INPÂKNA HLABU 34
34
Sukrinumnaa inthawka sansuokna leia inpâkna David Inpâkna Hla. Abimelek hmaa a um dân ân sukdanglam a, amain a lo hnawtdawk laia mi.
1Ienglai khawmin LALPA chu inpâk ka ta,
Ama inpâkna chu ka bauah suok rawp a tih.
2Ka hringna hin LALPA chu sawng a ta,
Mi rimsihai#Thuhnuoirawlhai (KJV) chun chu chu hrieng an ta, lâwm an tih.
3Aw LALPA chu mîn pâkpui unla,
A hming chu chawimawi seng ei tiu.
4LALPA chu ka zawng a, chun, ama chun a mi dawn a.
Ka iṭi po poa inthawk chun a mi sanhim tah.
5Ama an en a, chun, an hung var suok tah a,
An hmêlhai chu iengtika khawm inzak naw ni.
6Hi mi rimsi hi a khêk a, LALPA chun a lo hriet a,
A lunginzîngna po poa chun a sansuok tah a.
7Ama ṭîtuhai chu an vêla chun LALPA vântirko chun a um nghah a.
A sanhim hlak.
8 #
1 Pet 2.3 Aw LALPA ṭhatzie chu intem sin hrim ta u:
Amaa ringna innghattu chu a hamṭha.
9Aw, a mi inthienghai, LALPA chu ṭi unla,
Ama ṭîtuhai ta ding chun tlâksamna hrim hrim a um si nawh.
10Sakeibaknei vânglaihai chu an tlasamin an phîng a ṭâm hlak a:
LALPA zawngtuhai ruok chun thil ṭha hrim hrim tlasam naw ni hai.
11Hung ro, naupanghai ka thu ngai ta u,
LALPA ṭi dân lo inchûktir ka ti cheu.
12 #
1 Pet 3.10-12 Thilṭha a hmu theina dinga hringna dita,
Dam sâwt ngaina mi chu tu am a na?
13I lei chu suola inthawkin vêngṭha la,
I hmûr chu hlêmna thu hril lo dingin.
14Suol chu fe san la, thil ṭha thaw rawh;
Inremna zawng la, a hnawtin hnawt rawh.
15LALPA mit chun mi felhai tieng a en hlak a,
Ama chun an khêk hre dingin a ngai zing hlak.
16LALPA hmêl chun thil suk- suoltuhai chu a do hlak a,
Anni hriet zingna chu hnuoia inthawka sukbohmang dingin.
17Mi felhai chu an khêk a;
LALPA chun a lo hriet a,
An lunginzîngna po poa chun a sansuok tah a.
18LALPA chun lungrila lung- riem ithlâkhai chu a hnai hlak a,
Lungrila insîrhai po chu a sandam hlak.
19Mi fel rinumnahai chu a tam a,
Nisienlakhawm, chuong po poa chun LALPAIN a sansuok hlak.
20 #
Jn 19.36 A ru po po a vawng ṭhah a,
Pakhat khawm sukthliek a ni nawh.
21Thil ṭha nawin mi rilohai chu sukhlum a ta,
Mi fel theidatuhai chun thiemnaw chang an tih.
22LALPA chun a siehlawhai hringna chu ân tlan hlak a,
Amaa ringna innghattuhai chu pakhat khawm thiemnaw chang um naw ni hai.
Currently Selected:
INPÂKNA HLABU 34: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
