Popular Bible Verses from INPÂKNA HLABU 63

Share

Aw Pathien, nang chu ka Pathien i na, zîngkâr zawng ka ti che; Ram ṭâwl chautak, tui um nawna hmuna hin, Ka hringna hi nangma ngaiin a dangchâr a, ka tisa hin a ngai che a nih.

I zainêmna hi hringna nêka a ṭhatlem leiin, Ka hmûr hin inpâk a ti che.

Chuong ang chun ka dam sûng po po chun inpâk ka ti cheh a, I hmingin ka kuthai phar ka tih.

Chuong ang bawkin hmun inthienga chun ka en zing che kha, I thilthawtheina le i ropuina hmu dingin.

Nang chu a mi ṭhangpuitu i ni sih a, I thla hnuoia chun hlimin hla ka sak ding a nih. Ka hringna hin a zui tlat cheh a, I kut changtiengin i mi kei hlak.

Ka khumlaizâwlah ka hriet zing cheh a, Zâna i chungchâng thu ka suongtuo lai chun.