THUVARHAI 20
20
1Uoin hi nuisantu a na, zu hi mi risie a nih,
Tukhawm chutaka suksuoltu chu a var naw a nih.
2Lal ṭiumna chu sakeibaknei inrûm ri ang a na,
Ama suklungsentu chun ama hringna chunga ngei chun thil a suksuol a nih.
3Insuolnaa inthawka insietum hi mihriem ta dingin inzâkaina a na,
Amiruokchu, invêt taphawthai chu insêl an tih.
4Mi thabo chun thlasik leiin hnuoi inlet naw nih a,
Chuleiin, busîk pha chun kut dâwng a ta, iengkhawm nei naw nih.
5Mihriem lungrila thurâwn hi tui inthûk ang a na,
Amiruokchu, hrietthiemna nei mi chun chawi suok a tih.
6 #
Mt 6.2; Lk 18.11 Mi tamtak chun mâni ṭhatna hril seng an ta,#Ringum tak niin an inhril seng a
Mi ringum ruok chu tuin am hmu suok thei a ta?
7Mi indik a lungril ṭhaa fe mi chu,
Ama hnunga a thlahai chu an hamṭha.
8Rorêlna lalṭhungphaa lal ṭhung chun,
A mithaiin thil ṭha naw po po a hnawt dar.
9Tuin am, “Ka lungril chu ka sukthieng a,
Ka suolnaa inthawkin kân thieng tah” ti thei a ta?
10Bûkna danglamhai, inkhîna danglamhai,
Chuhai ve ve chu angkhata LALPA ta dinga tirdakum a nih.
11Naupang hmanin a thilthaw- haiin ama le ama ân suklang hlak,
A sinthaw chu ân thieng amanih, ân dik amani khawm ni sien.
12Hrietna na le, hmuna mit chu,
Chuhai ve ve chu LALPA siem an nih.
13 #
Rom 12.11 Zâl hmakhuo ngai naw ta, tlâksamnaah lût rawi i tih,
I mithai chu meng la, chuong- chun, beia suktlai nîng i tih.
14“A ni nawh, a ni nawh” inchawtu chun a tih a,
A fe hmang pha ruok chun a uong hlak.
15Rângkachak le lung mantam tamtak a um a,
Amiruokchu, hrietna hmûrhai chu lunghlu hlutak an nih.
16Hmêlmak mi ta dingin a aiaw dingin a silfên la la,
Chun, nuhmei hmêlmak mi ta ding chun ama chu aiawah hrên rawh.
17Indik nawna bei hi mihriem ta dingin a thlum a,
A hnunga ruok chun a bau chu phaiphinin sip a tih.
18Thiltum tinrêng chu thurâwna tungding a na,
Ṭhuoina var leh indona chu siem rawh.
19 #
Rom 16.18 Mi bautam invâk vêltu chun thurûkhai a phuong a,
Chuleiin, a bau ka lientu chu va pâwl naw rawh.
20 #
Mt 15.4 Tukhawm a nu amanih, a pa amanih ṭawngse inphurtu chu,
A khâwnvar chu inthim sâmup- na laia chun her hlum nîng a tih.
21A tira chun rochan chu inhmâwtaka chang thei nîng a ta,
Amiruokchu, chu tâwpna chu malsâwmpêk ni naw nih.
22“Thil ṭha naw chu thung ka tih,” nangin ti naw la,
LALPA chu nghâk la, ama chun sandam a ti che.
23Bûkna danglamhai chu LALPA ta dingin tirdakum a na,
Bûkkhaina indik naw khawm chu a ṭha nawh.
24Mihriem fenahai chu LALPA ta a na,
Chuong a ni chun, miin iengtin am mâni lampui chu hre thei a ta?
25“ân thieng a nih,” hang ti thlâk rawk el hi mihriem ta dingin châng a na,
Inkhâmnahai hnunga hrietchiengna siem le hin.
26Lal var chun mi khawhlohai chu a hnawt dar a,
Bu chîlna tawlailîr kekuol chu an chungah a hung lâk.
27Mihriem lungril chu Pathien khâwnvar a na,
Phîngsûng hmun inthûktakhai po po chu a zawng suok hlak.
28Lunginsietna le thutak hin lal chu a vawngṭha a,
A lalṭhungpha khawm chu zângainaa#thuzâwmna tungding a nih.
29Tlangvâlhai ropuina chu an hrâtna hi a na,
Mi upahai mawina chu an lu inṭuok hi a nih.
30Hliem khawpa vuokna chun thil ṭha naw a sukfai a,
Vuoknahai chun phing sûng sûngril hmunhai chu a sukfai.
Currently Selected:
THUVARHAI 20: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
