Popular Bible Verses from THUVARHAI 19

Share

Mihriem lungrila chun remruotna tamtak a um a, Amiruokchu, LALPA thurâwn chau chu ngîrsuok a tih.

Mi pasie lunginsiettu chun LALPA ân pûktir a na, A thil thaw ṭha chu ama chun pe nâwk a tih.

Mihriem remruotthiemna hin ama chu lunginsen intak dingin a siem a, Bawsietna fe khêl chu ama ta dingin chawimawina a nih.

Thurâwn chu ngai la, inchûktirna chu pawm rawh, I hihnung tâwp tienga i hung var theina dingin.

LALPA ṭîna chun hringna ân tlun a, Chu chu neitu chu tlaitakin um a ta, Thil ṭha naw hrimin ama chu sir ngai naw nih.

Varna hmutu chun ama lungril a hmangai a, Hrietthiemna vawngtu chun thil ṭha chu hmûng a tih.

Beiseina a la um laiin i naupa chu thunun la, A sietna ding êm chun lungril nei naw rawh.

Thuhretu indik naw chu hrem lo ni naw nih, Thukhêl sâksuoktu chu bohmang bawk a tih.