THUVARHAI 6
6
Thabona le khêlhlipna kal dinga inchûktirna
1Ka naupa, i tuolbâwm ta dinga aiawtu i nih a,
Hmêlmak mi ta dinga i kuthai i ben chun,
2I baua thuhai ngei chun âwk i na;
I baua thuhai ngei chun man i ni tah.
3Tuhin hi hi thaw la, ka naupa, nangma le nangma chu insansuok rawh,
I tuolbâwm kuta chun i lût a ni ta sih a;
Fe la, nang le nang chu insukhnuoi la, i tuolbâwm chu ngên rawh.
4I mithai chu inna inhmutir naw la,
I mitkhohai chu ininnghiltir bawk naw rawh.
5Ramsuoktu kuta sakhi a suok angin le,
Vate vêtua inthawka vate a suok ang elin,
Nang le nangma chu insansuok rawh.
6Nang thabo, phaivâng kuomah fe la,
A lampuihai ngaituo la, var rawh.
7Chu chun lal a nei nawh a,
Enkawltu amanih, rorêltu amani khawm a nei nawh.
8Nipui lai a bu a siekhâwl a,
Busîk hunah a bu a lâk khâwm hlak.
9Aw thabo, ieng chen am i zâl ding a na?
I zâlnaa inthawkin iengtik âm i tho ding a na?
10Zâl dep bêk, in dep bêk,
Zâla kuthai hang thlep dep bêk.
11 #
Tv 24.33-34 Chuongchun, inru angin i pasietna chu hung a ta,
I tlâksamna chu mi râlthuoma inthuom angin hung a tih.
12Mi hmangna bo, mi khawhlo,
Bau chapotakin a lêng a.
13A mithai a sêp a, a kehaiin thu a hril a,
A kuthaiin inchiknahai ân chûktir a.#Kutzaizirin thu a hril a
14A lungrila chun kâwmâwna a um a, thilsuol a rawt suok rawp a,
Indarna a tu hlak.
15Chuleiin, a lungzîngna chu hung thut a ta,
Thâwk le khatin kawidar a ta, dam nâwkna boin.
16Thil paruk LALPAIN a theidahai chu a um a,
Anih, pasari, chuong chu ama ta dingin tirdakum an nih;
17Mit mengsânghai, lei khêlhlip,
Pawitâwklo thisen insuoktir hlak kuthai le chun,
18Ngaituona suol ngairuot hlak lungril le,
Pawi tâwk dinga ke tlân hrât hlakhai leh;
19Hrietpuitu indiklo khêlthu sâksuok hlaktu,
Unauhai laia indarna tu hlaktu le chun.
Uiretnaa inthawka fîmkhur dinga zillâwkna
20Ka naupa, i pa thupêk hi kawl tlat la,
I nu inchûktirna hi nghatsan bawk naw rawh.
21I lungrila chun khuopde tlat zing la,
I rîng vêla chun zem tlat rawh.
22I fe pha chun nang chu ṭhuoi a ti cheh a;
I in pha chun nang chu vêng a ti cheh a;
Chun, i hung meng pha khawm chun inbiekpui a ti che.
23Thupêk chu khâwnvar a na, inchûktirna chu var a ni sih a;
Inchûktirna thununnahai chu hringna lampui a nih;
24Nuhmei riloa inthawka hum ding chein le,
Hmêlmak baua inpâk tehlêmnaa inthawka vêng ding chein.
25I lungrila chun a mawina chu châk naw la,
A mitsîrhai chun nang chu kuoi bawk naw raw se che.
26Nuhmei hur lei hin pasal chu bei hlekah siem a ni hlak a nih,
Chun, uirenu chun hringna hlu chu a pêlin a pêl hlak.
27Miin a kalakah a puonhai kâng loin,
Mei a chepdê thei am a nih?
28Annawleh, mi a ke kâng loin,
Meiling chungah a lâwn thei am a nih?
29Mi a tuolbâwm nuhmei kuoma lût chu chuong ang bawk chu a na;
Amanu va tâwk taphawt chu hrem naw ni naw nih.
30Inruin a phîngṭâm laiin ân sukkhawpna dinga ân rûk chun mihaiin an hmusit#“Mihaiin an hmusit naw ding am a nih?” tiha ziekna khawm a um ngai nawh a.
31Amiruokchu ama chu hmu suok a ni chun a lêt sariin thung a ta;
A ina thuomhnaw po po chu pe vawng a tih.
32Nuhmei le uiretna thil thawtu chu lungril bo a na,
Ama lungril ngei sukse dingin thil a thaw a nih.
33Inhliemna le hmaimâwkna hmûng a ta,
A hmaimâwkna chu hrûk hmang ni naw nih.
34Itthîkna hi mihriem lungsenna a na,
Phubalâk ni chun hla naw nih.
35Intlanna hrim hrim ngaisak naw nih a,
Thilpêk tamtakhai chu pe la khawm, lungawi el chuong naw nih.
Currently Selected:
THUVARHAI 6: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
