INPÂKNA HLABU 90
90
Pathien chatuon mi nina le mihriem nun tâwina Pathien mi Mosie ṭawngṭaina.
1LALPA nang chu suon po po chena kan umna i ni hlak,
2Tlânghai insieng hmaha,
Leihnuoi le khawvêl în ngîr hma khawm khan,
Chatuona inthawka chatuon chenin nang chu Pathien i nih.
3Nang chun mihriem hi bohmangnaa în fetir hlak a,
“Mihriem nauhai, kîr nâwk ro,” i ti hlak.
4 #
2 Pet 3.8 Nanga ngai chun kum sâng khat hi,
Zâni bo ta ang chau kha a na,
Zân vêng khat sûng ang chau bawk a nih.
5Anni chu tui lien angin i lên hmang hlak a, ṭhang khat in ang chau an nih.
Zîngkâr chun hlobet inder suok ang an nih.
6Zîngkâr chun a hung innoin a hung inder suok a,
Zântieng chun ât thlûkin a um a, a vuoi hlak.
7I lunginsennaa sukbohmangin kan um a,
I lungawi nawnaa suklungzîngin kan um bawk sih a.
8Kan rîtlonahai chu i hmaah i sieh a,
Kan suol iprûkhai chu i hmêl varah i sie tah a.
9Kan dam sûng ni po po hi i lunginsennaah a bo hlak,
Kan dam sûng kumhai hi tienami angin kan suktâwp hlak.
10Kan dam sûng kumhai chu kum sâwmsari a na,
Hrâtna leiin kum sâwmriet khawm a ni thei.
Nisienlakhawm, a sâwtna chu sininrimna le lungngaina chau a nih;
A bo vak a, keini khawm kan vuong hmang hlak a ni hi.
11Tuin am i lunginsenna thilthawtheizie hreha,
Nangma ṭi dingzie anga i lunginsenna hrie le?
12Kan dam sûng nihai tiem dân ding mîn chûktir la,
Varna lungril kan nei pha hielna dingin.
13Aw LALPA hung kîr nâwk la, ieng chen am i lunginsen ding a na?
I siehlawhai chungthua chun i lungril inlêt rawh.
14Aw, zîngkâr chun i ngilneinain mi suktlai la,
Kan dam sûng po po hin kan hlima kan lâwm theina dingin.
15Nangin i mi sukrimsik ni le,
Thil ṭha naw kan tuok kum sûng hu ang khan mi suklâwm rawh.
16I sinthaw chu i siehlawhai kuomah inlang sienla,
I ropuina chu an nauhai kuomah inlang raw se.
17Chun, LALPA kan Pathien mawina chu kan chungah um raw se:
Kan kut sinthaw hi kan chungah sukdet bawk la,
Anih, kan kut sinthaw hi sukdet rawh.
Currently Selected:
INPÂKNA HLABU 90: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
