
Iengkimthawthei thlazâr hnuoia um zing thu
1 #
Sm 31.20; 17.8 Achunghnungtak inbîkna hmuna um chu,
Iengkimthawthei hlima chun um zing a tih.
2LALPA chungthua chun, “Ama chu ka inhumhimna le ka kulpui,
Ka Pathien, ka iring chu a nih,” tîng ka tih.
3Ama chun châng kamtu chânga inthawk le,
Hri ṭha nawtaka inthawk chun a sanhim ding che a nih.
4A thla chun inkhum a ti cheh a,
A thla hnuoia chun himtakin um i ta,
A thutak chu phaw chîn le phaw lien a nih.
5 #
Job 5.19; Sm 112.7 Zâna thil râpthlâk chu ṭî naw ti nih a,
Sûna thal hung inlêng hlak chu ṭî bawk naw ti nih.
6Inthim hnuoia hri inlêng hlak chu ṭî naw ti nih a,
Sûn laia thil sukse hlak sietna chu ṭî bawk naw ti nih.
7I sîrah sâng tlûng an ta,
I changtieng chun sîng tlu bawk an tih;
Nisienlakhawm, nang chu hnai naw ni che.
8I mitin en i ta,
Mi rilohai thungna chu a hmu hin hmu chau i tih.
9Aw LALPA, nang chu ka înhumhimna i ni sih a!
Achunghnungtak chu i umnain i hmang a.
10Thil ṭha naw hrim hrimin tuok naw ni cheh a,.
Hri hrim hrim khawmin i puon in hung hnai bawk naw nih.
11 #
Mt 4.6; Lk 4.10-11 I kawng tinrênga humhim ding chein,
I chungthua chu a vântirkohai chu thu a pêk ding a ni sih a.
12An kutin dawm an ti cheh a,
Chuong naw chun, i kein lung sui rawi i tih.
13 #
Lk 10.19 Sakeibaknei le rûl chu sir dêng i ta,
Sakeibaknei vânglai le rûlriel chu sir hriel neng i tih.
14Ka chungah a hmangaina ân nghat tlat leiin sanhim ka ta,
Ka hming a hriet leiin hmun insângah dawm kai ka tih.
15A mi ko pha chun, dawn ka ta,
A lunginzîng lai chun a kuomah um ka ta,
Ama chu sanhimin chawimawi ka tih.
16Dam sâwtnain suklungawi ka ta,
Ka sandamna chu inhmutir bawk ka tih.
Currently Selected:
INPÂKNA HLABU 91: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
