Popular Bible Verses from INPÂKNA HLABU 62

Share

Nangni mipuihai, ienglai khawmin ama chu ring unla, In lungril chu a hmaa chun bunthla ro: Pathien chu ei ta dinga inhumhimna a nih.

Ka hringna, Pathien chau nghâk rawh; Ka beiseina hi ama kuoma inthawka suok a ni sih a.

Ama chau chu ka lungpui le ka sandamna a nih; Ka kulbîng insâng a na, inhnîng naw ningah.

Ka hringna hin Pathien chau a nghâk a, Amaa inthawk chun ka sandamna a hung suok ding a nih.

Ama chau chu ka lungpui le a mi sandamtu a nih; Ka kulbîng insâng a na, nasatak chun inhnîng naw ningah.

Pathien kuomah ka sandamna le ka ropuina a um a, Ka hrâtna lungpui le kân humhimna chu Pathienah a um a.