THUVARHAI 5
5
Inthieng nawna kai lo dinga inchûktirna
1Ka naupa, ka varna hi pawisa la,
Ka hrietthiemna tieng hin i na sit rawh,
2Ngairuotthiemna chu i vawng tlat theia,
I hmûrhai chun hrietna a kawl tlat theina dingin.
3Hmêlmak nuhmei hmûrhai chu khuoizuin a far a,
A bau chu hriek nêkin ân nâl lem sih a.
4A tâwptieng ruok chu sairam khâkin a kha a,
Kâwlhnâm ngeituo angin a ngei a.
5A kehai chu thinaah a fe thla a,
A kalchawihai chun Seol a sir hlak.
6Chuongchun, hringna lampui inphei chu a hmu ngai nawh a,
A lampuihai chu mumal neilo a na, ama chun a hriet nawh.
7Chuleiin, tuhin ka naupasalhai, mi lo ngai unla,
Ka baua thuhaia inthawk hin fe hmang naw ro.
8Amanua inthawk chun in lam- pui chu hlataka sawn unla,
A in kawtkhâr hnaia khawm fe naw ro.
9Mi danghai kuomah in inzaumna chu pe hlau in ta,
Mi bengtlalo#“Lunginsietna bo” amanih “mi nunsie” kuoma chun in kumhai chu kuoma chun in kumhai chu pe hlau rawi in tih.
10Hmêlmakhai chu in hrâtnaa#Hausakna, Sum le puona, Hnienghnârnaa, Neinungnaa suksipin um an ta,
In sininrimnahai chu hmêlmak- hai inah ni hlau rawi a tih.
11In hun tâwp tieng chun inrûm in ta,
In taksa le in tisa chu hmangzo a ni pha chun.
12Chun, “Iengtiziea inchûktirna kha ka lo theida a,
Ka lungrilin kâwkna kha a lo ngainêp am a ni aw!
13Ka inchûktirtuhai râwl khawm ka awi ngai nawh a,
Kei a mîn chûktirtuhai tienga khawm ka na khawm ka sit ngai nawh a:
14Siet let dêrna ka lo tlung ṭêp an nâwm ie,
Inkhâwmpui pâwlpui laia chun,” ti rawi i tih.
15I tuibêl ngeia tui le,
I tuisunsuo ngeia tui luong chu dâwn rawh.
16I tuihnârhai chu inluongdartira umin,
Khawlaidungahai chun vadungpui tui chu ân dar el ding maw?
17Nangma ta bîk chau ni sienla,
I kuoma hmêlmak mihai ta ding ni loin,
18I tuikhur chu malsâwmin um sienla,
I tleirâwl lai nuhmeia chun hlim rawh.
19Sazukpui ditumtak le sakhipui inhawititak angin,
Ienglai khawmin a nenêhai chun suktlai rawp sienla che;
A hmangainaa chun nang chu thafân rawp hlak rawh.
20Chuongchun, nang ka naupa, iengdingin am hmêlmak nuhmeia chun thafân i ta,
Iengdingin am hmêlmak âng chu pawm i ta?
21Mihriem lampuihai chu LALPA mithai hmaah a um sih a,
Ama chun a lampuihai po po chu a siemruol#Hebraiah a kâwk tak a chieng nawh hlak.
22Mi khawhlo chu ama khaw- hlona ngei chun lâng a ta,
A suolna hruihai chun ama khit tlat nîng a tih.
23Inchûktirna tlasamin thîng a ta;
Ân vêtna nasat lei chun ama chu invâkhmang a tih.
Currently Selected:
THUVARHAI 5: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
