INPÂKNA HLABU 64
64
Hmêlma rûka inthawka vênghim dinga ṭawngṭâina Hla ṭhuoitu ta dingin: David Inpâkna Hla.
1Aw Pathien, ka lungzîngna thua hin ka râwl hi lo ngai la,
A mi dotuhai ṭitumnaa inthawk hin ka hringna hi humhim rawh.
2Thil ṭha naw thawtuhai inrâwn rûknaa inthawk chun mi thuphmang la,
Thil suksuoltuhai inhâwrkhâwmhaia inthawk chun:
3Chuonghai chun kâwlhnâm angin an lei an tâtngei a,
An thal, thu khahai chun an tin hlak;
4Mi demkailo chu hmun fienriela an kâp theina dingin;
Ṭi lovin, kârlovin an kâp thut hlak.
5Thil suol thaw ding chun an infui tuoh a,
Châng, inrûka kam thua dâm an inbiek hlak a,
“Tuin am chuong chu hmûng an ta?” an tih a.
6Rîtlona an zawng suok hlak a,
“Ṭhahnemngaitakin kan zawng zo tah,” an ti hlak a.
An sûngtieng ngaituona le lungril chu inthûktak a ni seng nghâl a.
7Nisienlakhawm, Pathien chun anni kâp a ta,
Kârloa thala inhliemin um an tih.
8Chuongchun, anni lei ngei chun anni a do leiin, sukkatin um an ta,
Anni hmu taphawthai chun an lu thinkhum an tih.
9Chuongchun, mi po poin ṭîng an ta,
Pathien sinthaw chu hril an tih;
A thilthaw khawm chu vartakin ngaituong an tih.
10Mi felhai chu LALPAAH lâwm an ta, amaa chun ringna innghat an ta,
Lungril indiktak put po pohai chun sawng an tih.
Currently Selected:
INPÂKNA HLABU 64: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
