INPÂKNA HLABU 62
62
Pathien chau chu inhumhimna a nih Hla ṭhuoitu ta dingin: Jeduthun danin. David Inpâkna Hla.
1Ka hringna hin Pathien chau a nghâk a,
Amaa inthawk chun ka sandamna a hung suok ding a nih.
2Ama chau chu ka lungpui le a mi sandamtu a nih;
Ka kulbîng insâng a na, nasatak chun inhnîng naw ningah.
3Nangni po poin, sukhlum ding le,
Lung bang inâwn thaw ang le, pal tlu vâng vâng thaw angin,
Ieng chen am mi pakhat hi in thaw ding a na?
4A ropuinaa inthawka nam thla ding ngawtin an inrâwn a,
Khêl hril hi an lâwm zâwngtak a na,
An bauin mal an sâwm a; nisienlakhawm, an lungrilin ṭawngsie an inphur si hlak.
5Ka hringna, Pathien chau nghâk rawh;
Ka beiseina hi ama kuoma inthawka suok a ni sih a.
6Ama chau chu ka lungpui le ka sandamna a nih;
Ka kulbîng insâng a na, inhnîng naw ningah.
7Pathien kuomah ka sandamna le ka ropuina a um a,
Ka hrâtna lungpui le kân humhimna chu Pathienah a um a.
8Nangni mipuihai, ienglai khawmin ama chu ring unla,
In lungril chu a hmaa chun bunthla ro:
Pathien chu ei ta dinga inhumhimna a nih.
9Mi inhnuoihai hi iengkhawm an ni nawh a, mi insânghai khawm hi khêl an nih;
Bûknaa chun an inkâng dai a,
Iengkhawm ni lo nêk khawmin an zâng lem a nih.
10Nêksâwrna hi ring naw unla,
Inrûkhmang hi sawngah nei bawk naw unla,
Hausakna hung pung sien khawm, a chunga chun in lungril innghat bawk naw ro.
11Pathien chun vawikhat a hril a,
E! hi hi vawi hni ka hriet tah:
Thilthawtheina hi Pathien ta a nih ti hi.
12Aw LALPA, zainêmna hi i ta bawk a nih,
Mi tin an thilthaw ang sengin i thung hlak sih a.
Currently Selected:
INPÂKNA HLABU 62: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
