INPÂKNA HLABU 63
63
Thlarau dangchâr chu Pathienin a sukkhawp David Inpâkna Hla: Judai thlalêra a um laia mi.
1Aw Pathien, nang chu ka Pathien i na, zîngkâr zawng ka ti che;
Ram ṭâwl chautak, tui um nawna hmuna hin,
Ka hringna hi nangma ngaiin a dangchâr a, ka tisa hin a ngai che a nih.
2Chuong ang bawkin hmun inthienga chun ka en zing che kha,
I thilthawtheina le i ropuina hmu dingin.
3I zainêmna hi hringna nêka a ṭhatlem leiin,
Ka hmûr hin inpâk a ti che.
4Chuong ang chun ka dam sûng po po chun inpâk ka ti cheh a,
I hmingin ka kuthai phar ka tih.
5Ka hringna hi thlin le thâua khawp angin khawp a ta,
Ka bau hin hlim hmûr putin inpâk bawk a ti che.
6Ka khumlaizâwlah ka hriet zing cheh a,
Zâna i chungchâng thu ka suongtuo lai chun.
7Nang chu a mi ṭhangpuitu i ni sih a,
I thla hnuoia chun hlimin hla ka sak ding a nih.
8Ka hringna hin a zui tlat cheh a,
I kut changtiengin i mi kei hlak.
9Ka hringna sukbo tuma zawngtuhai ruok chu,
Hnuoi hmun hnuoi hnungahai chun lût an tih.
10Kâwlhnâm thilthawtheina kuoma pêk nîng an ta,
Sihalhai chan ni tâng an tih.
11Lal ruok chu Pathienah hlim a ta,
Ama sâla inkhâm taphawt chun ama chu sawng an tih;
Khêl hril hmanghai bau chu hipin a um ding a ni sih a.
Currently Selected:
INPÂKNA HLABU 63: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
