INPÂKNA HLABU 35
35
Hmêlma kuta inthawka sanhim dinga ṭawngṭâina David Inpâkna Hla
1Aw LALPA, a mi thawtuhai chu nangin thaw la,
A mi dotuhai chu nangin do rawh.
2Phaw chîn le phaw lien chel la,
Mi ṭhangpui dingin ngîr rawh.
3Fei le hreipui chu inlet la,
A mi hnawttuhai lampui chu lo dang la,
Ka hringna kuoma hin, “I sandamna ka nih,” ti rawh.
4Ka hringna sukbo tuma zawngtuhai chu,
sukmuolphoa sukzakin umhai sienla,
Mi suksietna ding ngaituotuhai chu intlânsiettirin thuokdawngtakin um raw se.
5LALPA vântirkoin khal peiin,
Busî thli ilên angin um raw se.
6LALPA vântirkoin hnawt pei sien,
An lampui chu inthimtak le innâltak ni raw se.
7A san um loin, an mi âwkna dingin an lên chu khura chun an pha inrûk a,
A san um loin ka hringna tlâk- na dingin khur an cho sih a.
8Ân ringnaw kârin sietna a chungah tlung sienla;
A lên pha rûka khan ama ngei âwk bawk sienla:
Chutaka chun tla se dêr raw se.
9Chuongchun, ka hringna hi LALPAA chun hlim a ta;
A sandamnaa chun lâwm a tih.
10Ka ru po po hin, “LALPA, mi rimsi, a khing zo ruolloa inthawka sanhimtu,
Anih, rimsi le pasie, ama inram hlaktua inthawka sanhimtu,
Nang ang hrim tu am um?” tîng a tih.
11Hretu fel nawtakhai an hung tho a,
Ka thil hriet dêr naw thua dâm an mi suosal a.
12Ka hringna khawm beidawng dêr khawpin,
Thil ṭha thil suolin an mi thung a.
13Kei ruok chu, an damnaw lai chun ka silfên chu saiip a na,
Ka hringna hi bu ngheiin ka suk rimsi sih a;
Lungse taka kûnin ka ṭawngṭai a,#Lunginrima kûn rawng rawngin ka ṭawngṭai a KJV. chun, “Ka ṭawngṭaina chu keia ângsûnga ngei a kîr nâwk a”
14Ka ruol amanih, ka unau amani chunga chun ka um dân ding ang takin ka um a;#Ama chu ka ruol, annawleh, ka unau amanih ang elin (or ni awm fahranin)
Kân lawn vêl chu khuo khawm ngha ngam loa ngûiin.
Mi a nu ṭâtu angin sûnin ka kûn a.
15Nisienlakhawm, ka chan a sein anni chu an lâwm a, an inhâwr khâwm hiel a,
Mi suol teplohai chu mi thaw dingin an inkhâwm a, chu chu ka lo hriet si nawh.
Ma nuom loin an mi sawisa hrep a.
16Ruoiṭhenaa nuiza fiemthu hriltuhai ang mei meiin,
An ha an mi râwt khum a.
17LALPA, nangin ieng chen am i en ding a na?
Ka hringna hi suksiet an tumnaa inthawk chun sansuok la;
Ka nei suntak hi sakeibakneia inthawk chun sansuok rawh.
18Inkhâwmna ropuitaka chun lâwmthu hril ka ti cheh a,
Mi tamtak laia chun inpâk ka ti che.
19 #
Sm 49.4; Jn 15.25 Ka hmêlmahai chun indiknaw- takin mi diriem naw raw hai se,
Ieng ni loa a mi theidatuhai chu an mitin inbe naw bawk raw hai se.
20Inremna thu hrim an hril si nawh a,
Hi rama um ṭawk ṭawkin hlêmna thuhai an ngaituo lem a nih.
21Anih, an bauin an mi kâk khum puou a,
“Chei! Chei! ei mit ngeiin ei hmu tah,” an tih a.
22Aw LALPA, nangin i hmuh a, tosan naw rawh,
Aw LALPA, mîn hlat naw rawh.
23Ka Pathien le ka LALPA, ka ro rêl dingin,
Anih, ka thuha mi ṭan ding- in, insukhar la, meng rawh.
24Aw LALPA ka Pathien, i felna ang peiin ro mi rêlpêk la,
Anni chun mi diriem naw raw hai se.
25An lungrilin, “Chei! chuong ang chu a ni annâwm ei dit chu,” ti naw raw se.
“Ama chu ei lem zo tah,” ti naw bawk raw se.
26Ka sietna chunga lâwmhai chu muolphotak le thuokdawng- takin um hai sienla,
Ka chunga insuklienhai chu muolphona le inzakna insiltirin um raw se.
27Ka felna chunga lâwmhai chu hlima khêkin lâwmtakin um sienla,
Anih, “A siehlaw vângneina chunga lâwm hlak LALPA chu,
Chawimawiin um raw se,” ti rawp raw hai se.
28Chuongchun, ka lei hin i felna thu hril a ta,
Nangma inpâkna thu khawm sûnnithlâkin hril bawk a tih.
Currently Selected:
INPÂKNA HLABU 35: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
