Popular Bible Verses from THUVARHAI 6

Share

Thil paruk LALPAIN a theidahai chu a um a, Anih, pasari, chuong chu ama ta dingin tirdakum an nih; Mit mengsânghai, lei khêlhlip, Pawitâwklo thisen insuoktir hlak kuthai le chun, Ngaituona suol ngairuot hlak lungril le, Pawi tâwk dinga ke tlân hrât hlakhai leh; Hrietpuitu indiklo khêlthu sâksuok hlaktu, Unauhai laia indarna tu hlaktu le chun.

Nang thabo, phaivâng kuomah fe la, A lampuihai ngaituo la, var rawh.

Zâl dep bêk, in dep bêk, Zâla kuthai hang thlep dep bêk. Chuongchun, inru angin i pasietna chu hung a ta, I tlâksamna chu mi râlthuoma inthuom angin hung a tih.

Ka naupa, i pa thupêk hi kawl tlat la, I nu inchûktirna hi nghatsan bawk naw rawh. I lungrila chun khuopde tlat zing la, I rîng vêla chun zem tlat rawh.