THUVARHAI 11
11
1Bûkna indik naw chu LALPA ta dingin tirdakum a nih;
Inkhîna indik ruok chu a lâwm zâwng a nih.
2Chapona chu a hung pha chun, inzaknain a hung zui;
Varna ruok chu inngaitlâwmhai kuomah a um.
3Mi tluong chu a lungril indiktak chun ṭhuoi a ta,
Bawsetuhai ruok chu an khêl- inhlipnain anni suksieng a tih.
4Lungsen nia chun hausakna chu a ṭhahnem chuong nawh a,
Felna ruok chun thinaa inthawkin a sansuok.
5Mi fel famkim chu a felna chun a lampui kâwkhmûng a ta,
Mi khawhlo ruok chu a khawhlonaa ngei chun tlu lem a tih.
6Mi tluong chu an felna chun anni sansuok a ta,
Ringmawumtaka thawtuhai ruok chu an thil sukpawi ngei chun anni lâng a tih.
7 #
Mt 5.7 Mi khawhlo chu a thi chun, a beiseina chu bohmang a tih,
Mi fel naw beiseina chu bohmang bawk a tih.
8Mi fel chu buoinaa inthawk san suokin a um a,
A hmuna chun mi khawhlo chu a lût hlak.
9Pathien ngaisak naw mi chun a bauin a tuolbâwm chu a suksiet a,
Mi fel ruok chu hrietna leia sanhim a nih.
10Mi fel le ṭhataka a khawsak sûng po, khawpui chu a hlim hlak,
Chun, mi khawhlo chu a bohmang pha chun khêkri a um hlak.
11Mi tluong malsâwmna leiin khawpui chu chawimawiin a um a,
Nisienlakhawm, mi khawhlo baua pei thlâkin a um hlak.
12A tuolbâwm ngainêptu chu varna bo a nih,
Mi hrietthiemna nei mi ruok chu a to ṭawk ṭawk.
13Mi lâwt vêltu anga invâk vêl chun thurûk a phawr hlak a,
Mi lungril ringumtak ruok chun thu chu a ip hlak.
14Inṭhuoina var um nawnaa chun mi an tlu hlak a,
Thurâwntu tamtakhai lai ruok chun himna a um.
15Hmêlmak mi ta dinga aiawtu ni chu kawisieng a ta,
Aiawtu nina theidatu ruok chu nghet lem a tih.
16Nuhmei zângaithei chun inzâumna a kawl zing a,
Pasal kâwlhrâwng chun hausaknahai a kawl hlak.
17Mi zainêmtak chun a lungril ta ding ngeiin thil ṭha a thawh a,
Mi rilo ruok chun ama tisa ngei a sukbuoi.
18Mi khawhlo chun hlaw hmusit- umtakhai chu a hlawh a,
Felna tutu ruok chun lâwmman indiktak chu a hmuh.
19Felnaa ngîr det tlattu chun hringna chu hmûng a ta,
Suolna hnawttu chun a thina ding ngeiin a thaw a nih.
20Lungrila khêlinhliphai chu LALPA ta dingin tirdakum an na,
An lampuia fel famkimhai ruok chu a lâwm zâwng an nih.
21Mi rilo chu hrem naw ni naw ni,
Mi fel thla ruok chu sanhim nîng a tih.
22Nuhmei hmêlṭha ngairuotthiemna neilo chu,
Vawkpui hnâra rângkachak kutsebi ang a nih.
23 #
Rom 2.8,9 Mi fel dit zâwng chu thil ṭha chau a nih,
Mi rilo beiseina chu lungsenna chau a nih.
24Semdar raka pung deu deu si a um a,
Mamaw tâwk bâk inro tlata tlasam si a um bawk a.
25 #
2 Kor 9.6; Mt 5.7 Mi tiktlai chu sukthâu nîng a ta,
Tui buoktu chu, ama ngei khawm tui buokkhum nîng a tih.
26Bu inrotu chu miin ṭawngsie inphur an tih,
A zawrtu lu chunga ruok chun malsâwmna um lem a tih.
27Thil ṭha nguntaka zawngtu chun ditsakna a zawng a nih,
Pawitâwkna zawngtu chunga ruok chun pawitâwkna chu tlung a tih.
28 #
Job 31.24; Mk 10.24; Lk 12.21 A hausaknahai ring mi chu tlûng a ta,
Mi fel ruok chu hna hring angin inno a tih.
29Mi ama in ngei sukbuoitu chun takbo ro hluong a ta,
Mi invêt chu lungril var kuoma siehlaw nîng a tih.
30Mi fel ra chu hringna thingkûng a na,
Lungrilhai latu chu mi var a nih.
31 #
1 Pet 4.18 Ngai ta, mi fel chu hnuoia hin thung nîng a ta,
Mi suol le mi khawhlohai khawm chu thung an va ni nasa awm de!
Currently Selected:
THUVARHAI 11: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
