INPÂKNA HLABU 92
92
Lalpa ṭhatna leia inpâkna Inpâkna Hla. Châwlni Hla.
1LALPA kuoma lâwmthu hril le,
Aw Achunghnungtak, i hming inpâkna hla sak hi thil ṭhatak a nih;
2Zîngkâra i zainêmna suklang le,
Zân tina i ringumna suklang hi,
3Thil sutthei hrui sâwm nei mi le, perkhuonghai,
Ṭingṭang ri mi lungriem inthlâktir thei dâma suklang hi.
4LALPA, nang chun i sinthawin i mi suklâwm sih a.
I kut thilthawhai leiin hlimin hla sak ka tih.
5 #
Sm 40.5; Is 28.29; Rom 11.33 Aw LALPA, i thilthawhai chu a va ropui de!
I ngaituonahai chu ân thûk êm êm a nih.
6Mi mâwl chun hi hi a hriet nawh a;
Mi invêtin a hrietthiem bawk nawh:
7Mi rilohai hlobet anga an hung inder a,
Thil suksuoltuhai po po an hung inno hlut hlut hin,
Kumkhuoa dinga sukbo- hmangin an um ding a hung ni hlak, ti hi.
8Aw LALPA, nang ruok chu kumkhuoa dinga insângtaka um zing i nih.
9Aw LALPA, ngai ta, nangma dotuhai hi,
Ngai ta, nangma dotuhai hi an bohmang ding a nih;
Thil suksuoltuhai po po hi sukdarin an um vawng ding a nih.
10Nisienlakhawm, ka ki hi ramsiel ki angin i chawimawi a,
Hriek thara nâl ka ni tah.
11Ka mitin ka hmêlmahai chunga ka duthusâm tlung chu a hmu tah,
Ka na hin thil ṭha naw thawtu, a mi hung thawtuhai chunga ka duthusâm tlung ri chu a hriet tah.
12Mi fel chu intûm angin inno hlut hlut a ta,
Lebanon tlânga sidar thing angin inṭhang duok duok a tih.
13LALPA ina phunhai chu,
Ei Pathien biekin inhuonna tuol sûnga chun inno hlut hlut an tih.
14Tar hnung khawma la ra rawp an ta,
Tuihnâng pâi ṭeuin hring hlut hlut an tih.
15LALPA chu mi indiktak a nih ti inlangtirna dingin,
Ama chu ka lungpui a nih, amaa chun fel nawna hrim hrim a um nawh.
Currently Selected:
INPÂKNA HLABU 92: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
