Popular Bible Verses from THUVARHAI 12

Share

Mihriem lungrila inlung- khamna chun a sukkûn a, Thu ṭha ruok chun a suklâwm hlak.

Inchûktirna ngainatu chun hrietna a ngaina a, Kâwkna theidatu ruok chu intlaw a nih.

Kâwlhnâm isun anga tlahawltaka thuhril a um a, Mi var lei ruok chu a hrisêl a nih.

Ama mithaia chun mi invêt lampui chu ân dik a, Mi var ruok chun thurâwn chu a ngai hlak.

Invêt lungsenna chu hriet uor a ni hlak a, Mi var ruok chun inzakna chu a thuphmang hlak.

Nuhmei ringum chu a pasal ta dingin lallukhum a na, Thil inzapuium thawtu ruok chu a ruhai ta dingin inngêna ang a nih.

Hmûr khêlinhliphai chu LALPA ta dingin tirdakum an na, Indiktaka thawtuhai ruok chu a lâwmna an ni hlak.

Mi fel chu a tuolbâwm ta dingin ṭhuoitu a na, Mi khawhlo lampui ruok chun ân suksuoltir hlak.

Thutak hmûr chu kumkhuoa tungding nîng a ta, Lei khêlinhlip ruok chu mit- khapkâr chaua ding a nih.