THUVARHAI 12
12
1Inchûktirna ngainatu chun hrietna a ngaina a,
Kâwkna theidatu ruok chu intlaw a nih.
2Mi ṭha chun LALPA ditsakna hmûng a ta,
Thiltum khawhlo nei mi ruok chu thiemnaw inchangtir a tih.
3Mihriem chu khawhlonain indinsuok an ni ngai nawh a,
Mi fel zung ruok chu sawnhmang a ni ngai nawh.
4 #
1 Kor 11.7 Nuhmei ringum chu a pasal ta dingin lallukhum a na,
Thil inzapuium thawtu ruok chu a ruhai ta dingin inngêna ang a nih.
5Mi fel ngaituohai chu thil indik a na,
Mi khawhlo thurâwn ruok chu inhlêmna a nih.
6Mi khawhlo thuhai chu thisen insuo dinga inchântu a na,
Nisienlakhawm, mi fel bau chun anni a san suok hlak.
7Mi khawhlohai chu pei thlâkin an um a, an um ta nawh a,
Nisienlakhawm, mi fel insûng ruok chu a ngîr zing hlak.
8Mi chu a varna anghu peiin hrilmawi nîng a ta,
Lungril khêlinhlip nei mi ruok chu ngainêp nîng a tih.
9Mi mâni le mâni insiechunga, fâk ding nei lo nêkin,
Mi ngainatum raklo, siehlaw nei si kha a ṭha lem.
10Mi fel chun a ran hai hringna chu a ngaisak a,
Mi suol zângaina innêm ruok chu a rilo.
11A hnuoi inlettu chun bei nei ṭeu a ta,
Mi teplohai zuitu ruok chu hrietthiemna bo a nih.
12Misuol chun mi rilohai lên chu a ditpui a,
Mi fel zung ruok chun ra ân suo.
13Hmûrhai bawsietnaa chun mi rilo châng chu a um a,
Mi fel ruok chu buoinaa in- thawk chun hung suok a tih.
14A baua ra thil ṭha chun mi chu suktlai nîng a ta,
Ama kut thilthawhai ngei chu a kuomah pêk nîng a tih.
15Ama mithaia chun mi invêt lampui chu ân dik a,
Mi var ruok chun thurâwn chu a ngai hlak.
16Invêt lungsenna chu hriet uor a ni hlak a,
Mi var ruok chun inzakna chu a thuphmang hlak.
17Thutak sâksuok hlaktu chun felna chu ân entir a,
Hrepuitu inkhêl ruok chun hlêmna ân entir hlak.
18Kâwlhnâm isun anga tlahawltaka thuhril a um a,
Mi var lei ruok chu a hrisêl a nih.
19Thutak hmûr chu kumkhuoa tungding nîng a ta,
Lei khêlinhlip ruok chu mit- khapkâr chaua ding a nih.
20Rîtlona rawt suoktuhai lung- rila chun hlêmna a um a;
Inremna rawt suoktuhai kuoma ruok chun hlimna a um.
21Mi fel kuoma chun thil pawi hrim tlung naw nih a,
Mi suol ruok chu rîtlonaa suksip nîng a tih.
22Hmûr khêlinhliphai chu LALPA ta dingin tirdakum an na,
Indiktaka thawtuhai ruok chu a lâwmna an ni hlak.
23Mi var chun hrietna chu a thup a,
Invêthai lungril ruok chun invêtna a tlânginsampui.
24Mi taima kut chun rorêlna chu kawl a ta,
Mi thabo ruok chu sin inthawluitirna hnuoia sie nîng a tih.
25Mihriem lungrila inlung- khamna chun a sukkûn a,
Thu ṭha ruok chun a suklâwm hlak.
26Mi fel chu a tuolbâwm ta dingin ṭhuoitu a na,
Mi khawhlo lampui ruok chun ân suksuoltir hlak.
27Mi thabo chun a ramsuoknaa a lâk chu a raw nawh a,
Amiruokchu, mihriema thil hlutak.#vângneina chu taima kuomah a um;
28Felna lampuia chun hringna a um a;
Chu lampuia chun thina a um nawh.#Rîtlona lampui chu thina a nih
Currently Selected:
THUVARHAI 12: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
