Popular Bible Verses from INPÂKNA HLABU 91

Share

LALPA chungthua chun, “Ama chu ka inhumhimna le ka kulpui, Ka Pathien, ka iring chu a nih,” tîng ka tih.

Achunghnungtak inbîkna hmuna um chu, Iengkimthawthei hlima chun um zing a tih.

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

I kawng tinrênga humhim ding chein, I chungthua chu a vântirkohai chu thu a pêk ding a ni sih a.

A thla chun inkhum a ti cheh a, A thla hnuoia chun himtakin um i ta, A thutak chu phaw chîn le phaw lien a nih.

Aw LALPA, nang chu ka înhumhimna i ni sih a! Achunghnungtak chu i umnain i hmang a. Thil ṭha naw hrim hrimin tuok naw ni cheh a,. Hri hrim hrim khawmin i puon in hung hnai bawk naw nih.

Ama chun châng kamtu chânga inthawk le, Hri ṭha nawtaka inthawk chun a sanhim ding che a nih.

I sîrah sâng tlûng an ta, I changtieng chun sîng tlu bawk an tih; Nisienlakhawm, nang chu hnai naw ni che.

Zâna thil râpthlâk chu ṭî naw ti nih a, Sûna thal hung inlêng hlak chu ṭî bawk naw ti nih. Inthim hnuoia hri inlêng hlak chu ṭî naw ti nih a, Sûn laia thil sukse hlak sietna chu ṭî bawk naw ti nih.