INPÂKNA HLABU 61
61
Pathien vênghimna ringzo Hla ṭhuoitu ta dingin: ṭingṭanga sak mi. David Inpâkna Hla.
1Aw Pathien, ka khêk ri hi lo hre la,
Ka ṭawngṭâina hi lo ngai rawh.
2Ka lungril a chau lai hin kâwlkila inthawk hin ko ka ti che;
Lungpui keia nêka insânga chun mi ṭhuoi la.
3 #
Tv 18.10 Nang chu keia ta dinga humhimna,
A mi dotuhaia inthawka râlvêngbûk insâng dettak i ni sih a.
4I puon ina chun kumkhuoin um ka ta,
I thla hnuoi inbîkna hmuna chun tlulût ka tih.
5Aw Pathien, nang chun ka thutiemhai i ngai sih a,
I hming ṭituhai ram hluo chu i mi pêk a.
6Lal dam sûng hi suksei i ta,
A kumhai chu suon tamtak tluk nîng a tih.
7Pathien hmaah kumkhuoin um zing a tih,
Aw, ama humhim theina dingin ngilneina le thutak buotsai rawh.
8Chuongchun, ka thutiemhai ni tina ka thaw sawng theina dingin,
Kumkhuoin i hming inpâkin hla sak ka tih.
Currently Selected:
INPÂKNA HLABU 61: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
