Popular Bible Verses from INPÂKNA HLABU 34

Share

LALPA chun lungrila lung- riem ithlâkhai chu a hnai hlak a, Lungrila insîrhai po chu a sandam hlak.

LALPA chu ka zawng a, chun, ama chun a mi dawn a. Ka iṭi po poa inthawk chun a mi sanhim tah.

Mi fel rinumnahai chu a tam a, Nisienlakhawm, chuong po poa chun LALPAIN a sansuok hlak.

Aw LALPA ṭhatzie chu intem sin hrim ta u: Amaa ringna innghattu chu a hamṭha.

Ama an en a, chun, an hung var suok tah a, An hmêlhai chu iengtika khawm inzak naw ni.

Mi felhai chu an khêk a; LALPA chun a lo hriet a, An lunginzîngna po poa chun a sansuok tah a.

Ama ṭîtuhai chu an vêla chun LALPA vântirko chun a um nghah a. A sanhim hlak.

Suol chu fe san la, thil ṭha thaw rawh; Inremna zawng la, a hnawtin hnawt rawh.

I lei chu suola inthawkin vêngṭha la, I hmûr chu hlêmna thu hril lo dingin.

LALPA mit chun mi felhai tieng a en hlak a, Ama chun an khêk hre dingin a ngai zing hlak.

Aw LALPA chu mîn pâkpui unla, A hming chu chawimawi seng ei tiu.