THUVARHAI 19
19
1Mi pasie lungril ṭhaa fetu chu,
A hmûrhaia khêlinhlipa mi invêt nêk chun a ṭha lem.
2Lungril hrietthiemna bo khawm chu a ṭha chuong nawh a,
Chun, a kehai tir inhmâwtu chun a suksuol hlak.
3Mihriem invêtna chun a lampui chu a sukkâwi a,
A lungril chu LALPA chungah a lungsen hlak.
4Hausakna chun ruolhai tamtak a belsa a,
Mi pasie ruok chu a ruola inthawka ṭhein a um.
5Thuhretu indik naw chu hrem lo ni naw ni a,
Thukhêl sâksuoktu chun pumpel bawk naw nih.
6Mi tamtakin mi tiktlai ditsakna an ngên a,
Mi tin chu thilthlâwnpêk petu ta dinga ruol a nih.
7Mi pasie chu a unauhai po poin an theida a,
A ruolhai lem chun ieng ang khieua hla am an fe san ding chu!
Thuhaiin anni a hnawt pei a; nisienlakhawm, an fe hmang tah.
8Varna hmutu chun ama lungril a hmangai a,
Hrietthiemna vawngtu chun thil ṭha chu hmûng a tih.
9Thuhretu indik naw chu hrem lo ni naw nih,
Thukhêl sâksuoktu chu bohmang bawk a tih.
10Inhawi chên hi invêt ta ding chun a âwm nawh a,
Siehlaw ta dingin lal nauhai chunga rorêl chu a âwm naw nâwk zuol a nih.
11 #
Jak 1.19 Mihriem remruotthiemna hin ama chu lunginsen intak dingin a siem a,
Bawsietna fe khêl chu ama ta dingin chawimawina a nih.
12Lal lunginsenna chu sakeibak- nei inrûm ri ang a na,
A ditsakna ruok chu hlohna chunga daidaw ang a nih.
13Naupa invêt chu a pa lunginrimna a na,
Nuhmei lungawinawna chu ruo sûr zing ang a nih.
14 #
2 Kor 12.14 In le hausaknahai hi thlatu- haia inthawka rochan an na,
Nuhmei var ruok hi chu LALPAA inthawk a nih.
15Thabona chu imu inhniktakah ân peilût a,
Mi thabo chun phîngṭâm tuor a tih.
16 #
Lk 10.28 Thupêk vawngtu chun a lung- ril chu a vawng ṭha a na,
A lampuihaia fîmkhur lo chu thîng a tih.
17 #
2 Kor 9.6 Mi pasie lunginsiettu chun LALPA ân pûktir a na,
A thil thaw ṭha chu ama chun pe nâwk a tih.
18Beiseina a la um laiin i naupa chu thunun la,
A sietna ding êm chun lungril nei naw rawh.
19Mi lunginsen êm êm mi chun hremna chu tuor a ta,
Ama chu i sansuok chun, i sansuok nâwk pei a ṭûl ding a ni sih a.
20Thurâwn chu ngai la, inchûktirna chu pawm rawh,
I hihnung tâwp tienga i hung var theina dingin.
21 #
Heb 6.17 Mihriem lungrila chun remruotna tamtak a um a,
Amiruokchu, LALPA thurâwn chau chu ngîrsuok a tih.
22Mihriem nuom zâwng chu a lunginsietna inkhina a na,#Mihriema a dit le phût chu thuzâwmna a nih
Mi pasie chu mi khêlhlip nêkin a ṭha lem.
23 #
1 Tim 4.8 LALPA ṭîna chun hringna ân tlun a,
Chu chu neitu chu tlaitakin um a ta,
Thil ṭha naw hrimin ama chu sir ngai naw nih.
24Mi thabo chun thlênga chun a kut chu a phûm a,
A baua hang thun takngiel khawm chu a pei nawh.
25Hmusittu chu vaw la, mi mâwl chun var inchûk a tih,
Hrietthiemna nei mi chu kâwk la, hrethiem a tih.
26A pa suksetu chun a nu chu a hnawt hmang a na,
Ama chu kâwkna le inzakna intlungtir hlaktu naupa chu a nih.
27Ka naupa, hrietthiemna thuhaia inthawka pêthmangna ding chau a,
Inchûktirnahai ngaithlâk hi tâwp san rawh.
28Thuhretu hmangnabo chun rorêlna a nuisan a,
Mi khawhlo bau chun suolna a lem.
29Rorêlnahai hi hmusittuhai ta dinga buotsai an na,
Vuoknahai hi invêt ruongzâng ta dingin.
Currently Selected:
THUVARHAI 19: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
